Bbooo的个人专页

某天星期日下晝再黎呢道食，人不多不用等位，睇完餐牌之後就order 左碗薯粉(咩餸就唔記得了)，薯粉口感幾特別，不過不失~另外又再order 蒜泥白肉，呢個真係好好味，啲肉切到好薄，啲汁辣到變左麻，雖然我都怕辣，但夾埋啲蒜茸幾辣都照食，同上次黎食一樣咁好食，認真抵讚!!!…查看更多

經過見到好多人堆埋去，我又湊下熱鬧睇下賣d 咩咁多人啦，原來係賣餅，為食既我都買左兩件原味冇餡既燒餅試下，煙煙un un 又幾好味喎，話咁快就一個人食左兩件，因為真係好好味…查看更多

夜晚兩個人9點幾去到即有位，本來想叫豬軟骨烏冬，不過冇晒，so 最後點左以下食物：咖哩吉列豬扒烏冬：烏冬夠彈牙，唔會黏口，撈埋日式咖哩汁唔錯；吉列豬扒食落un un 地，有雪藏味&多肥膏~沖繩卷：一碟6件，睇menu 幅圖，壽司卷個餡係鮮橙色既三文魚，但係黎到變左煙三文魚，面頭鋪左金薄&苦瓜，冇咩特別不點也可~金菇牛肉卷：4條切成8粒，一口一粒；面上加了燒汁，另外有芥末醬可點，這個味道還可以~兩個人叫得太多野食，加上又唔太好吃，所以都浪費了點食物，大家千祈唔好學…查看更多

聽朋友講呢間野好好食，咁岩去旺角就試下買黎食先。晏晝４點左右去到，唔算好多人排隊，好快就有得食$5 一串買左兩串腎，一串生腸~生腸：好爽好滑，冇落醬都好好味！雞腎：好淋好夠味，齋點豉油都好正！…查看更多

天寒地凍夜晚9點半黎到拎飛，等左5分鐘就有位，入到去感覺d 坐位好迫，可能場地太細又想做多d 生意~講返食物，揀左鴛鴦湯底(沙爹＆豬骨)，兩個都好味，豬骨夠清，沙爹有少少辣，焯完d 食物唔駛點豉油已經夠晒味。任食火鍋order 3 round 野食，記憶中order 左以下食物：肥牛：夠新鮮，唔錯蠔：焯完之後縮晒水，仲細過粒芝心丸駝鳥肉：好淋，又係好好味墨魚滑：正！鯇魚腩：呢個好滑好鮮好好味呀!魚皮：都係要焯左先好食鮮蝦雲吞：大大隻蝦，兼且冇"叔"味算係咁免費任飲order 了１楂利賓立＆１楂菊花密~其餘菜類、丸類、菇類都唔錯，夠新鮮，所以整體黎講呢間打邊爐真係平靚正呀!!!…查看更多

9點半去拎位，留左電話等到10點左右先有位，埋到位睇menu，想問個waiter 野，佢答左1次之後走開左，再諗住問佢野，佢問我地係咪落order，見我地唔係落order 就避開我地到我地落完order 後，叫左兩次先有人拎水黎講返食物先，由於7點既時候已經食左d 野，見唔係肚餓，so只係order 左以下兩樣野食：鐵板牛+雞 及 附上的墨西哥餅：吃了雞肉，好淋好好食，食落有少少辣； 墨西哥餅就好普通，有芝士碎，菜絲，蕃茄粒&忌廉夾埋一齊食，不過我冇食到。小食拼盤：可以order 4款野食，每款3 件，我地就選了3 款都係芝士西蘭花，1款Mozzarella芝士條；芝士西蘭花真係好好食，食左4點都唔覺得漏。Mozzarella芝士條趁熱食時仲可以拉到d 芝士，凍左食就會變左1舊，不過都好好食，岩晒我呢個芝士怪總括呢餐食物方面ok，但服務方面有待改善。…查看更多

