Elaine202的个人专页

呢間開業初期嗰時成日買，小朋友鍾意食。都唔知吸咗幾多張印仔卡了🤭 之後可能食得太多停咗一排 🤪 前排再買返都仲係咁好味 👍🏻值得讚。今次買mix original & Lava chocolate（食完一嚿先記得影相） Lava chocolate 朱古力香濃剛好又不失Original嘅味道。Original 就不用說了，蛋糕味香濃又鬆軟，有別於好多其他所謂嘅古早蛋糕店👏🏻 只能說用心製作，超值，好味👏🏻 加油！…查看更多

其實間唔時都會經過附近，見食評唔錯都想試吓。試過中午12點到，又試過晚上七點前到都係冇開㗎。前後去過三次都係摸門釘。好彩我都係經過睇吓有冇得食唔算係專登去，如果唔係一定會好失望。第一次比一粒星，睇嚟我都係無緣品嚐～…查看更多

咁啱行過呢間鋪頭見好多人喺入面, 原來有入面193既相/banner.. Anyway.. 鍾意食甜品嘅我見到門口有碗甜品嘅易拉架所以就入去睇下~ 望咗好耐, 以為只有一杯杯嘅飲品, 後尾問店員先知原來一碗碗嘅甜品喺menu最底.入返正題, 店員好有禮貌, 仲提我使唔使要少甜. 值得一讚嘅係碗野真係好好味 👍茶味好香, 加埋寒天,芋圓, 燒仙草, 紅豆, 珍珠等好夾. d奶香得嚟又唔會搶走d茶味. 唯一係我覺得如果燒仙草可以再多少少就好喇 😊 會再幫襯 👏…查看更多

兩公婆行下行下嚟到呢間印度餐廳, 有幾次都想入嚟試, 但因為疫情定唔知佢早收關係, 今次先有機會第一次嚟試. OK 喎!我哋叫左:Appetizer Chicken, 都幾大碟, 有少少辣. 普普通通冇影相.Lamb Seekh Kebab, 喺個鐵板出的, 呢個肉質有少少乾, 但點佢嗰啲醬, 味道又ok.Buna (beef), 我覺得呢個幾好味喎, 唔太辣, 細細兜但係兩個人分剛剛好. 我老公話有d似印度版番茄牛尾煲 😅 但我覺得幾好味, 用嚟送Nann 好好啊👍Garlic Naan - normal taste.總括小店嚟講都唔錯. 食 main course 會換碟, waitress d 服務態度都好好, 會問下你啲野食 o 唔ok. 個 Buna main course 幾啱口味, 下次有機會可以試下佢其他咖喱 😊…查看更多

約咗個女性朋友食 brunch, 唔想食得太 heavy, 又想食啲沙律, 又有杯咖啡嘅地方呢度都係一個幾好嘅選擇. 上網見到佢哋有帶子沙律好似幾靚, 就揀咗呢度喇.我哋叫咗帶子沙律, Egg Benedict, Rose latte, 朋友嗰杯唔記得咩咖啡, 最後食左個 earl grey 蛋糕作終結.總括嚟講各樣都幾好, 杯咖啡都唔錯, 係個蛋糕失色左少少, 唔係好食到 earl grey 味. 同朋友吹下水, 飲杯咖啡都不失為一個好地方 👍…查看更多

喺呢度慶祝週年紀念, 啲嘢食除咗有酒店水準之外, 個紅蝦真係特別推介 👍 初時waiter 介紹話好多人叫, 甘就試下啦. 嚟到個賣相都真係平平無奇, 一隻蝦 😅 食落就知不得了 😏 d 蝦頭膏漏曬出嚟, 用麵包索嚟食, 好鮮 好味. 🦐 另外一個頭盤幾得意嘅係 oyster & scallop, 整到一張風景畫甘, 好靚啊. 又新鮮好味. 今次主菜有個鹿肉, 就試下. 都幾淋, 配埋個甜甜地嘅薯蓉味道都好夾. 另外第二個主菜牛扒都唔錯啊.甜品其實都做得好好, cheese cake 好有芝士味得嚟唔太'漏'. 梳芙厘都做得好出色. 連送嗰個 anniversary 蛋糕都好得 😂 (ok, 我係比較鍾意食甜品嘅).酒店嚟講, 千幾文一個餐, 有甘嘅靚景, 甘嘅食物質素及服務. 其實值回票價 👍…查看更多

上網見到呢間食評唔錯, 前兩日嚟呢度慶祝生日. 佢有兩個 set dinner, 一個係普通 set dinner, 好似500幾文, 另一個 special set dinner 就600尾至700尾. 我哋每樣要咗一個. 首先頭盤 帶子啫哩唔知咩嘢沙律, 帶子新鮮,同啲啫喱嘅味道又好夾喎. 一個辣嘅鴨, 好有泰式 feel, 好 refreshing.一嚿仔龍蝦好似有少少唔知係咪薯蓉加牛油, 都幾好.鵝肝同埋另外嗰嚿唔知叫咩就 average 啦主菜羊架，個樣平平無奇, 但真係好味 👍 唔知係咪慢煮, 外面焦脆內軟, d肉汁保持喺入面. 龍蝦 risotto (好似加錢)，龍蝦時間煮得恰到好處，唔會太實.甜品Warren desert Brownie 同埋另一嚿唔知係咪檸檬定係 vanilla. 味道ok 不過不失, 不過贊下 brownie 個面脆脆地, 口感幾好.埋單 $1,4xx d野食做得唔錯, 性價比高, 會再嚟 😊👍…查看更多

