Th0maslau的个人专页

經過上環見到呢一間餐廳，見到覺得幾吸引，所以決定同朋友入去試吓！-Daily special sake mussel ($138)當日去嘅時候嘅today’s special! 用咗清酒同牛油去煮青口，調味做得啱啱好，每一隻青口都佈滿湯汁，好食。擺盤都有做，所以望落去就已經好吸引。-Grill Green ($88)一餐入面又點可以少得菜。Grill green 利用Miso butter去煮茄子、山藥、秋葵、粟米筍、南瓜等嘅蔬菜。本來我自己唔係一個好鍾意食菜嘅人，但係呢一種調味就令到啲菜入味，而同時又食到菜本身嘅清甜。-Yam & Hoi Mei ($138)用咗山藥做base 嘅大阪燒，入面有啲乾海鮮，幾特別。-Yaki Ori Poke ($158)有幾款魚生（赤身、帶子、三文魚子）同埋牛油果粒，下面再配有一個燒飯團。燒飯團較為濃味，同啲魚生粒一齊食好好味。-店員服務幾好，會仔細介紹每一樣送來嘅食物，令客人可以更了解自己食緊嘅食物。現場環境都唔錯，餐廳入邊有一件恤衫幾特別。…查看更多

因為疫情，所以已經好耐冇去旅行。今次去咗位於亨灣天后嘅Satay Pop品嘗正宗嘅馬來西亞食品。佢哋嘅食物有水凖，而且價錢都偏向親民，個人覺得幾抵食。店員嘅服務態度都好好，例如會主動同我講有啲咩食物比較辣，等我可以有定心理準備。-沙嗲牛肉粒排包（$58）排包係烘過嘅，好香口！牛肉嘅份量好足，應該有五至六件，啖啖肉咁好滿足。再加埋佢個充滿花生味嘅沙嗲醬真係超級好食。-烏達香葉卷（6件）（$48）店員知道我唔係特別鍾意食辣，特登提醒我可能會比較辣。但係見佢咁特別所以我都決定去試佢。其實就係用葉去包住辣嘅魚肉。雖然我唔係好食得辣，但都覺得好惹味！如果食得辣嘅真係都幾推薦。-沙嗲串燒拼盤（豬牛羊雞各兩串）（$68）一個拼盤有齊咁多款好抵食。每款都燒得啱啱好，而我個人就比較鍾意食牛。醬汁可以揀辣或者唔辣，我個人就鍾意唔辣嘅多啲。-班蘭咖央多士（丹麥酥）（$18）丹麥酥上面查啲班蘭醬我都係第一次食。之前去新加坡旅行都食過咖央多士，味道都幾相似，唯一分別就係呢度用咗丹麥酥，令到成個多士更加香口、層次更加豐富。-馬來西亞100plus （$15）馬來西亞椰子水 （$15）呢度仲有比較唔常見嘅馬來西亞飲品。100plus就好似係寶礦力，咁不過有氣。椰子水就清甜解渴。…查看更多

因為佢某個app有啲時間會有全單半價，所以吸引到我去試🤣。（平時下午茶都自動部份菜式半價，但唔係全部。）-入座嗰陣店員會送上一碟小食，價值係$15，但係我試過一次覺得唔係幾好食所以第二次去嗰陣同店員講話唔要。建議如果大家嚟可以唔使要。只要你同店員講話唔要佢就會幫你收返起同埋唔使收錢。-特色皇朝小籠包（八色）（7.2/10)真係有八種顏色，分別係唔同嘅味道，用嚟影相打卡都幾靚！但係就唔係款款都好食，但係第一次嚟都可以叫一籠試吓，用嚟打卡。但係我個人就唔會再嗌🤣。-上海外婆紅燒肉 （9/10）好食！肥瘦均呈，味道濃郁。真係減緊肥都忍唔住食一兩舊。🥲-皇朝擔擔拉麵 （8/10）對於我一個唔係好食得辣嘅人來講佢真係幾辣（辣度4/5) 但係都惹味。雖然食到出晒汗但係我都有繼續食。-京醬肉絲 （8.5/10）肉絲比較濃味，用啲皮包住嗰啲肉絲嚟食好夾。-香辣蒜泥白肉 （9/10）雖然佢係香辣但係就唔係真係好辣。中間包住一啲類似菜嘅嘢，食落去都match，幾清新。蒜泥都多，幾推薦。-蘿蔔絲酥餅 （7.8/10）用類似酥皮嘅嘢包住熱辣辣嘅蘿蔔絲，入面好Juicy，價錢唔貴鍾意蘿蔔嘅可以試吓。-炸饅頭（8/10）正正常常嘅炸饅頭，啱啱炸好幾好食。-上海炒飯 （8.5/10）啲飯炒到粒粒分明，餸嘅份量都唔少！-折扣完人均大約160，已經食到超飽。…查看更多