聽朋友介紹過呢間最好食，今晚就有機會勇闖一直都覺得好恐怖的重慶大廈食飯，行到大廈門口已經有好多差差係咁"對"d 卡片過黎話"新德里"..."新德里"~之後我地就行入去問security 新德里響幾樓，佢就即刻叫一位差差帶我地去搭lift。上到3樓的新德里，入到去仲有位揀，埋位點菜，看到menu 上有幾幅圖，心想這應該是推介，於是就點了以下食物：胡椒餅：呢個免費的，薄薄地，好脆好香胡椒味，仲有少少辣辣地，唔錯瑪沙拉燴雞($60)：呢個原來都係咖哩，不過冇辣味，個汁好普通冇乜特別，可以不試蒜茸薄餅($18)：好香蒜茸味，點咖哩汁好食好多新德里特式炒飯($65)：諗起都反胃，因為未食齋聞已經有陣唔知咩味，好想嘔，試左一兩啖就冇食玫瑰乳酪($27)：呢杯野好Flesh，好香花味，不過我飲唔慣隻味，覺得愈飲愈難飲士多啤梨乳酪($27)：味道很淡，像85%水+15%士多啤梨乳酪總括印度菜唔係咁岩我口味，我諗下次有機會再去都係淨食薄餅同咖哩算喇…查看更多

行左一半IKEA 先發現呢道，雖然o岩o岩食左熱狗同薄餅，不過見到招牌肉丸，黎到冇理由唔食架。 瑞典肉丸10粒$19....肉丸好軟身，點了醬汁肉味更出，非常好食；配菜有薯仔+果醬 香草雞翼4隻$10....雞翼比KFX 的還要好食得多，再沾上肉丸的醬汁仲更加好食…查看更多

去到見到得幾款野食，在非常肚餓的情況下，點了: 素菜薄餅 x3 $24- 比麵包店的薄餅還要普通的薄餅，只有紅黃綠椒和檻欖，唯一好吃之處就係薄餅的餅底是脆的 熱狗套餐 x1 $10- 將熱狗加上茄醬和芥末，不知是否太肚餓，覺得非常好吃~ 套餐包了汽水就任斟，沒有可樂只有百事，甜了點~另外popcorn 只售$4 非常便宜...下次要試試~…查看更多

Lunch 時候過黎開餐，去到唔駛等位仲有好多位淨，點左以下食物: 午餐F. 豬軟骨拉麵配甜蝦壽司+凍咖啡 $45.....豬軟骨好夠味，唔錯。但拉麵有簡水味，完全唔似食緊拉麵甜蝦壽司只吃了甜蝦，不夠鮮味，像吃普通蝦一樣~ 忌廉汁芝士菠菜千層麵+雪梨汁 $50.....整碟千層麵份量頗為少，其中千層麵得4塊，味道都ok，但是"菠菜"千層麵卻變了"欖菜"千層麵雪梨汁飲得出是鮮榨，但就淡左ｄ，可能加了很多水來榨。…查看更多

晏晝1點幾去到，唔駛拎飛就有位，3個人叫左3個set lunch：鴛鴦扒配薯菜：友人話黑椒醬汁辣辣地，牛扒較淋，豬扒un 左d，薯條熱的唔錯咖哩牛筋腩意粉：咖哩好香，但牛筋少，牛腩大舊又好un焗龍蝦汁三文魚粒帆立貝飯：呢個焗飯既sauce 好似必勝x 的海鮮飯醬汁，好好食又大碟，三文魚唔係粒係一大舊，帆立貝就一大粒另外跟餐有餐包&餐湯&飲品，個餐包拎到埋黎暖暖地，再搽牛油真係好好味想提一提下d service，唔明點解有位staff 見到碗裡有湯又急住收，碟上還有食物+仲食緊佢又要收，而碟上冇食物佢又唔主動去收，要我地叫佢收佢先至收…查看更多