今日買咗個 Salad bowl, $65 選 6 個 toppings. 佢有幾種菜嘅選擇, 我問佢 Kale 係幾錢, 佢話要加 $10. 我甘問因為其實我見到佢啲生菜其實唔係好新鮮, 全部都係有啡啡地嘅. (個圖 mix 左 dressing, 唔知睇唔睇得清楚)不過算, 我問佢可唔可以同生菜 mix 佢話可以. 好啦甘我話要一個 Lettuce + Kale base 既 Salad bowl. 佢夾左大半兜 Lettuce, 一執仔 Kale 之後我話想要多少少Kale, 嗰個女仔可能新嚟, 即刻俾後面另一個女人叫住佢唔好再夾 😓 好啦, 其實我都唔係同你爭個少少.. 不過畀人嘅印象就唔係幾好囉. 之後我再加左個Tandoori chicken topping $15, 一碗盛惠 $90. 中環/金鐘嚟講其實都差唔多, 不過有比較之下其實 PP 入面超級市場個沙律會仲好, 又新鮮又平d, 三定係四款肉類唔需要另外加錢. 或者再過d行返去中環內街, 全碗都係Kale 嘅沙律加埋肉/crab meet 都只係 $10X.. 相比之下, 呢間嘅食材同埋服務就真係麻麻地喇.*張相食到一半先記得影…查看更多

之前都試過好多間所謂嘅古早蛋糕, 有次經過呢間小店見門口幾乾淨就入去試下, 試完之後就keep住買喇! 小朋友最鍾意食佢嘅原味, 蛋糕好香濃感覺真材實料, 質地好鬆軟食完會再想食嘅感覺 😂 另外都試過佢既無花果同埋紅棗味, 個人唔係好鍾意啲紅棗皮, 無花果都幾好, 但係因為小朋友比較鍾意原味所以我係買原味多.嗰度嗰個姨姨都好好人架,每次買佢都好有禮貌笑住口 😊 …查看更多

係 FB 見到呢間野有外賣到會服務, d食評又唔錯就惗住試下, 疫情下支持下d餐廳. 雖然送餐時間比預期中遲, 不過司機哥哥都好有禮貌, d 野食又果真好好味👍. 因為太肚餓, 食曬都唔記得影相. 鹿兒島和牛肉餅 - 好腍, 有牛肉味, 佢用新鮮百合放底, 幾特別.蓮藕章魚排骨湯 - 好夠味, 唔覺有味精, 老公超like.古法蒸比目魚同以為會好普通嘅學斗白菜都好好食, 佢落埋少少蝦乾同埋唔知係咪豬頸肉落去好野味. 陳皮紅豆沙 - 好足料, 唔太甜 👍總括來講好好味 👍讚啊 👏 仲好細心每一樣嘢都包得好好, d 飯同甜品會用保鮮紙再包, 嗰啲餸會用錫紙包多一層, keep 住溫度, 好細心.下次如果開party會再幫襯 😊…查看更多

我第一次寫食評, 上次去完呢間餐廳真係一肚氣，所以決心上嚟講畀大家知.這間餐廳其實我去過好幾次, 由佢開張冇耐到而家, 不嬲都覺得冇乜嘢, 食物質素還可以. 前兩日一如以往訂枱食飯 (今次經openrice 訂). 我同個朋友 12pm 左右到，嗰時成間餐廳得兩枱客. 職員安排我哋坐近門口嘅一張二人枱. 我哋見梳化位除咗一張以外, 全部都冇人坐所以就問職員可否坐入面一點嘅2人梳化位. 職員姐姐就同我哋講果 d 係打電話book 枱的, 我地立刻問原來打電話同openrice book 有分別? 佢支吾以對，跟住就同我哋講嗰d枱人哋早d book咗, 我同佢講其實我都係早兩日前已經book的, 如果打電話同openrice book 有分別點解你哋唔講清楚. 跟住另外一個好似有經驗啲嘅姐姐就行過嚟話, 嗰啲抬已經畀人book左 (總之就係死都唔俾我哋轉). 佢叫我下次book嘅時候可以要求坐梳化位. 甘我問佢嗰啲枱全部都係有要求梳化位? 佢用唔耐煩及黑口黑面答我係. 講真, 我唔排除有人係甘要求, 但如果全部都係有special request, 你唔一早講? 一時話人哋打電話唔係openrice book, 一時話人哋早啲book? 一肚氣之後我哋冇再喺嗰度食. 可能佢哋平日都多人等位都唔自在啦, 不過我哋就唔會再返去食喇. …查看更多