maki_23的个人专页

由於work from home，這陣子都在家附近覓食，剛巧發現這家獲得許多好評的餐廳，馬上心郁郁想試！是日差不多2點才入座，完全不用等位~不過到2點這店也沒有下午茶，只提供午餐，相比其他同區的食肆，吸引力稍減，因為一個午餐也不便宜！貴起上黎可以超過一百蚊！不過一分錢一份貨，我試的呢個牛油蜆肉意粉係有水準的！初時睇menu以為係牛油炒，即「令」身無汁的那種，上桌時竟見有汁！初嚐後發現味道不俗，至少平日無試過呢隻汁！意粉的份量也OK多，且彈 牙，不是那種茶記烚到發脹又淋的意粉！只是假如收呢個價錢，而且店家又行貴價少少的西餐路線，我就期望佢地的蜆肉都會比較新鮮，可能係連殼那種，如今只是雪藏的那種…蜆肉量多，但口感一般…值得一提的係跟餐的粟米湯都應該係自家製，唔係罐頭貨~同場見對面桌的芝麻雞翼配烏冬幾香口又大碗咁款，下次要黎試下！…查看更多

睇戲前諗住買杯野飲，見到KIKI茶就在戲院嗰層不遠處，就試下啦~都好多人買下~問過店員，佢推介K11 musea限定的黑糖鮮奶冬瓜珍珠~呢款無得調校甜度，因為冬瓜茶已經有甜味……出黎的味道好彩唔係好甜，只因為成杯野都好稀>.<飲唔到黑糖同鮮奶味，只有冬瓜茶味……咁我不如叫冬瓜茶，再加珍珠好過！我自己都鍾意有濃的奶味，可惜係無…珍珠都一般，唔係好軟糯~攤左一陣先咬，D珍珠就硬左好多了……之前飲過其他茶飲店的質素好好多……另外個fd飲麝香葡萄咩咩茶，等左10分鐘，仲耐過我杯珍珠！但個fd評價都係一般~我諗kiki 都係專心做麵算了………查看更多

尚記得認識這家cafe是因為聽了一個電台節目推介，該節目12點多播出，聽著聽著覺得JOMO的介紹很吸引，當下就上開飯的網頁search下，一search就對那伯爵茶戚風蛋糕「心心眼」，馬上動身前往離家有一個多小時遠的JOMO~當天下著滂沱大雨，還以為應該很少人幫襯，沒想到慕名而來的人還是很多!本來點了伯爵茶戚風蛋糕，很想慢慢享用，不過因為不少人在門外候位的緣故而趕快吃完離開~建議週末前來的人要早點來，因為店舖座位不多，2人座位只有3張，4人位只有一張（即整家店只有約10個位左右）有些人等了45分鐘才有位子呢！說回蛋糕的質素，售$52的確有點貴，不過一分錢一分貨，戚風蛋糕非常鬆軟，並不是坊間掛名的戚風蛋糕，一讚！蛋糕上淋上的cream都好好食！雖然整體伯爵茶的味唔算好濃，但淡淡地又不過甜好符合健康咁款~自那一次之後，我決定下一次再去要試下其他蛋糕！今天因工作關係而有機會到港大，在HKU行落去好快，咁啱又係平日，我當然把握機會去JOMO~想不到平日都多人，只係剩下一張2人桌！好幸運！今次我就叫左香蕉草莓沙冰，上次見隔離枱飲好吸引，之不過$50 再加舊cake就成舊水……今日熱到喊就馬上揀左呢杯smoothies~好好飲啊！香蕉味濃過草莓味，加左杏仁喺入面，食落有些微一粒粒，有別一般沙冰好滑的口感~但都好好飲！有飽肚的感覺~最後叫左個綠茶roll cake~店員好好，本來要3日前訂whole cake，但聽到我解釋係臨時有工作才到西環，碰運氣買whole cake，都好願意賣俾我~要知道賣左全條roll cake，可能就沒有存貨賣給其他客人了~之前娘親盛讚呢度係佢食過最好味的綠茶roll cake(試過不少坊間的抹茶roll cake都唔掂……)，就知高質！而且呢度係主打vegan，要整到同坊間用蛋又用奶的蛋糕質感其實不易！單係造到而家的蛋糕鬆軟、濕潤的質感已經好考工夫！臨走店員送上九折name tag，下次買whole cake 有discount~我決定下次再幫襯！ …查看更多

