CaptainDelicious的个人专页

港島多文青好店大家都知，今次仲去左呢間係黃店就去得更開心。餐廳外既壁畫好chill好似去左歐洲咁，而家冇得出國，就感受下外國既氣氛啦！入到去有好多黃店裝飾！好正呀，大家必食啦😋今日我地叫左2個lunch set同沙律，講左沙律先，有件waffle送，件waffle好味到完全唔捨得食晒。而午餐就有好多野揀，flat iron steak又香又嫩又juicy，完全唔似係$100包埋薯條飲品，平時係港島食起碼都值$200-300!而油封鴨脾加雞髀就更特別！雞髀又大隻又軟，同平時食既雞髀好唔同，勁入味！而鴨髀呢，外皮香脆肉質juicy!!絕對係超特別之選！每個餐跟餐都有一杯果茶，加25蚊就可以要枝手工啤同朋友chill下！大家而家冇得去旅行，得閒出黎行下就一定要食「我愛慢煮」啦，性價比高，又良心小店，又好味，諗唔到理由唔黎囉！…查看更多

係灣仔返工，知道附近開左一間良心cafe，一定要拜訪下。雖然係樓上鋪，但其實地點一啲都唔格sip，好易就揾到！一入到去環境好寬敞喎，位置又多又舒服。值得一提，Drip仲冇一個超大露台，又靚又chill，完全係食lunch放break既小天地。講返食物先，當日叫左vongole。由大廚逐碟逐碟親手炮製，蒜香、辣味同蜆肉襯得岩岩好，超香。而意粉亦係岩岩好既al dente，完全係心機之作！ 而飲品我叫左個matcha latte，香濃既抺茶加奶香就知餐廳比足料！好好味呀！😍😍😍順帶一提，餐廳由2個後生仔開，又有heart同passion，又係良心食店，得閒仲會同食客吹下水添！下次一定要再黎試埋佢地個早餐！😋…查看更多

四川風味正火鍋之前行開佐敦都見到呢間勁fancy既火鍋店，一直都好開試下。今日難得有機會，2個人都想食下辣野就一定要黎啦！我地叫左個鴛鴦鍋，蕃茄湯香，麻辣湯正宗，好正呀。原來怕太辣，可以出去拎個油碟點，超正呀。將食物既香味提高之餘仲可以降温降辣，好正宗！然後到野食啦，當然要叫啲肉啦。有幾款都好正！舌尖上的牛舌，有啲香油醃過，爽口又入味，好特別！羊肉卷又多又夠味！仲有一樣超值得講！就係瘋狂辣牛肉！一上黎佈滿辣椒真係嚇親，但原來點油碟食，又香又麻牛肉又嫩！勁有特式呀！打卡必點！！好值得一提呢到好貼心，又有圍裙，又有去味機！食完唔怕污糟同臭啦！…查看更多

個日收工約好左去試下呢間海鮮餐廳揀佢既原因除左係有朋友介紹仲要佢既位置好方便去下一場諾士佛臺就係對面街咋！呢度食既係蒸海鮮我都係第一次食咋 以前聽聞下下都要成千蚊今日我同朋友就揀左個二人餐有齊貝殼類、海蝦、鮑魚等等價錢都只不過係幾百蚊！抵試啦！侍應服務一流 除左會幫你蒸野食仲好細心提你幾分鐘要食、點食等等室內環境好光猛 亦有唔同人數既卡位私隱度都唔錯～首先食既係黑松露蒸蛋新鮮蒸熟原來真係滑到好似bb啲肌膚咁㗎！之後就一次過蒸貝殼類同蝦啦好新鮮 鮮甜爽口蒜蓉扇貝好好味啊 調味唔會太咸 亦帶出到扇貝既鮮甜蟲草花蒸鮑魚 真係物有所值 新鮮爽口 蒸既時間原來係咁重要！蒸蟹！！唔可以唔講既係佢幫你切開左 又提供哂工具 食都食得輕鬆好多 一句講哂 新鮮有膏！食哂一大埋海鮮後仲有個冬瓜湯底打邊爐有蠔、牛肉、手打丸同蔬菜等等其實真係幾飽㗎 兩個人絕對夠食～呢度個場又夠闊落又可以叫唔同新鮮海鮮同酒水值得黎食番餐勁既！…查看更多

