喜利的个人专页

响屯門市中心行街， 覺得肚餓了 ，呀囡話想食小籠包， 我同老公都諗起翡翠。今次既小籠包依然沒令我們失望，依然皮薄多汁好好食.令人開胃既醬燒茄子， 仍然維持到水準.醉雞的味道依然令我沉醉.老公最愛的酸辣湯拉麵，酸辣味香濃，熱呼呼的湯拿了很高分數排骨湯拉麵，豬扒香脆，呀仔食唔停呀！每次想食上海食物， 翡翠都係我地嘅首選， 價錢合理環境舒適， 亦係令我地返轉頭既原因， 希望可以繼續好食落去啦！…查看更多

今日約左舊同事食lunch，以前去開既老地方轉左間新餐廳，照去試下啦！餐廳間隔沒大轉變，只係D裝飾唔同左。我和同事們都選了'香煎雞扒配黑椒汁'.先來個餐湯，侍應話係意大利雜菜湯，但一飲落去，其實就係經典羅宋湯.湯味不錯，麵包也好食！雞扒煎得好香，沒雪味， 配上微辣黑椒汁，想追著吃呢！. 配菜係炸蕃薯條， 一見到以為好熱氣， 食落原來外皮薄薄的脆，裡面香軟又甜甜的，很不錯啊！忍不住食晒呢！最後係餐飲，咖啡或茶，無咩特別.以這個價錢，坐得舒適，静静地吃一個 lunch, 也不錯吧！…查看更多

今日出去屯門，想搵個地方靜靜地食個lunch，經過一壽司，見無咩人就入去坐低啦！先來個海藻沙律醒醒胃先！味道不錯啊！主菜就叫左個天婦羅鍋烏冬連飲品，烏冬湯味道稍淡，令人吃得不起勁，天婦羅就不過不失！ 相信熱食唔係佢地嘅強項！檸檬茶就真係一杯平凡的檸檬茶！來到一壽司，唔食返件壽司又真係若有所失，所以就叫一客三文魚壽司頂頂癮喇！ 易係穩陣之選！下次再來，都係專一d食壽司算啦！…查看更多

今日想食海鮮，又想飲靚湯， 朋友建議去雲來軒。先來個鮑魚燒賣作點心~一口鮑魚， 整體味道質感都唔錯！蒜蓉蒸聖子~香滑好味，蒸得岩岩好，令人回味！三蔥焗鮑魚~嘩！依個不得了， 真係香味撲鼻， 鮑魚焗得岩岩好， 香蔥在熱石碗內吱吱咋咋， 我連d香蔥香蒜都唔放過！炸牛腩~牛腩炸得外皮鬆脆， 肉嫩多汁，配上咖喱汁，配飯一流！臘味排骨煲仔飯~碰岩今日天氣涼涼地， 煲仔飯真是不錯的選擇！久違了的臘味配上香滑排骨，飯香又有飯焦，已經7成飽既我也忍不住吃了两碗！阿保靚湯係這裡的推介，必食之選！燉雪梨~係依到既招牌甜品， 滋潤香甜，好岩女仕！三十年陳皮紅豆沙~質地好沙既紅豆沙，陳皮夠香！的確名不虚傳！這個午餐，的確係好介紹！兩個人平均每位300， 有海鮮，有鮑魚，有燉湯，有甜品， 真係食到好飽！ 下次要再試其他好餸！…查看更多

今日想靜靜地嘆個下午茶，响天水圍區，pizza hut都係一個唔錯既選擇！閒日四點半去，人不多即刻有位坐。仔仔選了肉醬焗薯蓉拼薯仔格。薯格香脆， 肉醬薯蓉也夠熱，味道不錯， 以二十多元既價錢算吾錯。囡囡揀既蕃茄芝士湯意粉配小紅腸。小紅腸不過不失， 湯意粉就真係唔好食又唔夠味， 這就是送來時的樣子， 真係睇見都覺得dry.這是我選的墨西哥芝士海鮮夾餅， 亦是今日最好食的一個下午茶餐, 夾餅夠熱，芝士又香， 整體味道唔錯。冷熱餐飲。响pizza hut食三個下午茶餐都係100蚊多D，價錢不錯。但以份量來說，如果係三個大人食就會唔夠食啦！😆…查看更多

