dinnerbucket的个人专页

久仰這拉麵小店的秘製蟹黃拉麵，本想聖誕來一試，但又怕多人……最後都係放棄左，今日經過見有位就諗都唔諗入左去先，應該係過左午飯時間，所以唔需要等位！ 一坐底，店員就沖杯用備長炭過濾的暖水比你，幾細心喎 :) 到左食拉麵唔少得嘅動作，填紙仔！正當我想落筆選我想試好耐嘅蟹黃拉麵之時，又被放在窗邊的相片吸引住，據店員說，這是他們新出的節日限定鹿兒島A4和牛拉麵，這小店竟然有和牛食，定價仲比蟹黃拉麵平小小，好就試和牛先！ 等食麵時，見到小食有款什錦魚併盤，問過店員後才知道併盤由小池魚、鱈魚、魔鬼魚3款魚，仲有3款汁醬配食，覺得幾得意，又點左黎試！ 拉麵食平左$10，宜家又點左款貴D嘅小食，有D心痛 不用10分鐘，有拉麵食喇！拉麵跟一小碟cream加蒜片，店員建議我和牛可以夾蒜片、洋蔥同點師傅秘製嘅cream一齊食，聽完後已等唔切要開動快子了！帶點酸味嘅cream加蒜片、洋蔥同和牛嘅味道好match，半熟的A4和牛肉質夠嫩滑，正！ :) 湯底係純豬骨湯底，親切嘅店員比左小tips我，話用黎點和牛嘅cream，也可隨個人喜好，加入湯底內，可令豬骨湯底變得更滑更香，但不喜歡cream嘅，只嘗嘗他們的純豬骨湯底也可！有意思~ 夠細心~北海道什錦魚併盤，上怡已好吸引，小弟最喜歡魔鬼魚配小小辣的醬汁，魔鬼魚食落有D軟骨，口感特別~大圍小店如此出色，難得！可惜，小店地方太細喇，坐得迫左D…… 但都值得推介的~ 下次會再試蟹黃拉麵…查看更多

路經長沙灣見肚仔餓，想搵間唔洗等位又坐得舒服的食店慢慢享用午餐，行左一轉，煮角係你喇！正好12點前來到，只得一枱客，唔洗等，店內環境整潔寬敞:)點左個套餐B，茄汁活蜆炒扁意粉送餐湯，只需$38! 抵食~茄汁活蜆炒扁意粉~ 整體味道OK，但主角活蜆嘅溫度明顯低過意粉，應該係預先煮熟後備用，到上菜前再番炒所至，有待改善清水.... 要自己叫先有, 店員咁清閑都唔幫客人refill, 服務一般:(…查看更多

喺大圍返工咁耐，其實對呢間經常都座滿人嘅拉麵店非常熟識，但由於佢太多人同好多時要排下隊，所以無機會一試....=(咁啱今日經過，平時呢個時間只會見到門口掛住 "準備中" 的木牌，竟然變成 "營業中"... 仲有人添，就試試問下有無拉麵食啦！店員就話宜家係拉麵嘅落場時間....麵爐要清洗，6點先有得食.....有點失望....店員話... 不如試下我地新登場嘅什麼什麼洋食屋啦?? 係我地大廚精心設計嘅日式下午茶!! 見你平時咁多人食, 好啦, 就當一試無壞啦!下午茶Menu上, 有意粉、日式薄餅、多士等，見相中的 "藍苺忌廉多士" 賣相幾好，就點呢款啦!轉個頭店員比張卡仔我，話係我地嘅 "無料WiFi" password，即免費，又幾好wow!!等左一陣，咖啡到！店員話，所有下午茶都係即場做的，會等得比拉麵耐少少，好... 飲住咖啡上下網等啦!等左約8-10分鐘，多士到了!賣相同相差不多，Good! 多士上有忌廉、藍苺、藍苺醬、少少糖醬等，正如店員所講，唔係一般港式茶餐或西餐廳食到的西多士，食落...藍苺醬同糖醬很配合，不會太甜，多士內不是花生醬而是忌廉加少許芝士，感覺很新鮮，好吃！有驚喜!!下午茶時間，可能無拉麵食嘅原因，店內很少人，很清靜，加上格仔窗小木屋嘅裝修，有如置身日本街頭小店或台灣特式Cafe嘅感覺，又有免費WiFi，好relax! 下次再黎試下其他款先 =P 希望都係有咁高質數啦!!…查看更多

