foureyeboy的個人專頁

一家人放假走去 Megabox 食晚飯，選擇左去小南國食上海菜...7點去到唔多人，見到碗碟唔乾淨，有隻碟仲有飯係度，有隻碗仲有汁係度...叫人過黎換左佢同收返2碟收費的前菜，但叫左幾個待應都係望一望你就走左去，成班圍埋一堆唔知做緊乜....到叫餸果陣語都唔係好，問佢 D 餸小小資料好似唔想答你咁，仲係度"唉"左一聲....算數，餸黎啦...小籠包 - 皮夠薄又夠肉汁，好好味生煎包 - 個底煎得好脆，又好多汁，都好好味海哲頭 - 好爽好有咬口，但個辣油好似無咩味咁黃魚鍋麵 - 個湯底好夠濃味，麵質硬度我幾鐘意，份量一鍋夠哂4個人食食完上面幾樣野，突然想加多樣餸 - 獅子頭等多15分鐘片皮鴨到了，一隻鴨都片得幾多件，鴨皮好脆...跟左2籠皮，一人都可以食到3-4件，皮夠薄唔會好飽...我覺得隻片皮鴨都值呢個價，唔錯...食完片皮鴨後等多15分鐘都未見獅子頭黎....搵左個待應問，但又係叫極都無人黎，又係望你一眼就走左去....好啦，終於搵左個待應問係唔係漏單，佢衰衰咁係 rockie talkie 講 "咩咩枱有人追獅子頭喎...."再過多幾分鐘唔見個待應覆有定無，有冇都覆下人丫....然後搵左個男經理問，佢返黎話個獅子頭製作要30分鐘以上的，叫我地等多陣...其實由落單計都有 45 分鐘了....我地再等多10分鐘都未有，叫佢取消同埋埋單啦，等成粒鐘咩都唔想食啦....一叫取消就即刻話有個待應走黎話整好左啦喎，係要等咁耐架喎.....但我地都堅持要埋單走，但待應黑哂面咁走左咩都無講....其實我覺得呢間野食物唔錯，仲幾好食添，可惜幾個女待應態度奇差，只有一個男經理叫做識招呼客人...呢間野又唔係話好貴，又無話要求咩高質服務，但至小要有禮貎丫...但你又未至於平到好似茶記咁既服務....…查看更多

放假日走左一轉流浮山...突然想食碗豬潤麵...但又唔想走到去深水埗咁遠喎...經過呢間鋪頭見有得食...就入左去坐低...叫左個醉雞豬潤麵...等左一陣就有啦...醉雞分開上好細心...雞整得都幾滑...又唔會太重酒味令雞肉有苦味...豬潤整得好爽口...起碼唔會過熟...麵雖然係普通麵底...但可接受唔會煮得好淋...街坊生意黎講算唔錯...老闆又好傾...放假無咩地方食飯又多一間飯堂了...…查看更多

佳人餐廳？是騙人餐廳至真！！唔明點解咁多人笑口！！見到鐵板餐七十蚊，睇個價錢應該正正常常咁啦，都唔會話期待質素好好，所以就叫左個西冷扒五成熟。首先黎的是紅湯，湯的份量只有個碗的三成滿，味道除左.鹹我就飲唔出有其他味。餐包好細粒，牛油一舊放係碟邊，不是獨立包裝，個包係就係好熱，但咬落去居然係硬的！！等左好耐，個鐵板到啦，意粉是另上的。個鐵板好熱，感覺好正，但塊扒同大家樂早餐扒咁上下厚，一切落去就覺得好硬，食落口完全係.鹹到飛起，筋多過肉，咁既薄牛扒已經唔可以講咩幾成熟，求其一煎都已經全熟，細細塊既扒，咬出來的可能比吞落肚的多。我只能說是凍檸茶是正常的味道！！食完呢一餐七十蚊既所謂鐵板西冷扒餐，我完全無飽既感覺，由於個扒太.鹹既關係，只有口渴的感覺，相信食得多會有病！！我唔會有任何理由再光顧呢一間野！！…查看更多

