pc12345的个人专页

今日行經銅鑼灣，見到依間細細舖頭仔好多人排隊，本住「執輸行頭，慘過敗家」嘅心態即刻排隊入去試下先！排住隊個時望下d裝潢，又幾懷舊喎，古老味道嘅門口，九龍錶行嘅rolex鐘，配合木枱摺櫈，成個環境乃至小擺設配合即刻昇華咗！值得一讚係我地排隊個時填咗order 比咗職員，之後入到去坐低無耐即刻有得食，上菜時間極快。由於第一次黎，所以我就叫咗個蔥油豬扒飯，係依度嘅招牌！碗飯不但好大碗，連份豬扒都好大塊。䓤油味重。我一開始先放䓤油加豬扒，咬落去唔會皮肉分離。之後再拎蔥油撈飯食，簡直食唔停口！如果鐘意食辣，可以加d辣椒入去撈，更加正！我又叫咗個小食酥炸鳳眉蝦，蝦夠大隻，唔錯。最後，不得不提就係個蘋果汁，依隻牌子十分少見，細細地，幾得意，個人就覺得甜度適中，幾好飲，可以一試！…查看更多

沙田友好多時都係黎依到食，貪性價比高。今次黎到都係往常咁多人，野食水準依舊，唯一想講係d野食都幾凍，如果佢可以熱d就好，咖啡依舊味道，食咗一個小龍蝦通粉，新出之前未食過，值得一試。…查看更多

佢d粉都幾大碗 叫咗兩個粉，一個就係脆肉通心粉，另一個就係蓮藕粉。佢嘅脆肉係依度相對出名嘅食物，所以我都幾期待，兩碗野黎到，都覺得個份量幾多，重點係連d餸都好多，絕對夠飽！！！通心粉幾好食，蓮藕粉都幾爽，伙記冇介紹錯，係個脆肉冇想像中咁好食，個皮有d硬。…查看更多

由於都係星期二黎，所以都唔多人，間舖對比星期六日都坐唔爆，我地唔洗等位就入到。我叫咗個海底椰紫米露，可能好耐冇黎食過，原來滿記已經轉咗白色碗，雖然個碗靚咗，但個份量亦同樣細咗。碗野都係繼續個隻味，普普普通通啦！可能我唔太鐘意食甜，如果佢冇咁甜就好啦！…查看更多

星期日，雖然已經秋天，但仲係有夏日炎炎嘅感覺！第一次黎依個沙灘，第一次食依間餐廳，但就改變咗我對政府沙灘通常都唔會有野食，甚至好野食嘅定律！午市都有幾多餐揀，我揀咗個菜遠牛河，鑊氣夠、牛河黎講唔算多油，仲要d河入味！好食！都係38蚊，仲要送埋午市例湯，任飲唔嬲，d湯飲完唔頸渴！一個字：好抵食！！！聽聞佢地個梅菜扣肉飯都係自己整，叫到有個叔就叫咗，有肥有瘦，希望下次食到。…查看更多

我都幾鐘意食上海麵，所以一見到依間野就毫不猶疑走咗入去食入到去都坐滿人，但又好快有位，因為兩點幾，所以就食到下午茶。下午茶都幾平我就叫咗個炸雞扒麪加酸辣湯再送一杯豆漿。值得一讚係佢塊雞扒炸得好好食，有肉汁，炸得又脆，原來依間舖頭仲要淋d酸辣醬係個炸雞扒上面，如果鐘意食酸辣醬，就會覺得更好食，但我就因為唔太好，如果下次再食，我就會叫走醬。個麪嘅份量好多，絕對夠飽！！！但我覺得酸辣湯就好普通，唔夠酸唔夠辣，試完一次即可。另外，我個fd就叫咗餃子麵，佢都話幾好食！杯豆漿正常，唔算特別甜，亦都唔多豆漿味…查看更多

難得黎到西營盤，上網睇下有咩好食，結果就揾到依家店。因為我都係三點入去，夾埋我都係得兩枱食客，顯得稍為有點冷清。我就因為唔算太肚餓，所以淨係叫咗一碗牛雜麵，講真係香港地要揾一碗好食嘅牛雜麵真係好難。但依間麵家嘅牛雜新鮮、乾淨，唔重口味，食到鮮甜味！果然係隱世小店！至於湯頭亦唔重口味，麵質彈牙！…查看更多

以前細個成日黎食，老闆好好人，依度環境真係好特別，中間位好似個庭園咁今日翻黎繼續叫翻個魚皮餃河，都係keep住水準，菜新鮮，麵彈牙，伙記依然好好人，碗麵盛載嘅係回憶同人情味！…查看更多

黎到荃灣，廢青當然第一時間揾小店坐低。咁啱就比我係openrice揾到依一間冰廳。近依幾年都有不少自稱冰廳或冰室嘅食肆出現，但真正有冰廳水凖抑或是味道即少之又少。但依間老字號就令我有翻到老香港唧感覺。依一個就係基本上大家都會叫嘅招牌，火腿奄列，真係好大份，好好食，佢有大量火腿係入面，加上有少少豉油係底，好好食，係略嫌唔夠生，有點太熟。依一個沙爹牛肉通粉好好食，通粉量多，d湯好飲，最值得一讚係佢碗通粉上面d蔥嘅刀功，幼細無比，絕對值得一食！如果可以，下次一定會再食！…查看更多

富盈真係成日都食，基本上一大堆人諗唔到去邊就會選擇去個到食，因為唔洗用腦諗，但就因為咁所以我決定要寫翻一篇食評。今次同兩個fd一齊食，大家都其實吹水居多，但個場又多人，侍應就唔夠人，變咗我地想加雞個時都等好耐。食物就真係好普通，依個就不嬲，但對比以前，真心覺得質素差劣咗，就好似牛肉多肥咗。不過都算啦，但重點係黎野唔算快，所以導致我地都唔算食得好盡興，仲要今次黎竟然冇牛奶樂，真係有d失望😭😭😭…查看更多

好耐冇食過早餐啦，因為平時都起唔到身，今日特登約咗個fd食！一於就食大快活啦！我叫咗蕃茄通粉餐，有炒蛋、一份大塊嘅多士，加多杯熱咖啡。整體質素唔錯，都夠熱。蕃茄通夠蕃茄味，通粉量算多，一般人都夠飽，熱咖啡就平平無奇，塊多士因為夠熱，d牛油可以溶晒係個包到！30蚊，性價比真係唔錯，至少我又夠飽！香港地d野真係好貴。但我個fd個早餐就唔多掂，個魚柳真係唔好食，唔夠熱，個炸皮同個魚柳分開，對比其他分店真係有d對唔住個招牌。…查看更多