今晚想起譚仔， 即刻去找它！好掛住佢既雞翼同米線！缺一不可！😀頭盤~先來個蒜泥白肉一個魔鬼頭盤，既香且辣，白肉夾著蒜泥一起入口，感覺太好了！愛辣既我又點少得叫麻辣雞翼呢？麻辣味適中，真是大愛！仲有叫俾阿仔阿囡食嘅土匪雞翼，同樣味美！但可能用同一油鑊炸既關係！原本唔辣既土匪雞翼都有微辣味呀！可憐阿仔好想食但食唔到呀！阿女最愛既生菜， 無咩特別啦!主菜有老公既牛肉麻辣米線！今次d大塊既牛肉有d老。跟住係我既猪潤麻辣米線！ keep得住水準，好食！最後係叫比小朋友既魚腐米線！魚腐比較淋口感一般。根據經驗， 如果叫一餸加米線， 餸既份量係會多d既，如果叫兩餸， 餸既份量就會相對減少， 所以我們一家通常叫一餸加米線來一齊分享！三碗米線,四個小食, 三杯凍野飲, 埋單174，ok啦！…查看更多

今晚有飲宴在荃灣廣場，但早到左，覺得有d肚餓想食d熱辣辣既野，點知就見到烏冬專門店， 一於食番碗先！烏冬係即場製既， 自助形式排隊買食物。烏冬有分大細碗，有拌面也有熱食。途中可以即場加自選炸物， 非常方便。首先來一碗牛腩湯烏冬， 牛腩好淋，湯底夠味，烏冬彈牙，的確唔錯另外叫一個牛肉麻醬拌烏冬， 牛肉味道唔錯但有點鞋口，麻酱味道未見突出，對比起湯烏冬，湯烏冬就勝出了！另加了一件炸魚， 夠熱夠香脆，味道不過不失吧！整體來說味道可以， 忽然想吃烏冬的話，這是一個不錯的選擇！…查看更多

行街行到好攰, 想搵地方食飯, 經過少爺18, 見到環境唔錯！ 行埋去聞到陣陣馬拉盞通菜的香味，即時叫"兩位唔該"!先來個頭盤， 煎蟹餅！熱辣辣的，味道足又脆口！主菜是椰香海鮮喇沙， 這個喇沙湯味濃郁， 忍唔住要喝幾口， 海鮮配料沒雪味， 整體味道不錯，值得推介！再來個馬拉盞通菜，新鮮熱辣， 馬拉盞不太鹹， 味道剛剛好， 令人想追著吃！這個晚餐令人回味，期待下一次可以試其他食物。 餐廳既佈置、傢俬、餐具都頗見特色， 氣氛不錯，大家可試試！…查看更多

今日有事要到田景邨一倘， 第一次來不知有什麼好食的， 在商場見到薩莉亞意式餐廳, 女女見到有pizza食好開心，就入去坐低啦！下午茶時間， 人流不多, 大家隨便座！pizza意粉小食樣樣齊， 大家可以揀自己心頭好！👍飲品吧無限添飲，大人每位十二蚊，小朋友八蚊， 咖啡汽水樣樣齊！老公選了辣味雞翼！夠熱輕辣，味道不錯！我揀既意大利菜湯， 啖啖都有蔬菜，茄味適中，呀女都好鍾意飲！跟住係煙肉菠蘿pizza，薄皮香脆，呀女都話好食呀！依個墨魚汁意大利飯， 估唔到又幾出色，味道唔錯，軟硬適中！三個人食咁多野，都只係103蚊，的確唔錯！抵食！…查看更多

前幾日同家人經過MX, 見有人食緊海南雞飯，賣相好吸引， 碰上是食飯時間，就入去試試喇！原煲咖喱雞飯，不辣，小朋友都食到，但偏咸。無骨海南雞飯，我的最愛！啖啖肉，酱料足，雞油飯味道適中。鮮茄 焗豬扒飯，中規中矩，味道不錯！爵士檸檬茶，真係有香味……係香精味！全家試飲完都有同感，完全飲不下去最後，提提大家， 餐廳係有wifi服務既！總括來講，作為一個普通既晚餐係ok既！…查看更多

有朋友去過華嫂冰室既都說要再去，又稱她的奶茶是"奪命奶茶"，攪到我一直想去試，今天終於有機會去會一會她了～在屏山站下車，很快就行到餐牌上好幾款招牌食物，一時間出現了選擇困難！相量好，一人選一款，一起分享！這個招牌芝士咸牛肉豬仔包，包身質感很不錯，咬下去不會覺得太軟又不乾身，真是剛剛好，吃得很舒服的，咸牛肉和芝士混著半熟蛋，真令人回味！招牌波蘿包，香脆波蘿皮，混著牛油和蛋，味道恰到好處，誰也搶不了誰的味！這個豬扒雞翼番茄通粉，喜歡番茄的人一定要試，茄味濃郁，豬扒大件又鬆化，雞翼味道質地都不錯！大家都選了奶茶，對我來說茶味剛好，沒有苦澀，實屬香滑！總括來說食物味道真不錯，朋友們都說有機會要再去試食其他食物，我已經期待著再去呢！…查看更多