klam960201的个人专页

之前幫襯過另一間分店外賣自取，已經有唔係咁好嘅經歷，但朋友話俾多次機會佢，咁好啦，今次去另一間分店，我都係叫外賣。今次就無俾錯野我，但係食物質素就真係唔知可以點形容。個賣相的確係唔錯，就咁睇係係無得輸，但係一食，除左個包係暖嘅，條腸係凍嘅，啲醬又唔係好夠，成個感覺好差。希望整體可以改善，否則我真係唔會再考慮再次光顧其他分店。😕之前有期待，但而家有啲失望，唔好再出現呢啲問題。🤷‍♂️…查看更多

呢間未試過，諗住放假就試吓啦。早幾日叫咗個經典和牛漢堡，仲加咗個大薯條套餐，不過令我好失望。😞首先，和牛漢堡過得去，但薯條真係搞到我無法接受，全部軟塌塌，完全冇口感，感覺好似放咗好耐咁。🍟😩 之後野飲又俾錯左我，明明要無糖，但俾左正常我。其實戈日都唔係話好多人啫，咁都可以執錯🤔下次真係要即場望清楚先，對清楚先。希望餐廳可以改善啲薯條嘅製作同包裝，本身都好有期望嘛，畢竟第一次食就已經搞成咁。🤔…查看更多