同老豆係對面既堂記食腸粉~又心思思想食「真係菠蘿包」($15)~最終點左老豆去買我地外賣左去堂記食，其實係對面，真係想叫佢就咁俾隻碟黎，唔使蝕左外賣$1同d盒~我地偷偷地在堂記食野，超驚俾阿姐鬧~一打開外賣盒~好香菠蘿味ar~~~不過個包好細lo~一啖可以食哂~~菠蘿ok~不過蓋左d奶王味~唔係幾食到有奶王~個包熱辣辣好好食，又唔似其他開飯食家話好硬wo~我個包都幾軟熟下~鐘意食脆口既可能會嫌唔夠脆~但我就覺得好好食啦~我返到屋企攞其他野食，仲聞到有陣菠蘿味~好強!!!!…查看更多

同老豆行element行到好鬼肚餓~又難得去佐敦~又好難得等到堂記開門~我地就食腸粉去~老豆話呢度蝦腸好得~以前係擺街邊檔~價錢都好平~一碟腸粉都係九蚊咋(唔知幾多年前)而家入左鋪~價錢都加左好多啦~我一心想食豬潤腸($16)~上網睇話叉燒燒鵝腸($21)好食~我地又叫埋~當時都幾多人架~好在一去到有人走左~腸粉好滑好薄ar~不過佢新鮮整出黎都咁凍既再熱d好味d豬潤又好好食，平時食既大多數好鞋~~不過食唔慣既人可能會覺得有少少腥~叉燒燒鵝腸都ok~不過冇之前既人講到咁特別囉~老豆食完就不停話最好食都係蝦腸......其實成十幾廿蚊腸粉就唔係平架啦，不過入左米豬蓮list~都叫買得平~~希望下次再試埋d粥同蝦腸啦~~…查看更多

咁啱撞正阿媽放工，一齊食下午茶~心血來潮想食上海野，本來想過東廣場嗰邊~可惜媽咪又話遠~好耐好耐之前食過呢間野~當時印象都不錯~就入左去試下~叫左個下午茶餐—嫩雞煨麵+點心: 窩貼~~嘩~~碗麵黎到~係冇咩雞粒~5隻手指數得哂~:(雖然係下午茶姐~都唔使咁縮水ar湯底亦不及xx婆婆(婆婆既水準都唔係話超班)唯一較好的係麵底ok~~之後黎既窩貼雖然熱辣辣，不過個皮好厚呀......好厚粉其實我地仲叫左個銀絲卷.....平時食銀絲卷多數外皮金黃色、好薄.....佢都係金黃......但係炸得好燶嗰種......變左炸饅頭咁款.....個皮勁油~而平時中間個餡係一絲絲既包(咁先係銀絲)，佢又係炸饅頭餡，一舊包咁.....我地食左接近成百蚊~但覺得好唔抵囉~~以前呢度我覺得佢雖然貴少少，但幾好食~咁耐冇黎，一試就變哂~發生咩事睇黎冇下次.....…查看更多

同朋友仔好耐無見，我地就揀左在openrice九龍灣上最高評分的ruby tuesday~我地一早book 左枱~所以唔使等~之後我地食食下就好多人~唔怪之得一入去waiter已經強調只可以食到某個鐘數~我地得一次食美式野~都係只左比較出名的野~rib+ chicken wing: rib 好好味~最初會以為好「韌」，點知係好腍好入味~佢地汁配埋薯蓉就剛剛好~唔係齋食會太咸~栗米片+唔知咩汁: 好好味架個汁~份量都好多~所以最後都食唔哂~海鮮千層麵:呢個係網上好多人叫，不過有讚有彈~我都覺得麻麻，一來我唔特別好千層麵....而且佢好「留」><不過好多料就係真的~其實呢一餐係好飽~食唔哂~不過都幾貴~好在有coupon~只此一次啦~好難得同朋友食飯~p.s waiter真係非常殷勤，不停走黎問同推介，不過.....好似多左少少~…查看更多

同內地朋友食飯，佢話好耐無飲湯~就帶佢黎呢間中菜館叫個湯~一早知道呢度好多人，點知真係咁爆~好多人一早已經book左枱~我地仲walk in~梗係要等~結果我地苦苦追問之下，終於都有兩個位~我地就叫左個東江豆腐煲~咁就有個湯~仲叫左好出名的煲仔飯~白鱔田雞飯~東江豆腐煲ok~幾多料，湯都幾甜~好似無味精~白鱔田雞飯正~飯的軟硬剛剛好~之前食過其他餐廳，一d好硬，一d又多水得滯，未收哂水，搞到d飯好爛~最正的係飯焦~平日我都唔特別好飯焦~但嗰日都食唔停~d飯焦真係可以成塊起出來，唔會好「痴底」~平日有d真係同個煲永不分離~下次都要帶人黎試下其他煲仔飯~p.s 呢度真係最好早d黎同book定，唔係等到你傻，佢地真係好旺好忙~唔只等位，等上菜都好耐~d阿姐都唔得閒應酬你:(…查看更多