Wagyu Omelette rice ($168 + 10% -> $185)飯嘅份量okay，但係肉嘅份量真係有啲少得誇張。我睇其他人reviews話得4粒，所以我都唔expect 有好多…但送到過嚟竟然得2粒骰仔size嘅肉… 而且我都唔係好食到咩味。但啲飯有用茄汁炒過，加埋一啲腸仔都唔差嘅。蛋都炒得滑。但呢個價錢我會expect更好嘅質素。-Mushroom soup (included in the set)食到蘑菇肉，睇得出有落心機，唔係罐頭湯。但係味道偏淡而且送到上嚟已經唔熱。如果熱嘅話應該會更加好飲。-但係服務就麻麻哋，當時餐廳人數唔多，但係侍應就要我哋同人搭枱，其實空枱嘅數量好多，係可以做到唔需要早到嘅客人就同人搭枱。問侍應可唔可以轉枱嘅時候，佢話唔可以。-環境來講其實係幾靚，但係我哋坐嗰個角落位就完全feel唔到佢嘅靚。-所以如果真係想來可能要book定想坐嗰啲打卡位。但我應該就唔會再嚟。…查看更多

前幾日同朋友一齊去咗長洲玩，一入到去就覺得肚餓，所以去咗搵嘢食。見到呢間cafe都多人，幾受歡迎，所以去咗食。-餐廳餐具同埋水都係自助形式，嘢食都係Counter order, 所以唔洗加一！-我哋叫咗：牛油果醬芝士漢堡配薯條（$70）漢堡嘅肉好juicy! 配搭上牛油果醬同芝士，成個包都十分之邪惡😋🤤 薯條都炸得好脆，令人引唔住食完一條之後即刻攞下一條，勁快就已經食晒成份。-No. 11 Deluxe 芝士牛油焗龍蝦 All day breakfast ($172)呢個All day breakfast 入面有好多嘢食！有炒蛋、大啡菇、煙三文魚、腸仔、煙肉、茄汁豆、沙律、芝士焗蕃茄、牛角酥、當然唔少得芝士牛油焗龍蝦。大啡菇整得好Juicy，炒蛋炒得好滑，牛角酥都好正！整體都好滿意！…查看更多

[澳洲牛奶公司]早餐 ($38 ，凍飲 +$2)牛油多士、火腿通粉、炒滑蛋、涷奶茶-炒蛋一如以往出色，炒得好滑。火腿通粉嘅湯底唔算係完全冇味個種，所以個人覺得已經算係茶餐廳入面唔錯嘅水平。牛油多士牛油份量啱啱好，多士外脆內軟。凍奶茶茶味香濃，但下次再去我會選擇少甜。-服務非常好，我攞住一大嚿嘢，店員特登安排左我去坐入啲嘅卡位！（原本有預計可能入唔到去食🤣)-味道/Taste: 9.0/10抵食/Value of money: 8.5/10環境/Environment: 7.5/10服務/Service: 9.5/10 -地點/Location: 佐敦白加士街47-49 號地下 (Jordan Station Exit C2)…查看更多

