CocoLeungonon的个人专页

同朋友去食Dinner, 見到啲相環境唔錯，本身都好高期望，點知完全中伏～嗌咗個all day breakfast, 入面最好食嘅竟然係茄汁豆都幾好野🙃啲蛋炒到又老又有蛋殼，薯餅又勁乾有雪味….十分難吃朋友嗌咗碟流心蛋意粉～送到黎凍到好似隔夜餸咁最後嗌咗蘋果批…以為有少少希望，但最後係一個完全唔熱又唔鬆脆既東西出咗黎🙃店員懶散態度先至最令人大開眼界，只有一個棕髮女生用心服務～其餘都係勁懶懶閒，特別有個似係新入職的女生，問佢有關落order既野，勁唔耐煩咁回答，仲要答錯晒啲野！！🥲餐廳個名叫YOLO…我諗我都只會係食一次，冇下次建議改返名做You Only Eat Once算數😅嬲到我淨係影左張單，啲野食影都冇影過🫠…查看更多

上星期五同朋友們一齊去呢間餐廳食生日飯。我同另一位朋友預先買定左個蛋糕，諗住比個驚喜比壽星朋友，係未入座前就偷偷地比左個蛋糕職員A 同職員B 。而個兩位職員亦有問我地係味需要比驚喜，我地話「係啊，到時麻煩晒你地捧個蛋糕過黎」，仲比埋個入座飛號碼佢mark返係蛋糕。原本以為應該可以有驚喜比到朋友，點知齊人入座個陣，職員C直接問我地：「係味擺左蛋糕個枱？」然後我地全部人靜左十秒咁望住佢🙄🙄但個職員C完全唔覺得有問題個下先勁🤗貴餐廳請到個咁聰明識做既staff，真係等人比劣評啦🤪🤪然後座位安排個到，職員C完美示範咩叫自打嘴巴。我地有5個人，咁佢安排左一張大枱比我地先入座，仲有一位要等隔離枱走左先可以入。但安排左個張枱係超級大，我地問可唔可以中間擺塊隔板？職員C勁串咁答：「咁你改左人地條法例喎，一張枱只可以坐4個人」但最好笑貴店對窗個條長枱都係一張過，但又隔左幾塊隔板架喎🤓我地問返職員C，佢又答唔到我地。咁即係點呢？野食不過不失，但係貴店服務態度極有問題。特別係職員C, 於2021年4月30日 晚上8點幾個陣企收銀位既個位staff!…查看更多

朋友係Instagram搵到食評話呢間餐廳唔錯，就滿心歡喜去試吓啦～點知同expectation完全唔同，非常失望。首先，餐廳人手同客人比例完全唔乎合，導致啲客等好耐都嗌唔到service. 一入到去等左5分鐘先有人過黎門口serve客人。第二，啲野食黎得好慢，強烈建議趕時間/返工lunch time千祈唔好黎食。我個份黎左兼就黎食完，朋友個份都仲未到🤡問一位女職員幾時會嚟，仲要態度不太友善咁答：「好多單啊，等多陣就黎」第三，職員態度方面，職員會將把刀大大力撻落張枱到😨呢個有啲嚇親，不過除左某位女職員外，其他人對答態度都不錯。最後啲野食就不過不失。但環境十分嘈雜，好似街市，同朋友傾計都聽唔到佢講乜。唔知係咪太嘈，我order lemon tea走冰，最後都冇走到。如果鐘意寧靜環境就一定一定一定一定唔好嚟啦😀總結就係唔會有第二次…查看更多

之前係IG見到有人推介呢間既午市套餐，所以今日lunch就決定嗌呢間既外賣自取我同同事一人嗌左一個餐我就order左炸雞便當加烤牛肉飯，再加杯熱柚子蜜好抵食又好味外賣自取仲減左廿蚊成個餐三十蚊都唔洗！…查看更多