最初朋友仔提起個名.....我還以為是什麼中菜館~很「娘」的名字~HAHA~不過原來係翻譯過來的名字~食物的款式和名字完全相反~係有少少FUSION菜的感覺~我地3個人叫左幾樣野食:卡邦尼意粉~My favourite~朋友極力推薦~結果......也是沒有失望的啊!Pizza~我已忘了味道~不過應該係ok的~焗豬排飯~set 來的~所以份量很少~味道.....無咩特別~ 炸薯條~朋友已經事先通知份量很大~的確......有成個籃咁多~(當然啦~收仍三十幾蚊~)最後都係食唔哂~嘥左~好熱辣辣~好脆~而且係我喜歡吃的較粗身薯條~有d肉地架~特飲~有半價~原價四十幾好貴我叫左芒果乳酸~好飲~幾fresh~其實佢地d野都唔平，可以一堆人黎食~share就剛好了~…查看更多

大佬請食生日飯，去左一向都好想試的意大利蕃茄~好在早去.....我地食食下就好多人了~waiter們都好忙~平日睇好似好貴咁，一個dinner要成70蚊，原來入到去先知意粉可以散叫，都係50蚊度....都ok既~不過生日飯就食豪dd啦~叫左set~不過唔跟cake~有湯、包、意粉同餐飲~初時睇佢d意粉份量好少......點知食到最後好飽架~女仔肯定夠~我當然叫左最愛的卡邦尼意粉啦~好味ar~卡邦尼意粉唔係間間都整得好食~:)佢真係有d蛋香味~之前有d個汁整得好差.....食到想嘔佢的意粉軟硬都好適中~唔錯~我食完之後就愛上啦~不過set都幾貴....下次.....等下午茶啦~…查看更多

大概是最後一餐生日飯了吧~呢間餐廳已經食過一次，不過對上一次係在將軍澳~因為都幾出名，就去左嗰度食~不過上一次就覺得名過於實今次感覺比上一次好~我地食左:卡邦尼意粉~上一次食唔係幾好食~上次好乾，意粉又好硬......因為d人都話Saizeriya的卡邦尼好味....搞到我好失望!:(不過今次又ok，起碼有番d汁!不過之前食過其他卡邦尼，呢間叫做一般啦~Pizza~名字忘了......但都ok~廿幾蚊算係咁.....唔好expect好多料.....最勁係菠蘿.....好大舊!又係薄餅......不過係平嗰種......好似有芝士同蒜蓉兩款~無食到芝士.....蒜蓉ok，唔算好重蒜蓉味.....凍左食有d「煙韌」......飯(甜蝦、豬排): 兩個都好好味~不過份量較少~雞翼、薯角、雞排......無咩特別~其實呢間餐廳的野食不算好出色，大部分都係ok~最吸引的係價錢~每樣都唔貴~我地叫左有差不多10樣野，每人都係五十幾蚊~一大班人食就好抵啦~~:)…查看更多

在呢度睇到牡丹庭有下午茶自助餐.....一直好想搵個機會食~今日同親戚食飯，估唔到佢地揀左呢度~:)因為一早訂了位，所以完全唔使等就入得~先講下環境，裝潢幾富麗堂皇既~唔會好迫，人貼人咁~我地極度肚餓，都叫左幾多野食，包括:咸菜豬肚、豬軟骨、蘿蔔糕、煎堆、芋角、燒賣、春卷、掛骨、腸粉.......其實佢張點心紙又唔係好多點心，大路既例如蝦餃、雞扎、金錢肚......都冇!不過任食唔要求得好多既，有呢d已經好好~先講下我推介先:(有d冇食冇得評，一般既都唔講啦~):)煎堆: 好新鮮整~熱辣辣~(其實所有點心都應該係即叫即整)內裡係蓮蓉餡，一口size，細細粒好香口芋角: 又係好香口~而且唔算好油~燒賣: 平日好唔鍾意食燒賣，因為好大舊豬肉，好多d燒賣好硬!但呢度真係抵讚，佢雖然豬肉都好大舊，不過唔會好難咬~好味!春卷: 千島蝦春卷......雖然feel唔到有千島味，蝦亦偏細隻，不過好脆口~珍珠雞: 一小舊，仲有瑤柱在面，ok~要批評一下既食物:(叉燒米: 叉燒好硬: 桂花糕: 唔難食，但好似冇咩味其實食物質素大致ok，唔會太大問題，反而係其他問題.....第一係點心成日漏單，第一張單已經有d野係冇黎，或者寫左幾碟，只係黎得一碟.....到第2 round入單，更加有一半係冇黎，但當時只係2點幾，即係開始左下午茶冇耐.....冇黎都ok，不過有個交代會好d......搞到我地成日問伙計呢樣未黎嗰樣未到......但佢地又冇話係咪賣哂.....只係催幾樣點心先攞其中一樣......結果等下等下......到最後3點幾問部長先話我地知好多野都賣哂......試唔到都唔緊要啦.....點知臨走前一d之前全冇音訊既食物先出番黎~好在仲食得耐，而且我又期待左好耐.....不過漏單的情況的確嚴重~第二係員工態度，第一次追單個阿姐已經有少少「嘴蔑蔑」......之後都係咁.....亦唔只一個......只有部長態度係好少少......我地都明白因為自助餐係好多單，做到一頭煙.....不過都唔使咁掛雖然員工態度有d問題，不過我諗會再幫襯~因為(漏單)我有好多野仲未食ar!…查看更多