05 Sep 2012 WED同朋友想找個靜靜地，可以講下野o既地方， 正好比我地見到和民竟然無人排隊! 難得! 難得! 入到去仲有8成空位等緊我地添，正爆! 正因為係下午茶時段，也是他們大部份員工的落場時間，所以等左成8分鐘先有個樓面行過幫我們落單，:(當我們落單時，侍應先話我地一直睇緊o個本並唔係下午茶Menu........然後先攞比我地....... 又要睇過... 鮭魚刺身飯 $43一碗賣相不俗，充滿油光的刺身飯來到了! 刺身表面的油光應該是後加的，用來增加光澤，令口感更肥美 真的不錯，如果可以切厚少少就更好 個餐$43跟飲品，大家在相中見到的，並非可樂.... 係凍啡 (不過我唔係要走糖走奶喎) ，又是人手問題... 又等左8分鐘左右先比番我 如各位趕時間或無耐性的話，建議大家最好不要在下午茶時段來和民，但他們的食物質數同環境都不錯的! …查看更多

帶個仔上完playgroup, 正好12點正, 又係醫肚o既時間, 今日點中呢間一粥麵!喺我心目中一粥麵係一間一向都能保持製作認真、服務態度良好的快餐店, 希望久別後不會令我失望啦! 正好旁邊的VTC同地盤工人都還未放飯, 買完飯仲大把位等我坐! 環境開揚、光線充足, 服務員見我推住BB車, 仲主動叫我坐底先, 佢地會幫我送餐比我! 真好服務~ :)不過廚房出餐速度真係驚人....地慢! 等左15分鐘仲未到, 但服務員貼心地幫我追左廚房2-3次, 最後我見佢仲企定定喺出餐枱前幫我等, 值得一讚! 脆炸魚塊菜飯賣相不錯, 炸魚塊看起來不太油, 睇真D, 原來炸醬混入一些乾蔥碎, 我諗是用來減輕油膩感的, 夠細心! :)魚塊厚薄適中, 食落仲保留到肉汁, 炸得岩岩好! Good~ 跟炸魚塊來的醬汁, 甜甜酸酸的, 不過個人不喜歡用來配炸魚塊一起吃, 最後用來撈飯食, 也不錯吧! …查看更多

小弟本來都好少去大圍覓食, 但見近期D報紙、雜誌都紛紛介紹大圍村的一家新進人龍拉麵店, 見今日得閑就過黎試試啦! :)點知.....黎到竟然在門口見到張紙寫住逢星期一休息一天!!! 吓.....食市都會有休息一天架咩..... 超失望.. :(一場黎到諗住食拉麵, 無理由空手而回的, 正想揾下左近有無食拉麵的好地方, 就比我見到對面有間門面幾有日本風的小店,就過去睇下有咩食先! 拉開店門, 我問店員呢度有咩食架, 店員話我地呢度係食拉麵架 (心諗: 正合我意... hehe! ), 然後比左張餐牌我睇, 有幾款拉麵、小食、飲品, OK就坐底試試!店內環境光線充足、冷氣夠晒凍, 店仔細細所以坐位不多, 大慨20個位左右, 包括小弟在內, 店內只有4個食客, 所以唔洗排隊就入得 :) 點左個叉燒豬軟骨拉麵試下! 等食中..... 又影下枱面餐具先! 坐左一陣, 感覺有D凍凍地添.... :( 睇睇下....e.... 日式拉麵店點解有個神枱??? 睇真D, 好似係關2哥??? 怪怪的................ 等左4分鐘左右, 有麵食喇! 可能少人o既關係, 都算快喎 :)叉燒豬軟骨拉麵, 賣相一般, 我最愛的蔥花只得少許, 又沒有京蔥絲, 有點唔開心添... :( 唔理咁多, 食左先講! 有半隻半熟蛋/流心蛋, 送的! :) 不過, 點解流心蛋連蛋白都係流心o既.... 食落, 蛋白水汪汪, 真奇怪... 蛋黃部份反而流心度不足... 蛋白外層有少少味, 但唔算好入味 :(跟2塊叉燒! 份量夠, 但叉燒不是半肥瘦的, 太瘦太乾身, 更食唔到我想食半肥瘦叉燒的肉香肉汁味... 失望 :(豬軟骨, 話明豬軟骨, 當然係以軟骨為主角, 但豬肉同軟骨o既比例差太遠了, 肉80%..... 如我老婆(好鐘意食豬軟骨架) 見到, 一定叫我唔好再黎.....個麵, 係我個人覺最差的部份! 太粗身, 口感不好... 食唔哂~~ …查看更多

