nicoc0513的个人专页

同朋友去中環行街搵嘢食，佢話喺第區食過🍱町町丼丼🍱幾抵食，一於去試吓！日式丼飯小食店內環境舒適整潔，上餐都幾快，員工仲好友善，相信係附近上班族👩🏻‍💼👨🏻‍💼用膳嘅好選擇。日式咖喱豬扒蛋蓋飯🍛豬扒好大塊又香脆，炒蛋嫩滑，而且估唔到咁多咖喱汁，唔會食食吓好乾。壽喜燒牛肉鍋配烏冬🍲好足料嘅牛肉鍋，有肉有菜好balance，壽喜燒湯底甜甜哋好好味😋。磯燒魷魚天婦羅配黑椒蛋黃醬🦑係邪惡炸物🙊！炸皮唔厚而且啖啖魷魚肉～加埋蛋黃醬更加好味。日式炸餃子（5個）🥟係外脆內軟嘅日本餃子～🥹個人覺得餃子係日本嘢嘅代表🤣，食完成餐飯更加滿足。…查看更多

夏日炎炎，想清清地食個沙律。之前嚟過幾次早餐食韓式三文治好好味，原來仲有自選沙律食，$58 細沙律可以揀四種配料，我揀咗豬手、雞肉、豆腐同麵包粒，都幾足料，女仔應該多數會食得飽。$20加杯嘢飲我就冇加到，如果可以加錢配小食會更加好。…查看更多

好鍾意搵唔同地方嘅特色咖啡店，今次嚟到深水埗呢個工業風Cafe，連餐具都好有心思，打卡一流，隨手一影都有靚相！星期日下午茶時間唔多人，試咗兩款特色咖啡，叫咗走甜味道更突出！我個杯係芝麻味，老公個杯唔記得係乜。甜薯薯條🍟甜甜地炸得啱啱好，好出色，如果啲醬有多啲就好喇。明太子蟹肉意粉🍝兩個人輕食啱啱好，食落唔會好漏，而且啖啖都係蟹肉，好足料！伯爵茶蛋卷🍰唔會話好甜，滿滿嘅伯爵茶味啱晒我！下次要再嚟試吓其他款，最緊要係試多幾隻咖啡。…查看更多

突然想食poke bowl，特登OpenRice搵。嚟到餐廳無相，叫咗兩款原來都唔係嚟😂！一個係串燒飯、一個係雞肉飯，其實都幾好食，不過如果有圖比人揀會好啲。薯條幾好味不過無影相。…查看更多

同朋友飯聚，最緊要餐廳夠闊落，最好啲酒又好飲，呢間餐廳就滿足到我哋要求啦！餐廳好大間，唔使限時限刻趕人走。菜式除咗一般泰菜會有嘅選擇，仲會有西式嘢食，不過我哋今次就冇試。我哋叫咗生蝦刺身、青木瓜沙律、冬陰功湯、明爐烏頭王，仲有各自嘅cocktail。所有菜式都夠晒辣，好啱鍾意食辣嘅我！生蝦刺身🦐夠晒彈牙，而且有好多隻，抵食！青木瓜沙律🥗青木瓜爽脆，辣味適中，食完好開胃。冬陰功湯🥣好足料，有唔同嘅海鮮，四個人分每人有一碗以上。明爐烏頭王🎣烏頭夠大條，唔會煮到啲肉實曬，而且個湯好好味。…查看更多

機艙主題裝修打卡一流，特登揀咗窗口位旁邊就可以有個飛機窗啦🤣！個窗嘅風景真係會轉都幾得意吓，食個飯當自己去緊旅行。當日侍應表示廚房人手不足，只可以叫套餐， OK嘅本來都諗住叫。叫咗個二人餐，有湯、主菜、甜品。上菜速度可以，食物味道同賣相都唔錯，有啲掛住食唔記得影。訂枱註明有人生日有Danish Toast 送。雖然係送嘅，但係份量一啲都唔偷工減料，而且整得好靚，屋企人都好開心，如果可以寫名就更加好啦。…查看更多