Sandy0618的个人专页

上星期6同朋友去左試呢間工廈O既韓國餐廳因為睇番之前O既食評話係韓國人開所以對佢地O既食物質素有信心講真, 做得唔正宗都唔敢將自己國家O既食物文化帶黎吖, 仲要開舖咁勇喎由地鐘站行去大約10分鐘內, 都好近不過一上到去O個層....咦?唔知點行, 會唔會去錯?哈哈其實人地好大個招牌囉~好彩聞到D泡菜香味就知冇搞錯 我地6點幾去到, 已經有一枱客準備走, 仲要叫左D外賣添~佢地走左之後我地就包場啦好啦, 入番正題, 因為我地得3個人所以只係叫左1個部隊鍋同一客(10件)紫菜包飯. 仲有叫左D野飲有個EE同我地落單O既, 之後有個男人(應該係老板)就出黎用英文問我地需唔需要加$50個部隊鍋加多D料FOR 3個人, 我地咪加囉又唔貴~首先黎左6款前菜先, 但係我地可能太肚餓所以冇影相=.=之後黎埋O個2個主菜....嘩...好好味呀真係食到停唔到口~~而且期間老板, EE都有出黎幫我地較大/較細個火又幫我地添KIMCHI~食到咁上下就有一大家族黎左, 佢地就出左去露天AREA食野, 一大班人有老有少都幾開心架呢間小店真係好值得大家支持如果你地係鐘意食韓國野又鐘意有個地方同朋友傾計唔使計住幾時要交枱可以去試下『火星料理』=) P.S. 提提大家, 如果你地想叫海鮮鍋最好就預早打電話訂啦*希望我呢篇野唔會俾人話係打手文啦.....因為有感而家O既香港...小店係更加需要支持~雖然佢提供O既款式唔算多, 都係主要做鍋物, 但係做得好味, 其實2-3款已經好足夠~…查看更多

同個fd o係呢日慶祝我地o既相識紀念日 佢又鐘意食意大利菜 所以就去左凡高廚房啦book左7pm 6:45pm左右佢地打黎叫我遲少少先黎 因為o岩o岩跳左大掣 全間餐廳冇電 所以我就7:30pm先去到啦一出"車立" 見到佢地開左大門 成間野黑哂 猶豫緊入唔去到o個陣 manager就話5分鐘後就會有番電 好啦 入啦見到入面本身已經有2枱人啦 大家都係靠住枱面微弱o係蠟燭同街外面o既燈睇menu... 5分鐘後 真係有番燈啦入正題lu~我地食左有龍蝦o個個set 因為manager推介lobster好味的 就聽佢講了appetizer 其實唔係幾知係咩黎架 不過都ok好味湯 忌廉粟米 有d過甜了main course lobster+risotto 龍蝦真係幾好味呀!!! 不過可能係我tea o個陣飲左杯朋友o係starbucks親手整o既iced caramel+勁多cream 所以唔係好肚餓 都食唔哂個飯甜品 明明記得係啤梨cheese cake 但又唔係黎o個個喎 fd就話算 好啦 我地照食 之後俾個眼利o既waitress見到同個manager講 佢又黎番cheese cake 哈 咁我地就賺左了 2個都好好食 特別係cheese cake食完野周圍影下相 manager都好熱心幫手 因為我係用即影即有 佢又問我地想張相打橫定打直 服務十分好 p.s. 有張食滿$500減$100的coupon 所以只係食左$490 je~…查看更多

今次係我第一次寫食評 首先講句對唔住先 冇相睇o岩o岩去左8喜食晚餐 慶祝爸爸生日 亦都係我第一次食 匯豐卡$98叫1+1套餐 有2個餸 叫左1. 大盆雞(半隻)有得揀辣/唔辣 要左辣o既幾好味 熱辣辣 薯仔又索左d汁 真係good架 同埋半隻個份量都幾多喎2. 蚵仔砵個砵係"和民"o既size 味道都ok 爸爸話d蛋有少少老 不過佢都猛咁食另外叫左個"櫻花蝦炒飯" 一般啦 "櫻花蝦"(?!)有d似蝦米囉媽媽叫左2個"台式焦糖燉蛋 幾好味=]最後要一提o既係侍應都叫做醒目 唔使叫都自動拎多隻碗俾我地share個甜品 nicep.s. 佢個所謂"前菜"$12 可能包括埋茶錢(?) total 3個人食左$209…查看更多