近幾個月去板前板長都冇海膽，所以今次諗住醒目問定有冇海膽，有就入冇就走。個店員話有海膽...good點左以下食物：海膽軍艦4件：本來見到海膽好開心，不過食落口陣味好苦，一d 都唔新鮮:(帆立貝壽司2件：其實味道都唔太新鮮，不過就大大舊，口感就好好三文魚壽司10件：三文魚係呢餐最新鮮好味既sushi~ 脆炸蝦卷：得兩大件，蝦炸得略為耐左~芒果蟹棒壽司$9：唔知係咪特價食物既關係，蟹棒變左蟹柳 蟹子軍艦：冇食，no comment三文魚子飯(細)：冇食，no comment埋單2百幾蚊，本來order 左鱆紅魚，but 冇黎到但又入左單，好彩比錢時留意到!!!…查看更多

前一日晏晝兩點幾打黎Book 左23號晚7點半4位，點知23號7點半去到，佢話check 唔到有我資料，就話我冇Book之後同我對返我電話record 睇下有冇打錯，比返佢地睇我係22號14:28 分打過比佢地，之後某位男職員同我講: 兩點幾打黎，晏晝定夜晚呀??....佢隔離個女同事都即刻細細聲幫口話緊晏晝!!! 佢咁問我，我咪問返佢14:28 即係晏晝定夜晚呀，個男職員先識答我晏晝　唔用個腦諗野，仲要覺得我想打尖唔拎飛咁　後黎個女職員就比左等位既第2張台我!!!未食已經一肚氣，等齊朋友入座，點左以下食物：order 既野食未到就黎左個黑糖包：熱熱地再點埋d cream 狀既醬，好好食!! 薯條混芝士：呢個每次必嗌，d 芝士痴晒響碟都要"new"埋黎食，再點埋佢地比既白色醬更加好味半份燒烤醬牛肋骨配著條：味道有d 似燒味店的燒排骨，唔錯!! 另外可+$28 叫個凱撒沙律，我地+$56 要兩份~凱撒沙律：蔬菜配以沙律醬+蒜茸包粒，夠健康，略嫌d 蒜茸包粒鹹左d~茄汁海鮮意粉：好普通，似平時快餐店食o個d ~P.S. 總括食物方面都唔錯，雖然本人好欣賞呢道ｄ員工(尤其女職員)，細細粒都拎到咁大個食物盤，個盤仲要裝滿食物周圍走，但懇請貴公司train 拎盤技巧之餘，順便train 埋d 員工個腦先!!!　…查看更多

慶祝朋友生日，4 人晚上7時半左右黎到，位有好多，不過卡位full 晒~是晚點了以下菜式：霸王炒麵：好普通，似上海粗炒，不同的是麵條比較幼少少螞蟻上樹：平凡的肉碎炒粉絲黑醋排骨：味道太甜，d 汁杰到好似朱古力醬小籠包：皮好薄，湯好鮮味，趁熱食好味韮黃炒鱔糊：呢個幾好味，份量亦唔少上海炒年糕：年糕冇乜味，配料比較簡單，菜絲、蘿蔔絲、少許肉絲流沙奶皇包：唔係好流沙，蛋王味好重雪城高力豆沙：呢個好好食，可惜一人一粒:(我地帶左生日蛋糕諗住響道切埋，要加收切餅費$50，問佢淨係拎個cake 比返我地自己切都要收錢，費時掃慶，只好加收切餅費~我地4條友食左$494，埋單o個陣我地比$500，諗住佢會找錢比我地，因為我地冇散紙要計返數找錢，點知等左幾個字佢都未找返錢比我地，佢可能覺得$6 唔係錢，但我地就係需要o個$6 黎分錢找數囉，之後佢見我地咁耐都未走，有個著西裝既走埋黎問我地係咪未找錢，我地話係，佢話真係唔好意思喇，扮野得佢丫~…查看更多

lunch 叫左買外賣返屋企食，order 左個豬扒腸仔意粉(黑椒汁)+凍檸茶$23，份量同附近的食肆的外賣餐盒相約，但價錢差唔多平$10蚊。味道方面也不錯，豬扒夠淋，配黑椒汁最好味；腸仔冇乜特別，意粉就冇過淋或過硬，唯獨是杯凍檸茶甜左d。總括抵食夾大件，下次會再幫襯。…查看更多