小櫻桃1234的个人专页

住喺圍坊商場附近，商場開咗咁耐，都唔係乜點過嚟食飯，原因好似冇咩好食…開幕嘅時候食過一次嘅Chatterbox ，當時單點，價錢偏貴，事隔兩年，見佢有午餐餐牌，一心入來食喇沙。 一入門口職員就話今日冇油飯，趕走咗好多客人。 而我唔係想食飯嘅，就坐低咗。呢碗「咖喱海鮮雜菜湯米線」，除咗有幾隻冇味嘅冰鮮大蝦，其他嘅嘢實在連譚仔南記都不如，湯底無味，雜菜配料似碟頭飯嘅配菜，跟住有幾舊腐皮，冇味嘅雞蛋….完全冇食晒放棄！跟餐加錢配「斑蘭奶茶」，味道OK，但係冇乜香味，似飲即沖嘅糖水。反而加咗$25椰子雪糕，就有驚喜，咬落去有椰子粒粒，呢個係全餐之中既推介！今餐真心失望，無下次了….…查看更多

未係香港試過天天海南雞，又見佢係米芝蓮推介，於是喺沙田行街就入咗去食。星期五晚上都幾多人，等位等咗半小時，入座後服務速度都算快，店員幾勤力送餐同埋收拾碗碟。不過入座已經感覺到座位的軟墊太薄，坐落去會比條邊頂住，唔舒服:(。一開始，佢會比壺熱茶無，就算我轉咗做滾水，最後都收咗每位$9茶錢，其實呢間餐廳都主打飲西式飲品，我覺得冇必要收茶錢，有啲多餘。因為第一次食，就試左無骨雞海南雞細份、油飯細份。個雞份量都算OK，話晒價錢都唔平，最細分都已經是二人分，上碟時後發現，除咗汁醬以外，雞件上面會林有一個獻汁，食落其實有啲唔夾。雞的肉質一般般，冇乜肥膏，但係亦冇乜雞味。油飯係有調味過的，份量夠二人食，但是不夠香。我地仲叫左酸菜水煮魚，其實個湯同埋其他配料做得唔錯，酸辣適宜，可惜佢啲魚塊醃得過份鹹，失去左酸菜魚嘅滋味，不過其實都幾足料，所以呢個都可以一試。至於小籠包，就一盅兩件，佢有個醋插住咗喺小籠包上面，有啲新玩意，但其實食落同自己點醋冇乜分別，佢的皮過厚，所以大家都係唔使試佢。最後叫咗個美祿豆腐花咁嘅甜品，反而有驚喜，食完濃味嘅主菜，食佢做甜品也唔錯，而且價錢唔貴，推介。食完呢餐，我估我之後只會喺呢間嘢外賣「花好月圓」返屋企食，如果要食海南雞同埋酸菜魚，就應該唔會再返嚟啦。…查看更多

外賣叫呢間返屋企食，見到有8折，都係$5x一個三寶河，加上評價咁多，以為好抵啦….點知中伏了！三寶河啲餸完全係唔新鮮，你睇到香茅豬扒唔知咩事一堆野咁、春卷炸到勁油，湯勁多油，無咩味；另外豬頸肉沙嗲叻沙，裡面有2粒墨魚丸係酸既，好驚….唯一好處係….勁大份！！我地仲要加購左一份炸蝦餅… 薄過紙、又油、又乾… 唔明佢點做生意…最後食唔哂… 唔敢返轉頭…唉….…查看更多

相都費事影Order左茶餐廳最基本既野，乾牛河，海鮮芝士焗飯，係準時黎到，但已經唔熱。乾牛河：明顯炒燶了，勁黑，啖啖鑊燶味，真心食唔到落去..海鮮芝士焗飯：所謂既海鮮已經霉左，有少許罐頭磨菇係酸既，個炒底飯擺左好多日咁，唔新鮮…家人話，不如掉左佢，落街買過其他野食…平時幫襯開荃灣廣場果間都可以，點解呢間搞成咁，希望店家檢討下……查看更多

過年前開業，疫情下外賣嘗試一下。兩個人叫了燒賣、蝦餃、牛柏葉、士多啤梨蝦多士、魚肉韭菜餅、同埋抹茶叉燒包。本來仲諗住份量唔夠食，點知燒賣蝦餃超大粒，牛柏葉都好多件，因為點心比較漏，其實店家可以考慮一下份量細啲，價錢降低少少，應該會更適合香港人小家庭嘅份量同埋口味。🧡燒賣同蝦餃：肉同蝦嘅餡料的確好多，但係因為份量太多，蝦餃皮又太厚，食咗一粒已經好濟😵‍💫。🤎牛柏葉：分量多，比較大件，雖然唔un, 但係都要咬好耐，難消化。醬汁味道還好，偏淡。💗士多啤梨蝦多士、韭菜魚肉餅：蝦多士嘅肉部份太多，比例唔係好啱，醬汁酸酸甜甜，有驚喜。韭菜餅的韭菜味完全食唔到，魚肉反而OK冇碎骨同埋腥味，煎得夠乾身同埋脆，點泰式甜酸醬配搭不錯。💚最後亦都係最推介🌟抹茶叉燒包：其實講真抹茶味冇乜，但超欣賞佢個皮好薄好薄，亦都好軟身，叉燒餡味道非常之合適，叉燒粒亦都大細均稱，咬落去完全是流心的效果。總括而言，令我地會回頭嘅可能就係➡️➡️抹茶留心叉燒包。…查看更多