[御滿屋日本料理（旺角）］同朋友經過旺角想食放題，見佢價錢合理所以就入咗去。選擇咗A餐，一共有75品食物。-入坐後用qr code落單，食物嘅款式多樣化。刺身、壽司、串燒、燒物、炸物、天婦羅、一品料理等等，全部一應俱全。而且仲有出面自助區，有多種前菜同甜品。套餐仲包括每人一杯Movenpick / haagen-daz 雪糕!-到味道方面刺身質素對得住個價錢，帶子鮮甜，三文魚好食！-廚師推介美國薄燒牛肉果然冇推介錯，食落帶有牛味。鮑汁燴花膠份量足！-經典串燒試咗牛舌同雞軟骨，兩款都好食，有出面串燒鋪嘅水準。-壽司同手卷嘅質素正常，每個手卷嘅份量同手指尾差唔多大細，所以唔會話好多飯實飽你！-自助吧嘅甜品正常。Movenpick 雪糕好食。-服務方面店員有禮貌，上菜速度都快！落完單之後好快就上菜。-總括嚟講，我同朋友都食得好滿足…查看更多

我係平日十一點九去到所以唔洗等位。店員有禮貌，環境唔差。食完之後見到碟上面有隻貓公仔同寫住ご完食、ありがとうございます, 幾好-Cat’s eye 特選1 ($108)我揀呢個嘅原因係因為可以一次試三種味，而且其他人都話漢堡好食。咖喱豬肉嘅咖哩就係普通嘅日式甜咖喱，豬肉都冇乜特別。但濃茄牛肉就好食，牛腩煮得幾腍，茄汁偏甜，適合送飯。漢堡有肉汁，幾大份，好食但冇我想像中咁好。蛋好滑，有少少調味，幾好。-芝士魚肉條味道一般般，有魚肉味但芝士比較少。…查看更多

聖誕special tea-set (2人份➡️ $428 + 10% service charge)-又到聖誕～ 想食吓tea，所以就嚟咗呢度食佢嘅Christmas Tea set!-餐廳環境幾好，有好多唔同嘅聖誕裝飾，播嘅歌都幾有情調，好有氣氛！-講番食物方面，呢個Tea-set 一共有十款唔同嘅咸點同甜點。裝住食物嗰個架有聖誕老人、雪人、聖誕樹等唔同嘅裝飾，裝飾得幾靚。-食物款式：咸點：Green Swiss Roll with Crab Meat Stuffing：就咁睇樣以為係綠茶甜品🤣但其實係蟹肉卷。蟹肉mix埋沙律醬，一定好食啦！Foie Gras with Hawthorn Purée Baguette ：鴨肝好食🤤Spanish Christmas Meatball with Tomato Sauce ：蕃茄味濃，不過可能因為我放咗太耐所以涷咗，可能一送嚟就食會好啲。Black Truffle Tarte：用咗好多菇加少少黑松露，唔會話得好少材料，菇嘅調味都好好。Smoked Salmon Biscuit with Spanish Garlic Sauce ：好食，而且用咗幾多煙三文魚，而唔係只係薄薄一塊，加分！Prawn, Avocado and Lemon Foam ： 啖啖都係牛油果🥑同蝦味，兩樣嘢mix埋好夾，鍾意牛油果一定鍾意食。-甜點：Homemade Cream Fruit Tarte：我一直都好鍾意berry，所以都幾鍾意呢個tartTraditional Vanilla Mille Feuille ：好脆，做到拿破崙應有嘅水準以上Puff：好食，入面啲餡味道啱啱好而且涷冰冰，正Macaron ：兩款都好甜，個人鍾意朱古力味多啲-Tea set 仲包括coffee/tea，又或者可以加錢轉特飲～總結呢講冇嘢係伏，全部都幾好食！…查看更多

