wendy_0107的个人专页

當晚8點入座，入座前特意問咗門口侍應有冇用餐時間限制同另一位女侍應有無切餅費，當時門口侍應回覆冇用餐時間限制，而女侍應話要再確認吓有冇切餅費先，後來該女侍應向我哋其中一位朋友方向展示❎手勢，怕有誤解，決定問多一次有冇切餅費，而最後該女侍應回覆:「無問」，於是乎我地一直等佢確認。等到咁上下，見佢冇任何更新，我哋已經有好禮貌再問多次有冇切餅費。呢個時候個女侍應突然好大聲咁話:「冇，咪問咗三次囉。」由於佢一直都冇比確實答案，對於佢突如其來既無禮對待，我哋都有啲詫異同無奈，但亦唔想係餐廳嘈，所以諗住食埋飯就算。🫥後來有個海南雞飯（配湯）嚟到，一位男侍應直接扔落張枱度表示：「冇晒湯啦」，然後就轉身走，完全冇諗過比任何代替品或者提供後續安排。按常理本身價錢就係包括飯同埋湯，冇咗湯唔係應該要俾番代替品/有其他補償，而唔係通知一聲就算。🫠到最後我地無係餐廳切蛋糕，因為唔想再受氣食野，臨尾時，女侍應再補句:「今日有嘅野唔代表將來都係咁，今日冇，下一次就可能有。」感覺果下女侍應零禮貌、零服務可言😡最後野食到齊時（20:45）話夠鐘last order，然後未到9點半就已經收晒我哋所有嘢。需要閂門想早啲執嘢係可以理解，但點解唔係一開始入座前講明仲有45分鐘就last order? 最後想講絕對冇下次，星期六夜晚呢啲時間都可以有一半係空座，完全明白點解。真係比錢買難受！😡…查看更多

因為之前見到餐廳枱數唔多，所以提早係OpenRice預約訂座。當日係平日，到達時餐廳已經坐滿，但冇人龍出現。原先想叫豆乳燒，但被通知所有鍋類已經售罄，唯有轉做鹽燒鯖魚配湯烏冬，配菜揀咗甜薯同糖心蛋。整體嚟講：環境舒適寫意，食物質素唔錯。如果想搵個放空休息既地方，係唔錯既選擇。…查看更多

當日去到無需等候，直接入坐。今次叫咗一份香芒蟹肉炒飯$72，同一碗冬陰功湯麵$68。上嚟之後感到詫異，炒飯份量好少，就一小碗，芒果有五至六條。而湯麵既餸唔錯，有蝦、魷魚同豆卜等。味道算正常，但份量都真係幾少，食完之後冇咩飽肚感，可能只啱比啲食得少既女生。🤯…查看更多

當時6點到餐廳已近乎坐滿，環境舒適，服務員態度不錯。落訂以入座時間起跳2小時，1小時後last order。南瓜雞肉燉飯 $138南瓜味好濃郁，雞肉好軟好入口，但最後食到最後會有啲膩。Cobber noddle $96雖然menu顯示係辣，但實際上唔太辣。蝦好大隻，彈牙好飽滿😋和風火炙帆立貝意粉 $149有三隻大帆立貝，配埋日式醬汁同沙律醬，正常發揮。芝麻雞翼 $68另外叫左一個黑松露忌廉雜菌pizza $ 118同兩杯飲品係last order時叫左原味疏乎厘班戟。起初以為要等20-40分鐘（按餐牌上寫），但最後大概等5-10分鐘就上到枱。本來對疏乎厘班戟唔太有興趣，但食落發現好鬆軟，奶蓋唔會過甜，非常有驚喜💛…查看更多

之前光顧過這間餐廳，對他們的雞胸印象不錯，所以決定再次光顧。雞胸肉使用了香草醃製，在吃一段時間後會感到有些膩。這次的雞胸質地相比之前下降了，但整體口感仍然嫩滑。沙拉部分搭配了各種蔬菜、橄欖和番茄，醬汁帶有一種酸酸甜甜的味道，可以解膩。份量對於胃口較小的女生來說足夠。Matcha latte非常濃郁的抹茶味道，配上拉花，質量非常高😋…查看更多

一入店鋪就感受到香港情懷的氣氛，播著經典金曲，設計以90年代為主題。🎶✅咖哩魷魚、醬燒豬頸肉、鹵水豬大腸每款餸均有四至五件。豬大腸出色，味道不臭、口感很淋，鹵得入味。魷魚很大塊，口感正常。豬頸肉肉質一般，可點可不點。之前試過麻辣湯底不錯，今次嘗試了清湯卻未有大太驚喜。✅手打魚肉、瑞士雞翼、懷舊牛腩手打魚肉偏結實。雞翼及牛腩肉質正常，份量也多。…查看更多

刺身定食有五款不同刺身，包括三文魚、赤蝦、赤貝、帶子等，每款刺身都新鮮，有驚喜。另外套餐配有烏冬、味噌湯、木魚豆腐及炸魚。整體來說，份量足夠。和牛粒定食搭配白飯、味噌湯、炸魚及刺身。和牛粒口感柔軟，大小相對較大，配合醬汁味道不錯。服務員態度友善，會留意客人需要。…查看更多

分別點了炸雞定食、火炙北海卷及鹽汁和牛定食。炸雞定食份量十足，套餐還包括白飯、味噌湯、醃漬海帶和茶碗蒸。炸雞大小適中，肉質鮮嫩，茶碗蒸也質地柔軟。另外我選取了「醬另上」，方便自己添加適量醬料。火炙北海卷壽司份量也十足，入口即化，有淡淡的炭烤香氣。和牛定食是自行燒肉。和牛肉質細緻，帶有脂肪紋理及濃郁的牛味。這份定食也配有白飯、味噌湯、醃漬海帶和茶碗蒸，男士的話可點300g白飯。有機會會再次光顧。…查看更多