看加勒比海盜前到金船長餐廳吃飯 又來到了金船長餐廳食晚飯啦‥‥這裡出名的車仔意粉，自由度非常自大，因為由粉、配料、汁、餸都可以自由選擇‥‥所以我選擇了天使麵 + 忌廉汁 + 兩種芝士 + 三文魚 + 蜆肉‥‥先喝餐湯，是牛尾湯，很香，很濃味，但跟湯的餐包一般‥‥然後便是上意粉，芝士味很濃郁，份量很足夠‥‥天使麵有口感，軟硬程度適中‥‥忌廉汁加上芝士，味道非常之濃，但二人 share 來吃不會太 heavy‥‥餸不會很多，所以使意多選兩個餸也不及過‥‥另外是金船長芝士漢堡，七成熟‥‥芝士漢堡有有厚厚的漢堡扒，選了七成熟，肉汁保存得很好‥‥配上芝士、酸瓜、蕃茄、洋蔥，很美味的一個漢堡包‥‥伴碟還有粗身的薯條，最愛吃粗身的薯條，吃落不會太油‥‥這個誠意推介‥‥甜品我們選了心太軟‥‥份量不會太大，吃飽晚餐後兩個人 share 淺嚐岩岩好‥‥朱古力味很濃，不會過甜，流心也做得不錯‥‥這家餐廳位置不方便，處於舊區，但食物質素絕對有保証，可說以隠世高手‥‥…查看更多

來到大埔吃東西，這次試吃這家咖喱‥‥本身也喜歡吃咖喱的我，但是不能吃太辣，這裡可以選擇辣的程度，很好‥‥我點了咖喱羊配飯‥‥很足料的咖喱羊啊，咖喱也很滑，羊肉不會 so‥‥吃下整份咖喱羊也不覺口渴，這點我要讚好‥‥很多時吃咖喱會很口渴的，需要一邊吃一邊喝，但這回我吃完飯才慢慢飲杯凍檸茶‥‥…查看更多

天氣炎熱，無咩胃口，最岩食令冰冰既野‥‥來到這家店吃飯，我點了個豬頸肉凍檬‥‥份量不算小，還是我沒有胃口，我也吃不下整個‥‥說到味道，因為我從未試過食凍檬的關係，所以我都沒法作比較‥‥吃下去感覺很清涼，夏日沒胃口我也會再吃凍檬‥‥另外也點了三色冰，味道不錯啊，不太甜‥‥但是冰粒比較大，要是碎冰的話就正‥‥…查看更多

早於一星期便開始找一間有點格調，靜靜地既餐廳，向心上人表白‥‥最後決定左呢間‥‥訂了鮮花送到這餐廳，經理替我收下了那束花‥‥訂了枱所以不用等位，還可安排坐卡位‥‥先點菜，芝士薯條、炸墨魚、紐約牛扒，還有附送的黑糖麵包及沙律‥‥芝士薯條的確美味，誠意推介，但份量很多，兩個人吃不下去‥‥炸墨魚，這是送酒的小吃，要是跟朋友到來飲啤酒，吹吹水，一流‥‥黑糖麵包，非常美味的麵包，對我來說這是暫時最美味的麵包‥‥牛扒點了七成熟，很有肉汁，好好味，真的一分錢一分貨，跟普通西餐廳的扒餐很大分別‥‥吃飽飽很便找經理拎花做大事，雖然最終都失敗左，但呢間餐廳既服務一流，有咩要求都可以幫到手‥‥…查看更多

愛吃日本美食的我，又黎到金田食放題啦‥一行七人訂了七點半，這裡的好處是可以無限時咁任食‥‥一坐低就即刻放左一堆刺生‥‥第一輪的 ORDER 好快就上枱啦‥‥一開始當然狂食刺生，三文魚、劍魚、北寄貝都新鮮、好美味‥‥然後是燒物、炸物等食品‥‥串燒牛舌很肥美，味道適中，不太咸、不知道吃了多小串‥‥芝士年糕是必食的，一咬落口就是軟身的芝士，不過吃一隻就好，因為會好飽肚的‥‥羊鞍，很新鮮，很有肉汁，必吃之選‥‥其他的食品不過不失，但大多數都好好味‥‥頭兩三輪的 ORDER 很快便到，但其他客人開始增多，也會出現漏單的情況，但可接受‥‥最後上的甜品，真的很難吃 =..=埋單連加一約 $230 ，比上次來加價了‥‥…查看更多

