ws1218ky的个人专页

自從離開左火炭工作之後，已經好多年無食過！但今日路經火炭，一定要再試我心心念念的紅菜頭湯！紅菜頭湯真係世一！唔會太酸，好足料，食完覺得有滿滿的營養感覺！今日食左三文魚長通粉，配左一D沙律同哈密瓜，咁熱的天氣食就覺得好清新，因為係有少少涼伴的口感！食物質素好高，而且份量好足！餐廳的環境好舒服，因為我坐高枱，對住個綠悠悠的山，好正！雖然在工廠大廈裡面，但lunch time都好多人！無論是服務態度定係食物的質素，我都好推薦大家去食，支持小店！唯獨可能交通位置較遠，距離火車站有D遠，但火炭的朋友，真係要去試下！…查看更多

好多年前食過沙田個間，今次來到九龍塘行街，想搵間舒服D既餐廳，所以就揀左Grayhound。當日叫左原條魷魚、咖哩蟹肉飯、單骨雞翼、清酒煮硯。清酒煮硯，無沙(好重要❗️）最怕食到有沙的硯🤣🦀咖哩蟹肉飯，咖哩甜甜地，食到有蟹肉，味道係我鐘意的口感！唯獨，我覺得可以分開汁上，就最好！單骨雞翼，岩曬我而種懶人，份量都算多！抵食！原條魷魚，雖然乾身，但同個醬汁好夾，食落好有泰式風味！另外，服務態度都好好，未坐滿人個陣，都可以要求自己想坐的位置👍又會主動加水！…查看更多

今晚同朋友兩人一放工就去食，所以時間都係好早，我地6點已經開始食，人未算太多，但入座的時候，已經講左用餐時間只有90分鐘。我地兩個人因為唔太肚餓，最主要係想食酸菜魚，所以淨係叫左兩碟野食。*雞絲粉皮*芝麻醬好香，粉皮夠軟酸菜魚🐠味道係好，同埋魚的份量都夠，但唯獨覺得唔夠辣，我地的湯底係中辣，但感覺連小辣都無！係唯一失望的地方…查看更多

☕️NOC cafe 的咖啡向來都係我最愛之一，今日難得朝頭早返完工無野做，天氣又勁靚，於是就去左紅磡NOC，飲一杯喜歡又好飲的咖啡！Latte入口個種好濃的咖啡味係我覺得最好飲😋的味道，平時大型連鎖店個D Latte 完全無咖啡味。🧁Egg tart又係值得一讚的食物，價錢平👍之餘又好重蛋味，同葡撻唔同，而且可以加熱黎食，更加好味！🧊*iced Latte $50*egg tart $18今次好好彩可以坐到向海的枱，望住出咁靚的天，飲住咖啡，真係好正！雖然望得最多係好多人跑步🤣…查看更多

一向都好喜歡咖啡的我，平日同朋友都係鐘意去小店，因為每杯咖啡沖出黎先有心思！但平日如果係要hea時間，多數會去連鎖coffee shop。是日探完人無野做，又想飲杯咖啡食少少野，於是就去左pacific coffee 叫左一杯凍的朱古力咖啡其樂冰同埋一件雞批。連鎖的食物，基本上都無咩評語，整體不過不失。…查看更多

沙田新開的一人燒肉，一直都好想試！但每次都大排長龍，難得今日放假，諗住平日會少D人！於是就用新城市個apps網上攞飛，點知都要等左差不多兩個鐘！由12:41分攞飛，到差不多2:30先有得食！叫左一個餐250G，都係$110，肉份量都多！絕對夠食！我覺得最正的係，燒肉配醬汁，好好食！另外飯有三個分量可以選擇，隨自己食量。值得一提的係，跟餐碗湯，好飲！我覺得好有日本飲的味道！總結係，雖然等左兩個鐘，但絕對值得！…查看更多

有屋企人提議入元朗遊下車河，遊完之後緊係要搵野食醫飽個肚，已經好耐無在街食晚飯，屋企人就提議揸車入黎食泰國野！地方雖然好偏僻，但環境好有泰國風味，由於是即興決定，所以無訂位😔點知真係無得walk in，但老細好好，當晚係6:15就同我地講，你地一係在出邊等一陣，如果客人仲未黎，就安排我地入座，點知好好彩！等左10幾分鐘之後，就安排我地入座！要超級感恩食到一餐好好味的晚餐，所有食物都熱辣辣😋第1️⃣樣上枱食物是豬頸肉，夠熱，個醬汁好正！第2️⃣樣係炒飯🍚同生菜包，生菜包除左顏色略欠吸引之外，味道很好！炒飯就較為普通第3️⃣樣鹽焗烏頭🐟，而個真係要講！好好味！！！魚質好滑，又無青草味，唯一要扣分的係，中間有少少唔熟，但都離骨，不過見到有少少血！但都好好味！最後上菜的竟然係蒜蓉包🤣🤣🍞，蒜蓉包外脆內軟，配埋個黃咖喱醬同青咖喱醬，超級好食！…查看更多