ericyeung328的个人专页

姻緣際遇，今日又要去上環做嘢，去到附近記得呢間米芝蓮給嘅燒臘舖，記得上次食過好味，今次再去嘗試，希望食得返上次嘅好味道！跟住都係食叉燒，不過上次食瀨粉，今次瀬粉賣晒，只能食米粉。老實講，個人喜好，燒味配瀨粉，點都好食過用米粉，但係賣晒都冇辦法！不過重點並唔係碗粉麵上面，係叉燒！今次order嘅時候冇指明要食肥叉定係瘦叉，但係啲叉燒都真係瘦得有啲過火，同埋叉燒亂放嘅程度，都令到碗叉燒米粉賣相扣咗啲分數。我同我同事講，話啲叉燒仲亁過我塊面，可能個阿姐聽到，過咗陣無端端切咗幾舊比較肥少少嘅叉燒俾我，話切幾舊肥啲嘅俾我試吓。咁我又同我同事即管試下，其實結果係舊叉燒肥返少少，但味道依然比之前去稍有遜色⋯⋯(唔通因為米芝蓮加持下我期望太高?) 同場加映，我對面搭枱果位哥哥，佢話啲飯煮得唔好食，有啲硬….佢亦有表示啲嘢比較之前遜色咗啲…. 當然，人人口味唔同，我唔鍾意唔代表啲乜嘢，只係純粹分享下今日經歴同感受😆🙏🏻 *有例湯送…查看更多

都有成年無去，今年情人節晚飯選擇放縱一下自己食下放題！用open rice 訂枱，可能要Lock up deposit 關係，所以都相當易訂到枱(但今晚依然係full house😆). 平時只食一段時間，今晚要分兩段，不過無所謂，因為點都夠時間食。我原本訂咗7:45，因為OT 遲咗到(我有打電話通知餐廳)，結果成8:15先到，估唔到經理埋單嗰陣，計我8:30先入場，打個九折俾我，相當有驚喜！食物質素方面一如既往，都保持到水準👍🏻，不過可能情人節關係，個餐牌係唔同咗，選擇好明顯少咗啲，但我理解同可以接受嘅👌🏻餐後有個小小嘅情人節限定甜品，都唔錯👍🏻 總括嚟講，依間餐廳食咁多次都暫時都冇令我失望🥰…查看更多

已經第三次食泰金鍋，食物水準keep到，味道不變！不過人少已經冇之前咁多，平日去，夜晚完全唔需要等位，就算夜少少，入座率最多都係得七成至八成左右，相對食得輕鬆，起碼啲海南雞，隨時都可以食到，唔會次次都冇晒😆不過今次有樣嘢見到，就係佢嗰啲奶茶，冇遮冇掩咁就咁擺喺通去廁所嘅走廊位置，相當唔衛生🤮依方面希望佢哋可以改善一下！其他飲品種類開始變得比以前多，呢樣可以賺返少少分數！總括嚟講，除咗剛才嘅飲品情況之外，依然可以一試…查看更多

聽就聽得多，今次一於下定決心決定試吓佢！第一次食中環碗屋，地方環境都唔錯，此地方應該經常爆滿，因為我成日訂位，都訂唔到！當日去到亦都係相當多人經常爆滿，因為我成日訂位，都訂唔到！去到亦都係相當多人。首先打開餐牌，發覺食品選擇種類真係好多，魚生，壽司，刺身，燒物，炒飯烏冬等，甜品雪糕應有盡有！食物質素方面，亦都相當好，絕對唔係話求其俾啲平嘢你就算，當然佢嘅收費亦都唔算係平，都要五百幾蚊一個人。而職員服務態度非常好，非常值得一試!…查看更多

好味餃子店，因為工作需要去到附近，朋友推介之下就去試吓，果然名不虛傳！餃子夠大隻，種類選擇多，有湯嘅，有煎嘅，隻隻餃子都大大隻，味道亦非常之好！加埋個魚骨湯底，同埋辣椒菜脯，簡直冇得輸， 10分好味…查看更多

擺明玩懷舊feel，玩打卡，有新鮮海鮮，刺身，多款熟食，整體味道/份量唔差👍🏻 唯獨份牛肉(本地手切牛肉)比較遜色，一來唔係好手切🤣二來無乜牛肉味…三舊幾水就真係唔值🙈其他食物就相當唔錯價錢方面算合理，整體價錢對得住食物質素，而且食物種類繁多，去一次點會試得哂你想食嘅嘢地方就相當闊落，枱距好足，坐得相當輕鬆舒服👍🏻👍🏻👍🏻另外一提可能餐廳位於地庫，所以電話訊息會比較差，但咁樣就更加可以專心同朋友食飯同傾下計😊…查看更多

一間非常本地嘅港式西餐廳，晚餐主打扒類，當然都會有焗飯焗意粉之類嘅選擇。今晚揀咗幾份牛扒餐，有牛柳，有ribeye ，前菜有熱辣辣，又脆卜卜嘅蒜蓉包，餐湯例牌非紅即白，味道有啲驚喜👍🏻 主菜上場，你要幾多成熟就煮到幾多成熟，恰到好處🙏🏻👍🏻 牛扒夠淋，有牛味，唔錯！可配飯，意粉或薯菜，個人覺得薯菜相當好味😋而最後有啫喱做甜品，夠哂old school! 加埋杯凍檸茶，都係百鬆啲一位，性價比甚高，值得一試👍🏻…查看更多

見唔使排長龍，即管試吓環境：一般，啲枱與枱之間唔算好多空間食物：Pizza (主打菜，可是無特別)泰式沙律 (有驚喜，可試)蒜粒芝士薯條 (唔食唔可惜)檸檬汁雞扒意粉 (好重檸味，雞扒可以，意粉無特別，整體一般)服務：一般，無主動俾幾杯水(其他枱有)上菜次序….主菜意粉同Pizza 先上，之後再到前菜嘅沙律同薯條，最後先上Drink 🙈… 我哋隔離嗰枱仲誇張，上咗甜品再上主食🤣⋯⋯總結一下：試過就算，無下次…查看更多

Kaya toast 製作非常出色，同出面阿坤或其他完全唔同，依個咖央醬非常creamy，pandan味亦比較重，非常順滑香口😊💪🏻多士烘出來亦相當crispy ，所有嘢都恰到好處，個人強烈推介…查看更多