係利園消費夠$5000，可以換$150消費劵及2個🧁The Cakery Cupcakes. 當日我有2張$5000以上單，即係可以換2set共4個。去到，店員比左2pack用手摺盒裝住既cupcakes（正常一隻手只可拿到一盒），因為我買左野，手拎唔到，問佢加買一個大紙袋放埋一齊，佢竟然話要收$10一個袋….我以為自己聽錯，但因為仲要搭車過海返屋企，都焗住要比。😠返到屋企 打開睇，賣相都算正常，但一咬落去，butter cream同蛋糕底完美分離😨，就算淨係食個蛋糕部分，可以話用難食來形容🤢😵‍💫…. 第一次食一個cake係完全食唔到，要掉左佢～ 之前有食評講得好岩，難食過連鎖西餅鋪，基本上唔配拎出來賣！！😡查閱官網，🧁正價一個要$40，另一個係$45。現在仲有2個係雪櫃，已經冇心機想食….好心利園做promo唔好搵間咁既黎野hea，雖然係唔洗$ ，但開門做生意，好歹都要合理水準..中過伏既你地會明白我講咩～… 仲要比錢買，仲要送禮慶祝場合用既，大家真係慎重考慮…. 寫咁多，希望店主睇到會改善下～…查看更多

金坊泰菜，係荃灣老字號，疫情前常常都去堂食，受家庭客歡迎，基本上都要等位。今次疫情下叫外賣，本來都係放心之選......點知...好失望，難食到放棄... 點解可以出品賣比客人？！ 1️⃣海南雞飯：（$77）❌油飯無味無香氣，完全似係落左啲黃色染劑，隔夜左3幾日既質地...❌雞，嚴重雪味，怪味，唔係啫喱質地，唔滑，唔係一啖無骨既口感，中間仲有啲古怪既血塊，令人唔想食落肚...⭕️醬汁係撈好既 唔係分3種自己撈既風格，味道上還可以，最後靠啲汁遮蓋飯同雞既怪味...先可以勉強食到幾啖醫肚...⭕️跟飯既湯，好油... 冇飲到完全，不予置評2️⃣香芒蟹肉炒飯：（$99）［衰過屋企自己蛋炒飯］❌打開見到蟹肉，以為還不錯，點知勁腥，有up味...食落怕肚痛既感覺...❌炒飯無味，最慘係混左啲雪藏雜豆..... 咩事，慘過茶記$50一碟既揚州炒飯... 啲飯同海南雞飯一樣應該已放置好耐，完全係咁意加熱暖暖地就比客人食.... 完全冇炒過既感覺....❌芒果、腰果，唔新鮮... 冇左highlight既作用手，加埋個太差既飯... 結論係唔想食！疫情下，本想多支持食肆... 但 以這樣的性價比，同埋只係勉強食到1/3飯既容忍程度下（可以的話，也不想浪費食物）....應該不會再去..…查看更多

疫情下暫停晚市，💍結婚周年想訂個蛋糕慶祝下。四圍餅店都忙住出聖誕蛋糕，已經好多都唔接單😞，朋友推介Rosewood拿破崙，於是睇中左方形一大個果款，打算訂之際，竟然發左Afternoon Tea外賣set! 😍見到set入面有2件standard size原味拿破崙，加上有scones、咸點同其他甜點，於是3日前就係官網落order，非常之方便，最後取餅時間係7點前，岩哂放工去拎，當埋晚餐😋😋。一去到見到Butterfly Patisserie成個佈置好靚，加上真聖誕松樹佈置，陣陣香氣，如果堂食一定更有feel!🎄我order時remark左是anniversary, 店員好貼心預備左個朱古力牌，推介給慶祝生日紀念日的你，不吃蛋糕同樣有儀式感！🥰另外抵讚既係tea set個盒，精心設計到不得了！！一層層趟開既感覺，不比傳統3層架遜色！（唔捨得掉呢！）睇返之前的post, 原來個包裝之前唔係咁既，可能因為咁，亦比之前個價錢貴左少少。不過值得的，蛋糕食物keep得好好，返到屋企同係餅店見到時係一樣！👍🏻總括來講，雖然是外賣，仍然有很好的體驗。期待下次堂食再感受現場氣氛～…查看更多