從雜誌上得知以前夏麵館的師傅去左呢一間鋪頭度，就好想黎呢度試下個嫩雞煨麵~因為之前食過夏麵館的嫩雞煨麵，一直「忘不了」(食正個名)，所以好想再回味一下~嗰日下晝超級肚餓，特隘黎左呢度~一個人叫左個set黎食~其實佢下晝d set唔平，都成$40~不過勝在有豆漿、有桂花糕送、仲有個小食~我當然叫左嫩雞煨麵set啦~小食就揀左麻醬粉皮，飲品要左黑豆漿~嫩雞煨麵都keep住水準~因為我好鐘意佢嗰種腍腍地的麵質~個湯底都好好飲~唯一遜色的係雞肉~係雪藏雞~以前係真係手撕雞咁~:(我一個人都ko左成碗麵~麻醬粉皮好好食......之前食某間連鎖著名的上海鋪.....係咸的.....怪怪的.....黑豆漿就冇咩特別，豆味略嫌唔係好濃......桂花糕都ok既~其實之前同fd食過佢地既八寶粒粒炒年糕~ok wo~年糕又唔會好硬~仲有小籠包，初時好有期望，雖然食落未算超班，但唔會失望既~臨走前見到人地食小菜同上海粗炒~好吸引~下次要黎食!:)…查看更多

黎左將軍澳做野一段時間，梗係周圍搜索有咩好食~呢間打邊爐好似好吸引~lunch又唔係好貴~所以一直期待一日可以去食~就擇今日吉日去食~一去到12pm，人影都冇隻......心諗正啊！好似包左場咁！lunch 有set同放題揀~兩者都係90mins~set由$52-1xx都有~放題最平有$88~第一次食就揀左set$52 mix豚肉+牛肉~湯底揀左豆乳~其他食物係可以任食，肉就一碟~其他食物都係菜、豆腐、油揚、烏冬、素麵、冬菇、芋絲、墨丸、獅子狗~一般人可以嫌太「齋」，不過我覺得都ok~甜品有雪糕(4種味道)~因為得90mins，所以就搏命食~先評下食物: 湯底︰豆乳湯最初煲既時候好香豆奶味(不過最初誤以為係牛乳)，不過其實食落係冇味....下次可以食番清湯~食材︰豚肉好味~其實牛肉都幾好~兩樣都切得好薄~可能有人覺得咁薄好唔抵，但我好怕嗰d好「韌」既肉~所以呢度合哂我心！佢地侍應話有100g肉，睇落好似唔似，不過我食落都夠，因為仲會食其他野ma~如果你係食肉獸就另計~其他的野食就ok啦~我推介的有︰墨丸、豆腐~墨丸唔係一舊粉團，已經令我有驚喜！豆腐我一向愛吃，今次係日本豆腐~:)甜品︰雪糕好好食~雖然只係雀巢，但有成4種味，當中豆腐味少食d，都幾特別~service ok~最後仲送一杯飲品，$60食咁多真係不錯~而且唔太大食都幾足夠，食90mins啱啱好!…查看更多

今日去拜年，去開新都城呢頭，咁之前在雜誌上見到推介~就決心要去試下~我地今日成四點先去到，本來呢個時候諗住都冇咩人啦......點知真係咁受歡迎，仲要等位!!其實間餐廳都幾大，嗰個鐘數都坐滿哂人!真係勁!!好在都係等左一陣，算係快，平日lunch真係唔知等幾耐~黎到當然要試下好多人推介的野~所以叫左以下兩款:卡邦拿那意粉($24): 本來好大期望，不過試左又覺得一般，比較淡，好似冇咩味，意粉有少許乾身，但份量都足夠一個人食~煙肉菠蘿pizza($26): 份量幾大，絕對冇被價錢影響!可以分到5、6件(平日的份量)，料都ok多，但當然不可以同pizza hut 相比啦~pizza底比較薄，不過食落都幾好味~唯一挑剔的係冇預先分開一舊舊，其他餐廳好易分開一件件，我地要先搞一大輪先可以切到一件黎食!試完今次，覺得有少少名過於實，不過有下一次的，因為價錢實在好吸引，試問你係邊度搵到咁平的pizza同意粉﹖﹖…查看更多