[滿屋日本料理(大埔)]放題限時120分鐘（Last order: 90分鐘），用QR code落單，可以選擇嘅食物款式都幾多，基本上其他放題有嘅呢度都有。仲有啲特別小小嘅例如係海膽手卷同埋三文魚親子手卷。過咗last order之後，可以去出面嘅自助區睇吓有水果朱古力噴泉蛋糕仔等等。服務都幾好，上菜速度幾快。-刺身選擇幾多，我自己就試咗三文魚同帶子。三文魚新鮮肥美、帶子鮮甜。-各式壽司平均水準都唔錯！我個人特別鍾意蒜香燒和牛壽司，蒜味重、和牛好香。-串燒試咗燒牛舌串同埋雞軟骨串。個人比較鍾意雞軟骨串，好有係出面居酒屋食嘅感覺！-手卷每一份手卷嘅size大概就係一隻手指咁大，所以唔會話有好多飯塞飽你！手卷嘅食材都比較高級，有海膽同三文魚子！因為味道幾好，所以我都encore咗幾次。-燒物試咗銀雪魚西京燒同埋燒帶子，銀雪魚味道幾好，調味偏甜，適合鍾意食甜嘅人。燒帶子落咗沙律醬，帶子同沙律醬好夾！-鍋物喇沙海鮮鍋比較辣，但係海鮮足夠，適合一啲鍾意食辣味嘅人。雪花肥牛鍋係壽喜燒湯底，肥牛份量一般，但係有啲雜菜中和，感覺都健康。-炸物試咗蝦天婦羅同埋雙皮奶。相比放題其他食物就比較普通。-雪糕有Moven pick 同 Hagagen dazs-總結來講大部份食物都係水平以上！而且上菜快。…查看更多

Lunch 貴個餐 ($163)去之前睇過好多YouTuber 介紹，睇落好似幾好，所以同咗朋友去試。我哋揀咗壽喜燒湯底，個人覺得甜得濟。-好坦白講，Lunch 食物同飲品嘅選擇合理，但冇乜值錢嘅嘢食，我剩係狂食牛同飲茶。自助區配料剩係試咗花膠同蜂巢豆腐，兩樣都ok，同個湯底都夾。熟食試咗奶黃牛角包、雞翼、麥樂雞同薯角。麥樂雞就係普通嘅麥樂雞，薯角有啲擺咗好耐嘅感覺唔係太好食，雞翼有毛所以冇食哂成隻，奶黃牛角包唔夠熱但質素ok。牛肉一開始有一盤個樣怪怪哋(左上角張相），之後全部都冇問題，算有肉味，我大概食咗50塊左右。所以我唸如果Lunch 食貴牛餐主力都係食牛。-總結來講，如果要試呢間應該Dinner 嚟，如果Lunch去就食平啲（$97）嘅餐啦。 :0-味道/Taste: 7.4/10抵食/Value of money: 7.2/10環境/Environment: 6.5/10服務/Service: 8.2/10…查看更多

店入面嘅裝飾幾靚有唔同嘅打卡位最啱用黎po ig !食店嘅環境都舒服、服務ok,我見店員幫隔離枱影相嗰陣都好專業，應該影得唔錯。-食物方面今次食咗High Tea set ($338 + 10% service charge)每人有兩款鹹點同埋八款甜點再加一杯飲品鹹點兩款都ok 炸蝦炸得唔錯甜品質素各有不同其中以奶凍最好食，有好濃奶味Uluru 朱古力都幾好，朱古力味好濃好出蛋糕就普通啲，多數係海綿蛋糕-食完咁多件甜品之後會有啲飽飮番set 嘅飲品就啱啱好ULURU rose tea ，非常解渇感覺清新-Taste : 7.5Value : 7Environment: 9.5Service: 8…查看更多

五斗米 （上環）Sem break 去唔到台灣TvT 但想食台灣野 所以今次去咗上環嘅五斗米餐廳座位唔多平時主要係做外賣生意-台式牛肉刀削麵牛肉嘅份量頗多而且好食刀削麵同佢濃郁嘅湯底好夾-炸物拼盤一個拼盤入邊有鹽酥雞同埋花枝丸兩款鹽酥雞好好食 炸得啱啱好 而且味道濃厚花枝丸就比較一般 冇乜話好特別如果想試兩款就建議可以嗌拼盤如果唔係單點鹽酥雞就可以-滷水拼盤呢個拼盤入面有貢丸、花枝丸、百葉豆腐同埋一隻滷水蛋份量都足夠 而且幾入味-一口蔥餡餅非常足料 💯一咬落去啲汁彈晒出嚟我食嗰陣仲唔小心彈左啲汁落我朋友度 😂-白菜滷係將一啲白菜浸係滷水汁入邊令到本身冇乜味嘅白菜味道濃郁雖然唔係好健康但係就幾好食-台式肉操青菜就係將一啲肉燥放喺生菜上面感覺上幾健康-玉米芝士蛋餅好食但份量比較light-黑糖仙草奶凍 l 九份芋圓 l 台灣直送黑糖花生麻糬三個甜品都唔錯奶凍好食芋圓有咬口花生味濃…查看更多

