Foxcat1的个人专页

呢間燒鵝大亨搬左入商場，見有外賣燒味飯咪買黎試下，$32單併，買左盒叉燒及油雞，返到屋企打開睇到真係吾開胃，D叉燒完全吾似叉燒，又乾又柴又薄，離曬普，盒油雞冇乜肉好瘦，連蔥蓉都冇，(相中姜蓉係屋企有放落去)。冇啖好食，咁嘅所謂叉燒都可以賣比人食，好吾好意思？附近有其他燒味飯外賣講緊都廿零蚊，質素都好過佢，買兩餸飯都好食過佢，唔靚就吾好攞出來賣啦，好垃圾，大家樂D叉燒都好過佢幾皮，以後吾會再幫襯。。…查看更多

叫左個招牌八寶粗麵，得牛肚正常，魚蛋彈牙，其他冇樣好食，最慘一上枱連個麵都有問題，成餅麵痴住，今本食吾到，同個姐姐講後，整過個淨麵比我，但份量好小，最離普係一坐低時，有個大媽員工用掃把拍打牆身，搞到D麈飛曬落嚟，真係中伏。…查看更多

見呢間新開個view又靚所以打電話book咗，我地坐outside，book咗lunch 13:30。當日去到門口已經見好多人等緊，同個侍應確認booking，已經覺得好混亂，有個肥嘅女侍應反問返我有冇book到，已經答咗佢係book咗，講埋姓乜同電話號碼，再問有冇人打比我confirm booking，完全冇意思，仲要態度語氣差。坐低之後落埋order，我地足足等咗一個鐘都冇野黎過，原來漏咗單，離曬普，之後再落過單又再等，足足等左個半鐘先有湯同野飲，到左3點就有侍應問我地埋左單未？？ 我同佢講意粉同個飯都未到。食呢個lunch我哋係由一點半開始，差唔多四點先埋到單走。 叫咗埋單又係要等勁耐。 佢哋個個侍應好似發緊夢咁，真係好混亂有待改善。至於食物味道都可以。 但就真係幫襯一次都唔會再去。…查看更多

成日都經過呢條街都見到呢間好多人喺門口排隊，睇下門口嘅餐牌見食嘅嘢都唔係啲乜嘢特別嘢， 不過都諗住試下， 所以今日叫咗外賣。叫咗兩碗麵四餸 同有杯飲品， 送到嚟一望碗野已經覺得好普通， 碗麵撈麵唔係撈麵，但又冇湯， 又冇漏水味， 完全冇特色，食碗車仔麵冇咁嬲， 啲餸又普通又唔好食， 同一條街有兩間車仔麵啲料仲好食過佢。 真係唔明點解咁多人排隊食！！！ 仲要價錢都唔平， 你話好食都冇咁嬲，食咗碗垃圾仲要畀咁嘅價錢真係 奉勸各位 唔值得試。…查看更多

因為住附近，見呢度開左好多新餐廳，所以都想試下新野。見呢間冰室環境同裝修都吾錯所以決定一試，我地分別叫左個喇沙湯底嘅常餐同黑椒汁吉列豬扒飯。想講個喇沙湯底勁普通又唔濃郁，沙嗲牛肉完全冇沙嗲味， 條香腸一滴油都冇好似夾硬焗熟去上枱， 牛乳炒蛋正常 ，另外個吉列豬扒飯塊豬扒淋batbat一啲都唔吉列， 總括嚟講 簡直失敗 浪費咗個裝修同環境，食物質素求其甚差， 長此落去一定失敗。。服務態度正常。 試一次都不會再幫襯。…查看更多

喺附近返工見到新餐廳都會試下，今日同同事諗住買外賣返公司食， 我叫咗個喇沙牛肉麵$52 加一塊咖央多士$13， 我同事叫咗個喇沙雞肉餃子麵$52。 返到公司打開碗嘢已經見到啲麵勁少，仲要得兩塊肥牛， 一嚿豆卜仲要係得 半邊嘅豆卜， 加一隻雞蛋。 金鐘食飯都要呢啲價位，但係五十幾蚊一碗麵 真係少得可憐!!!簡直離譜!!!食完都唔覺得 有 飽 嘅感覺 ，塊多士本人不是太喜歡，因為 烘得太乾好似麵包糠咁。 至於味道方面普普通通，但唔會再幫襯。…查看更多

同朋友行街行到呢間野附近咪search下openrice，見D食評咁好咪試下囉，我地叫左一個 肉燥雞扒飯同沙茶鍋，個沙茶鍋$108， 餐牌'寫左個鍋有咩配料喺入面，黎到 一睇已經覺得唔值108蚊， 得一粒鵪鶉蛋一粒貢丸一粒牛丸 蜆肉 得一隻豆腐一件仲要吾完整的，牛肉3小片，仲有D雜菜， 其實108蚊話貴唔貴，話平唔平， 但呢個喎完全唔值108蚊，仲要食吾飽，要加錢加餸，完全係吾值呢個價錢。至於個肉燥雞扒飯普普通通， 真係唔明點解 咁多人覺得好食 仲話平靚正。 本身都係諗住 普通食一餐飯 都冇期望過啲乜 ，但 真係 完全唔掂。…查看更多