新慶麻辣妹香港人越黎越鍾意麻辣，今次去到旺角啲巷仔見到呢間又有特色又新既麻辣妹，緊係要入去試下啦。首先，裝修好新又舒服。仲有瑪麗蓮夢露style，好得意呀！叫左個支竹海帶米線，好夠足料，酸菜夾得岩岩好。唔夠辣側邊仲有辣椒油可以比你自己加。當然仲要試下佢啲小食啦，雞翼豬耳雙拼，黎到賣相勁吸引，仲配有青瓜絲，好清新。仲有一個必食名菜，潮洲牛筋丸，又彈牙又入味，入口辣辣地，好鬼正！順帶一提，佢地仲有酒水，食辣野一流呀！…查看更多

新慶麻辣妹香港人越黎越鍾意麻辣，今次去到旺角啲巷仔見到呢間又有特色又新既麻辣妹，緊係要入去試下啦。叫左個支竹海帶米線，好夠足料，酸菜夾得岩岩好。唔夠辣側邊仲有辣椒油可以比你自己加。當然仲要試下佢啲小食啦，雞翼豬耳雙拼，黎到賣相勁吸引，仲配有青瓜絲，好清新。潮洲牛筋丸，又彈牙又入味，正！…查看更多

高汁浜燒一向都好鍾意食浜燒，覺得又鮮又正又高格調。飲杯酒，同朋友傾計一流。今次去既南瀛水產，一入去見到個格局，就知冇去錯地方。充滿日式既裝潢，高檔得黎又好似置身於日本咁。首先，當然要叫杯酒啦。呢到既酒好有特色，除左有清酒仲有果味啤酒同日式cocktail。我就叫左巨峰啤酒同白桃燒酌，好香果味好易入口。當然，野食都唔會令我失望啦。東瀛五點盛，有5款刺身，款款都又新鮮又甜。入口即化。呢個丹雲蚧肉卷！不得不試！上面既海膽超鮮甜，少少腥都冇。係香港難得食到既鮮味呀！軟殻蟹沙律就好足料，非常抵食！去到浜燒既部分，有專人幫你燒，包你食到最美味既海鮮！蚧味噌甲羅燒就係最出名一定要點架啦！睇個賣相已經知得！蟹膏蟹肉蛋葱蟹子配合非常恰當，齒頰留香，唔食就會後悔啦！活貝盛合，一上已經流晒口水，啲貝類係側邊水缸新鮮拎上黎，想難食都難。加上店員用味淋同酒去燒，帶出晒海鮮既鮮味。南瀛水產，無論味道同環境都帶比左我美妙既一晚！一定要再黎食浜燒！…查看更多

立食初體驗見最近好興立食，而鮨廷又就腳口碑又好，就當然要去試下啦。一入口，裝修勁靚有日本小店風味。店員好快就好細心咁介紹每個位前既設備。每個人都可以揀玄米茶/綠茶。玄米茶夠香，綠茶夠濃！2款都飲得出係正野黎！好快，師傅就放左一個碟係自己前面，等你放壽司既！我地點左好多壽司，全部都好新鮮，非常吸引。等我為大家重點推介幾個我覺得好正架先！穴子，即係海鰻。燒得夠香夠甜。比起普通鰻魚更鮮更冧，好特別！三文魚子，好足料。啲三文魚子可以多到滿瀉曬！好抵食呀！蟹肉蟹膏，未食過啲咁鮮味即蟹膏！入口即融，好似同啲蟹瘋狂玩緊遊戲咁！海膽！呢個真係不得不提！海膽好鮮，一入口超甜！拍得上日本即食既。同香港平時食好腥既，係兩回事！整體黎講！鮨廷既壽司睇得出用料好新鮮，師傅同店員服務都好好。咁既價錢，嘆到咁既水準，真係超晒班！…查看更多