帶個仔剪完頭髮, 又到左下午茶時間, 見幸安有$20燒味下午荼餐, 就試試啦! 黎到Food Court, 第一時間係揾位, 推住架BB車, 真係唔容易... 好彩! 有好人見我推住BB車馬上快手食完讓位比我, 香港真係越黎越少見了, 大家要好好學習呀! Food Court環境一般啦, 都有姐姐不時收野抹枱 :)湯米份量夠, 湯底不會過鹹, OK! :)燒腩仔能夠保持水準, 依然係超脆皮, 好食! 有肉汁, 係有少少鹹 (個人認為) 整體而言, $20食到超脆皮燒腩仔, 勁抵食, 滿足~ …查看更多

再來Popcorn覓食, 今次睇中呢間鋪面很有特色的亞來街.店內設計很有馬來亞舊茶室的感覺 再crossover 我們小時侯的舊課室設計, 幾特別! 喜歡影懷舊相的朋友可以來試試! 這店要在入座前到counter買左野食先... 有點不方便. :(點左個去骨海南雞飯套餐，雞都幾滑口:), 不過有點生.... 湯太鹹了,:( 三款醬汁 - 辣醬我唔食的, 唔評、薑蓉不夠味、黑醬油也是味太重，碗油飯, 大大碗抵食、很有雞油味! 可惜價錢要$6x，有點貴....…查看更多

將軍澳有新商場(POPCORN)開業, 專誠來湊下熱鬧! :)見到譽居嘅裝修幾好, 樓底高、座位寬敞、又多人排隊，應該不會太差...正好朋友送左張coupon比我, 新張期內送清湯河一碗! Good~~ :)正因為有個免費湯河, 我同老婆就點左客叉燒來伴個河粉食, 再加個蛋白炒飯, 2個人剛剛好!叉燒, 半肥瘦, 不會太乾身, OK 好食! :) 如果有D黑色蕉就更正(個人喜好) 蛋白炒飯, 炒得乾身不油, 好炒功! 加左D紅米, 感覺清新健康! 加少許蝦米, 香口好吃! 正~~ 值得推介!…查看更多

老婆喜歡日本燒肉, 見到伊呂波好評如潮, 就預先book左位, 所以唔洗等位大廳中間是榻榻米座位, 非常寬敞, 坐得很舒服 :)睇到呢幅掛畫, 就知道係食和牛嘅好地方啦! 和牛海鮮合盛第一次黎, 點左個 和牛海鮮合盛 試試先, 食完之後, D海鮮就一般啦, 不過D牛既款款都很多汁新鮮, 很好吃, 我同老婆都覺得最特別係放喺中間最右手邊的一款, 口感特別, 彈牙, 有別於其他牛, 一問之下先知道這部份叫 "胸外膜",所以我地決定叫份 "厚切胸外膜" 再回味下! 厚切胸外膜(付柚子胡椒) 厚切! 真的別有一番風味, 彈口感更利害! 再加上旁邊的柚子胡椒醬一起吃, 味道非常配合, 真的愛上了牛的胸外膜! 下次一定會再試的! …查看更多

抵食! $22, 仲送粉卷一客! :) 如果有野飲就Very Good.... 加$2 都好河粉夠大碗, 食得飽 :)豬排分開上, 能保持煎豬排的香口, 味道OK la! :)粉卷皮太厚及食落有點乾身 :(服務差, 重覆左3次先落倒單(發緊夢)... 落單後等3分鐘有得食, 快! :)…查看更多

下午5點左右, 小弟連lunch都未食, 肚餓到不得鳥...正在覓食嘅時候, 比我發現調景嶺一個商場內, 有間意大利餐廳,餐廳景觀開揚, 大大塊落地波璃, 感覺不錯, :)再望望個餐牌, 下午茶有焗飯食, 價錢仲唔貴, 只係$3x左右, 正合我意啦! 點左個芝士焗斑球炒飯, $35仲跟杯咖啡添, 抵芝士及斑球都焗得剛剛好, 不錯! 特別在意大利餐廳竟然有炒飲底, 經焗過嘅炒飲底有D飯蕉, 好食! …查看更多