okerko的个人专页

呢間泰國野，係我日常飯堂，每次諗唔到食咩就去食海南雞飯（$58），包冬瓜湯/冬陰功湯，凍飲加$3。海南雞飯，個黃姜飯好香，但米飯個質地通常偏淋，如果乾身d會好食d。海南雞份量唔少，但有時皮多肉少。但佢個泰式醬配海南雞好好食，通常都點晒佢個醬。冬瓜湯係我每次必飲，好香好好飲，個湯反而係我覺得吸引到我黎既一大原因。凍檸茶亦都唔係一般茶記茶底，會飲到茶既甘味好正。整體$61，有湯有飯有凍飲，所以lunch 都好多人食。…查看更多

今日同同事，放lunch 係崇潔街搵野食，行左好耐都諗唔到食咩。行到一間cafe setting ，但叫自己冰室就入左去一食。我地食普通set lunch，價錢定位都係50-60，同事叫左雞扒煎蛋意粉，雞扒入味夠厚夠大份，煎蛋唔夠燶邊，意粉無咩味，全靠個黑椒汁救命，可惜汁唔算多，overall 正常茶記水準。我叫左焗鮮茄牛俐飯，茄汁調味幾好，酸甜適中，有幾片蕃茄調味。牛俐夠淋夠厚身，但無咩煎過既香味，差小小。最大敗北 係個飯底，雖然佢用左炒飯底，但飯太淋身，無炒飯既香味，有雞蛋但無蛋味。整體就係好濕好淋既感覺，令到個焗飯減左唔少分。唔會再叫焗飯餐🙉🙉…查看更多

本身朋友話呢間係好特別既車仔麵，有咩omakasa 簡，最終去到門牌覺得無咩特別，都唔夠膽簡omakasa😂簡左車仔麵，3餸 蝦條/牛腩/魚皮餃，加秘制汁油麵。一黎到秘制汁好香，寫左小小辣，但都好辣，但真係好好食😋食下食下都食晒成個麵😂今次簡左呢3個餸：蝦條/牛腩/魚皮餃。牛腩份量都幾多，但有小小硬，痴牙。蝦條彈牙，味道無咩特別，似魚蛋既條狀。魚皮餃同一般無咩特別。整體份量好充足，汁好食！$50 包野飲，還ok，可以一戰！…查看更多

本應同屋企人去大中打食牛角，明明人唔多排都要等12張台，即刻頭也不會就走左，沿途周圍睇都睇唔岩食咩。最後，老豆提出食olive cafe ，話開左咁耐都未食過。坐定定4個人，分別叫左安格斯、龍蝦意大利飯、德國燒豬手x2。dinner set 可以簡前菜同湯，前菜係吞拿魚莎莎，味道幾野味，湯係南瓜忌廉湯，味道幾好。主菜上左既係安格斯同意大利飯先，安格斯味道正路，意大利飯就好香好濃味，岩晒我食，龍蝦肉重有燒過好味！豬手就比較遲上，但份量就好大碟，味道亦都好正，外脆內軟！總括，每人$200 都唔洗，味道亦唔錯，性價比屬幾高！…查看更多

北葵涌打完波，行到大窩口搵野食，由於已經好餓，是但見到餐牌岩食就入。入到去叫左個咖哩雞飯，咖哩味道幾香，雞都唔少，食落味道唔差，起碼唔會偷工減料。阿姐主動派湯比我地，個湯飲得出係老火湯，味道香甜加埋熱辣辣，好味💪🏻朋友豆腐火腩飯，賣相唔錯！加左$8 要左碟油菜，味道都ok 👌🏻👌🏻整體，係間唔錯同埋穩陣既茶記，值得大家去支持一下小店!Ps:食緊果陣都好多街坊叫外賣，如果大家經過唔知食乜好，都值得支持一下…查看更多

聖誕節前老闆送俾office每人一份小禮物，布丁燒布丁燒係teatime 3:15 送到特別好食，即刻醒神番，繼續工作到收工！小確幸布丁燒，成個包裝都好靚，食法更加係牛油紙印上，教晒你點食，好細心，重要每份一張食譜，一個office有10幾張紙🤣我今次簡左雲呢拿味，雲呢拿味道好香好出，重有好多雲呢拿籽係布丁到！布丁分左2層，上層係布丁，下層係cake底咁，味道幾夾幾得意！布丁上面緊係重有糖醬🥳一個布丁雖然細細舊，但食完已經好飽我認為價錢稍貴，但值得一試…查看更多

Christmas Eve，同女友兩個係黃埔搵野食，因為小黎黃埔唔知食咩好，周圍行下，行行下去到紅磡內街，見到要等位既餐廳即走，再行行下見到個餐牌係食越南野，又咁岩有位即刻入去。同女友一人叫左一個粉，加多個小食，同可樂。今次食左招牌大蝦蟹膏蟹肉湯河（轉左金邊粉），慢煮燒牛肉撈檬。個蟹肉金邊粉，湯底好香好入味，加埋小小辣味好吸引，個蟹肉金邊粉，上面有一隻大蝦加一個蟹肉薯餅，蟹肉薯餅係精華，好香蟹膏味，味道一流燒牛肉撈檬，牛肉好食，撈檬上面有唔同配菜酸酸地，同個檬粉好夾！最出色係個肝醬燒牛肉米卷，醬汁好香，加埋米卷口感味道一流完全唔明點解咁少人排隊同食下次去會再食…查看更多

終於有機會食網上傳說百里香、lunch menu 大約$40-50 左右，12:30 前埋單可平多$5！聽聞間餐廳好多人食，果然12點左右去已經坐爆晒。因為空間有限，坐得比較逼。雖然menu好多選擇，但唔洗諗即刻叫經典燒雞+薯皇。套餐有湯同包送，湯同包味道一般，湯偏稀唔夠味，包就無咩特別。燒雞份量夠大，燒雞入味，雞肉偏淋身，好易入口唔會整到好鞋好難食。 略嫌薯皇比較淋身，唔夠脆同數量教少。總括而言，性價比高，味道唔錯，值得再食之選🥳…查看更多

全場環境唔大，7-8 張台，星期六下午6點訂左2位，全場半滿到。去到諗住食蟹餅，pasta，西冷，點知一睇餐牌轉晒，款式唔同晒，無左蟹餅，pasta得一款（唔岩口味），最後叫左8oz西冷+羊脾。起初見到款式又小，又唔太岩口味，都有d失望。但味道喜出望外，西冷軟身多肉汁，羊脾外脆內軟，好好食。最後加多件Lemon cake 。份量唔算大，我同女友唔算餓情況下都夠飽。因為有半價，最後埋單$550左右，如果無半價就要再諗諗，因為性價比一般，味道唔錯但款式小。…查看更多