再戰胡爐之前食過銅鑼灣既胡爐，覺得超級正，知道尖沙咀都有間分店，去開果頭當然要食下啦！宮廷式既裝修、爐具、碗盤都冇變，一樣咁靚咁有feel！今次就點左上次覺得人地食好正既椰子雞湯底，上黎既時間，有成隻雞、椰青汁同秘製椰子湯，超香！仲會加酒去點燃，好似睇左個表演咁！正呀😍野食同上次一樣都咁有水準！不過今次冇叫和牛，試下手切既肥牛先！肉質軟滑又夠香牛味！又一個好正呀😍今次仲好推介佢個xo醬飽魚餃，用料高檔，辣辣地仲好有咬口，皮仲好薄，好味呀！大家都要一試！胡爐咁正，我都好肯定會有三戰胡爐啦！…查看更多

極具氣派既火鍋最近咁鍾意睇宮庭劇，有朋友介紹打邊爐聖地，胡爐。一入去裝修勁靚，成個皇宮咁，連碗碟都用左皇帝既雕花，好grand呀！而佢每枱都有一個間隔，夠晒高私隱。到野部分，好正呀！我地叫左青麻辣同菜乾豬肺湯底，青麻辣夠麻又夠香，比平時既紅麻辣入味，好不錯又有特色，大家一定要試下！手打丸，好香好彈，勁推黑松露墨丸，烚完都唔會走左啲香味，正！當然仲要講重頭戲，手切和牛。第一次用a5和牛打邊爐，烚幾秒就熟，一入口嘩，驚為天人，油香夠之餘仲入口即溶，大家一定要試！398一份大，好足料，大家一定要點！另外仲叫左啲配料同飲品，每樣都好新鮮，一定唔會中伏！除左裝潢同食物，胡爐既服務仲非常好！店員主動又細心，有人生日仲講生日快樂同客關係好好！總之，胡爐各方面都好好，做足100分！正呀！…查看更多

近排最愛烏蠅館辣妹又出動，今次晚餐近近地去左好就腳既烏蠅館，一如既往既正！我叫左一個大辣麻辣湯底，辣味同蒜味都好足，好上癮！最正係佢可以揀8個餸，任揀唔嬲，一定可以配搭到你最愛既口味不！特別推介，淮山、貢菜同蓮藕，好爽脆，同湯底非常夾。食肉既朋友千其一定要叫豬耳，又入味又脆口，好味道！唔係太食得辣既朋友，可以叫小辣，麻香得黎唔會辣到入唔到口，可以一試！另外，當然要飲佢地既養生野飲。桂花烏龍茶，好清好解渴，飲完解晒油膩咁。烏蠅館係正尖沙咀，又好味環境又好又就腳，店員服務好好，大家愛冒菜愛辣既一定要試呀！…查看更多

平民價錢嘆酒店質素知道尖沙咀開左個新既酒店food court，緊係要去試下啦！food court位於逸東酒店，非常方便！一入去，格局非常高當，亦好新淨，唔講仲以為去酒店食buffet!因為好耐冇食越南野，就同男朋友叫左2個fûhn既越南粉。我地叫左2個regular size既粉，點知都好大下喎，粉同料都好足！男朋友就要特色牛肉粉，我就要特色牛肉粉。所謂特色就係除左肉之外，加啲配料比你，例如牛筋，肉丸等等，超足料呀！值得一提，佢附上左好多配菜，都係幾正宗越南常見既配菜！湯頭都好正，濃而唔油膩，女士們就唔洗怕啦！另外，我地仲叫左椰青同咸檸七，椰青超甜又多水，咸檸七就好fresh，全部同麵都好夾。唔好以為係酒店食會好貴，咁多野加埋都係100蚊一個人左右！勁抵喎！咁既質素，而酒店格局亦好高級，完全唔似係food court入面，真係同朋友談心好正方，我一定會再黎！…查看更多