味力冰室幾日前去咗屋企附近呢間冰室食嘢入去之前，店員會首先幫客人量體溫，然後再請客人消毒雙手，而且坐低之後會抹一次抬，防役措施滿分。🈵💯講返食物，下午茶時間去，叫咗以下幾樣野：牛油果沙律拼炒蛋農夫包 （$58）（8.3/10）牛油果份量好多，應該有成個，拼上沙律，非常健康牛油果沙律上面嘅汁應該係醋，感覺清新炒蛋炒得滑，連埋搽咗牛油嘅農夫包一齊食，唔會太重口味，味道恰到好處-下午茶：炸雞脾薯條 （$36) （8/10）炸雞脾份量合理，咬落去有肉汁，幾好食。薯條唔係好油，但係係好食的伴碟嘅菜唔似普通茶餐廳咁油膩，係沙律菜，為呢份邪惡嘅下午茶添上健康嘅氣息。-下午茶：沙嗲牛肉包 （$36）（6.8/10）份量夠，但我略嫌牛肉份量有啲少。個汁如果熱少少會好食啲而且個汁同我期望有啲落差，同我預期之中嘅沙嗲唔係好同，唔係好夠香個包係好食的，但餸就普通啲-以上嘅餐都有配飲品，轉特飲就加$15今次我飲咗忌廉溝鮮奶店員指細介紹點樣溝會更好飲，不俗-總括嚟講係一間唔錯嘅餐廳…查看更多

Celebrated my 19th birthday in this wonderful Spanish restaurant.The environment here is pretty good and I loved the cute decorations! The atmosphere is also good. Great place to chill.#SlowCookedOctopusCarppaccio (薄切 慢煮八爪魚) [$78]I like the seasoning of this dish. To me, the taste of octopus has never been strong. However, the seasoning in this restaurant make this dish delicious.(調味出色,令八爪魚味道更上一層樓)-#ColdCutPlatter (Jamon,Manchego chhese, Miller bear) ( 西班牙火腿,曼徹格芝士,紅酒燴梨) [$88]I enjoyed eating this dish. When I was eating, I put the piece of Jamon and Manchego together and I liked it. It's a bit salty, however, the few pieces of miller bear solve the problem as it's sweet yet refreshing.(火腿同芝士可以一齊食, 少鹹, 但因為紅酒燴梨幾清新, 所以上面兩樣鹹都冇乜問題)-#SpanishPotatoOmelette (西班牙薯仔蛋餅) [$78]Impressed by this dish. I have always loved potato and eggs. Therefore in no way would I hate the combination of them. This dish is a 10 in terms of fullness ! And it's so Instagram-able imo.(幾飽肚,切開之後影相都靚)-#BarcelonaStyleGrilledRedPawns (巴塞隆拿式烤紅蝦) [$88]I like the seasoning of this dish. Pawns very often are plain in flavor, the Barcelona style grill makes them taste good.(調味出色, 充分展現蝦的鮮甜)-#BikiniFoieGrasSandwich (比堅尼鵝肝三文治) [$78]There are 4 pieces in total. Despite the fact the portion isn't too big, I enjoyed it as the portion foie gras is just right. The taste is good.(分量不大,但鵝肝分量合理)-#SeafoodPaella (西班牙海鮮鍋飯) [$138]There are different kinds of seafood, scallops, pawns clams and mussels. This is just like the traditional sea food paella. The portion is pretty big as well.(海鮮種類多元,份量足夠)-#Tanqueray ($75/Happy hour : 5-8pm)This cup of drink is great. I am not an alcoholic but I can still accept this. The taste of it is bittersweet which is my favorite since I don't like drinks which are too sweet.(苦中帶甜,唔係話好鍾意飲酒嘅我都覺得唔錯)-味道/Taste: 8.8/10抵食/Value of money: 8/10環境/Environment: 9.5/10服務/Service: 9.2/10…查看更多