荃灣開咗好多新餐廳 ，呢日同朋友經過見到呢間專食花膠麵，亦有海參麵， 見價錢又吾貴，又唔洗等位，咪即管試吓。我地兩人分別叫咗3樣野，花膠湯麵、花膠撈麵同雞絲花膠翅。 平民價錢食到花膠，份量都ok，冬菇夠淋，花膠都好食，個碗仔翅都足料，賣相都吸引，好有興趣試埋佢地嘅糖水，但因為已經太飽，所以冇食到，唯有下次再去試。至於服務態度一般，不過不失。店舖環境主要 木凳木枱為主，店舖不算好大，但都算坐得舒服。值得一試。…查看更多

放假貪方便同屋企人去食個lunch點知中晒伏，我哋分別叫左兩個餐，D野黎到已經覺得賣相吾吸引，分量極少，D牛肉得4片仲要又薄又細片，通粉又少，好似人哋食淨咁款。仲要吾好食，D通粉太淋，堅垃圾。而且價錢吾算平，係又貴又吾好食，普通茶餐廳或大排當都一定好食過佢，自己煮冇咁嬲。都吾知點解仲可以有幾間分店，真係呃錢，同個餐牌D相極大出入，真係以後都吾會再食。D呀姐服務態度又麻麻地，真係差差差.......…查看更多

好耐冇寫食評了，呢間真係吾寫吾得。見屋企附近新開呢間越南野咪去試吓，我同朋友係晚上食，我叫咗碗鮮茄牛腩湯河，朋友叫咗碗美國肩胛肥牛湯河，再叫咗個牛肉沙嗲。滿心期待個湯河，點知個鮮茄牛腩河一上枱我望落碗野巳經覺得個湯好稀好吾濃郁，再食入口認真(中伏)，個湯淡而無味，一D蕃茄味都冇，似滾水，再試吓朋友個牛肉湯河都係淡而無味，一D牛肉味都冇，非常垃圾。仲話係越南野，連湯河個湯都做吾好，真係好差。至於個牛肉 沙嗲不過不失。至於服務態度就一般般，大家真係吾好中伏。…查看更多

呢几年韓風興起，自己亦愛上韓國菜，鐘意周圍去搵好食嘅韓國餐廳，今日入左元朗，朋友介紹呢間話正，所以試下。入到去坐低睇睇餐牌，款式多元化又新穎，好多樣都想試。叫左個燒雜腸好香脆，肉質多汁好香口，配菜薯條食得出好新鮮，野人牛肉，係半熟的，食落並冇血腥味，肉質夠淋又彈口，好滑。另外叫左杯Hatai Rita提子味，大大杯好好味，總括有水準及驚喜，會再嚟。…查看更多

好鐘意食呢間車仔麵，方便又快捷，用八達通比錢的。整體環境平民得黎舒適企理，我每次都係食車仔麵，必食朱紅，雞翼，冬菇，蘿蔔。呢度嘅朱紅口感很好，雞翼係鹵水，好入味，冬菇好鮮甜，另外蘿蔔亦係好甜，每次食都一樣味，有時亦會叫碟炸魚皮，因為好掋食，$10一大碟，各位可以試吓，平民化之中有水準的。…查看更多

已經食過好多次喇，好欣賞呢到D小菜好夠獲氣，價錢吾算貴，又大碟。我每次都必叫呢几個餸.......咕嚕肉，芝士花甲，黃金鮮魷，荀殼魚。咕嚕肉好香脆，淡淡肉，豉椒花甲平常食得多，呢度有芝士花甲好特平，味道又几夾，有D似忌廉湯味，黃金鮮鱿好香，食落好濃烈嘅蛋黃味，真係好正，至於荀殼魚就炸過嘅，但内裡D魚肉好滑。其實仲有其他餸都好正，但個人推介呢4款係必試。…查看更多

今日和男友都想食壽司，就去左呢間試吓，店舖環境感覺几舒適，壽司款式都几多，熱食同樣多撰擇。我哋叫左一碗拉麵，其餘都是壽司。拉麵湯底鮮甜，麵質還可以吧，壽司望落個樣都都好精神，食落都新鮮的。唯一覺得個北寄背沙律壽司D醬喊左D，整體都ok，值得一試。…查看更多

今日去開銅鑼灣咪順便去sogo諗住買新開嘅芝士撻試吓，去到當然要排隊，足足等咗1.5hrs先買到，真係好誇張。而且每人限買12件，我排得咁辛苦當然買足12件啦。至於味道如何呢...我第一口咬落去，個撻好香脆又夠硬淨，咬開一口，D芝士巳經流出來，其實味道吾係好重芝士味，比較似yogurt味，奶味重，略嫌太稀，稀到有少許好似水咁流出來，整體味道可以，但冇想像中咁好食。未試過可以一試。見到流口水買咗12個好香呀…查看更多