好耐冇試過既心機火鍋自從一啲任食火鍋開左，就好耐冇食過呢類唔係任食既火鍋。今日食返，果然質素真係唔同。表叔好野！表叔特別在，原來佢都有得叫刺生。三文魚腩好好香，油花好足。而甜蝦亦好大隻，夠晒爽口！估唔到佢既刺生絕對唔輸蝕比日本店！食到前菜當然到重頭戲，火鍋啦！先講湯底，我地叫我個胡椒豬肚雞煲。一上黎，嘩，足料到！啲料差唔多整滿個煲，一飲，不得了，胡椒味好重，完全帶到成個湯既精華。我都忍唔住飲左幾碗。我地仲叫左黑白墨丸，好彈牙，墨丸味好重，唔係出面果啲粉狀架，食得出手打好足料！手切肥牛又唔係放題店果啲姐，佢好香牛味又有油花，唔會過膩，一食就知唔係cheap野！仲有響鈴，比出面食到果啲脆口，又唔油膩，食得多都唔會濟。仲有菜籃，竟然有皇帝菜，落足本呀！飲品價錢好公道，自家製竹䉀水有家的味道！表叔真係好正，店員服務又好，野食又新鮮，完全令我諗返火鍋應該有既質素呀！有好心機做既火鍋，非表叔莫屬！…查看更多

好好味既冒菜小館我呢個小辣妹一向都好鍾意食四川野呀冒菜咁，不過香港好少食到好味既，成日幫襯不同餐廳都好失望。咁岩朋友介紹烏繩館，就一定要去試下！一入去見到裝修好靚，放滿茶葉同茶具，我諗佢啲茶應該好正！之後叫法就有啲似車仔麵，可以選擇不同既餸。我同朋友叫左一人一個8餸一人套餐，不過好飽就冇叫主食了。首先飲品，有蝶豆花茶同桂花烏龍茶，蝶豆花加左檸檬變左紫色好神奇呀，而烏龍茶都好香好清，果然佢啲茶係正既！麵黎啦！辣妹當然要食麻辣湯底，麻同辣比例好好，一啲都唔會太辣同唔會太油脂膩。而餸方面，我叫左個寬火鍋粉做底，係正完四川麵喎，好正！另外果啲，每款都睇得出店主有特別分別處理，唔會一式一樣同唔入味，最推介係貢菜同豬耳絲，豬耳入味，貢菜爽口有特色！一定要試呀！另外朋友唔食辣所以叫左清湯，濃而清又健康，唔食辣既朋友都要黎試呀！呢碗麵都算係我係香港食過最正既冒菜，果然冇介紹錯！…查看更多

好滿足既一餐有一次行過太子見到呢間慢煮工業，見到個門面好似好吸引又有bar咁既格局，一直都好想試，同朋友飲返杯嘛。今日終於去到，平日既九點都好多人，夠晒旺場！而入面格局都好有feel，睇黎仲有機會有live band！而碟同餐具都好有心思，係港女大愛既雲石，而把刀好可愛呀，似一把迷你菜刀！我地2個人叫左4樣野食，好飽呀！仲有2支酒，佢啲啤酒都係由外國黎，平時好少見架！芝士條，mozarella cheese好多香，炸得夠晒脆，一上黎熱辣辣，仲有拉絲，好正呀！椒鹽一字雞翼，又係好夠脆，雞翼醃得好入味，同個皮都有椒鹽味架！一字既雞翼好方便飲酒食，唔怕要慢慢去骨！海鮮shake shake包，呢類食物我好想試好耐架啦，估唔到呢到都有！一黎到有個哥哥幫我地shake均啲海鮮同汁。海鮮份量好足又新鮮！而汁好香蒜味，好正呀！仲有啲粟米同薯角配襯，入晒味好正！最後上左芝士蒜香排包，好特別，啲芝士蒜蓉同排包好夾，甜甜地咸咸地，正過平時啲蒜蓉包好多呀！全餐都好有驚喜，好有特色，美中不足食唔到wellington beef，下次一定要再黎！…查看更多