來到一粥麵，當然是吃粥品‥‥豬肝粥 + 牛腸，$33，不算很貴‥‥等候需時，差不多等了十五分鐘‥‥終於等到有得取食物，熱騰騰的粥來到我面前‥‥先吃牛腸，非常普通，可能是因為等候煮粥時已制作好，腸粉沒有什麼熱度‥‥豬肝粥，豬肝非常之薄切，沒有什麼口感，而且粥底很稀，很有飲水的感覺‥‥…查看更多

探病後到這家店吃晚飯！叫了生滾及第粥，雖然等候時間比較耐‥‥送上來時新鮮滾熱辣，正‥‥粥的材料很豐富，豬什乜都有，豬肝由其好味‥‥朋友吃的牛筋撈麵，牛筋味濃而且夠淋，而麵亦有咬口‥‥…查看更多

來到這家店吃下午茶‥‥下午茶時段，雙拼燒味粉 + 飲品需要 $26，我認為有點貴‥‥但這店以燒味作招牌，不妨一試‥‥叉燒、燒鴨瀨粉 + 熱咖啡‥‥叉燒，乾到不得了，比豬肉乾還要乾，很差‥‥燒鴨，還不錯，但只是很普通的味道‥‥下午茶果然係下午茶，份量很小‥‥反而這杯咖啡味道很好，很香濃‥‥我下次若是再光顧這家店，不會再選擇吃燒味‥‥…查看更多

初次來到這家韓國菜館品嚐韓食‥‥這家店以快餐形式進行，需要先購票，等候取食物‥‥我們二人點了一客牛肉炒粉絲、一客雞肉石頭雜菜飯‥‥這碟炒粉絲賣相不美觀，味道還不錯‥‥味道很濃，但不咸‥‥我滿心期待是很粗身的粉絲，但不是‥‥另外的這客石頭飯，上菜時還熱騰騰的‥‥看似很乾，但吃下去還不算‥‥愛吃飯焦的必需點這味‥‥…查看更多

中學時代經常到吃的四眼仔腸粉！離開中學後已經很久沒有品嚐了‥‥再次回到聯和墟也是因為讀書‥‥從前的四眼仔腸粉已經需要排隊才可吃到‥過了數年還是後多顧客排隊‥‥等了大約五分鐘‥‥叫了$5腸粉，$3魚旦，$3燒賣‥‥腸粉配合甜醬花生醬，非常美味‥‥我很喜歡吃這種細小的魚旦‥‥而且這店份量很多，只需十元便可吃到肚子滿滿的‥‥…查看更多

經常到這家店吃，大多也是吃吉列豬扒冷拉麵冷拉麵配上沙律醬，清新可口，十分開胃，是炎熱夏日的美食！這店以豚肉作為賣點‥‥我的吉列豬扒，其實的覺得普通，豬扒賣相與口感也不錯，但不算突出‥‥而友人吃的豬肩脥，這個算是全店最好吃的豚肉類‥‥如果可以烤豬肩脥配上冷拉麵，這真是完美‥‥…查看更多

愛吃米線的我，來到這家店試吃‥‥點了豬肝、腩肉米線、清湯 + 香草雞翼‥‥上菜速度還不錯，大約五分鐘便送上熱騰騰的米線‥‥雖說是清湯，但湯底清甜，不錯‥‥米線有點硬身，但可接受‥‥豬肝過熟，已很乾身及硬身，不好吃‥‥腩肉不算後肥膩，好吃‥‥雞翼細小，賣相一般，味道普通‥‥總結：這家米線店，不過不失，或會再來的，但不會再吃豬肝‥‥…查看更多