小小小小食家的个人专页

紅茶本來是我很喜歡的一家茶記。但這次實在令我覺得好很差。叫左個咖喱牛腩飯，啲牛腩好似牛肉乾咁，又黑又硬。乾炒牛河正常，但叫佢比2包辣醬，就只比一包，仲要掉過來。咁鬼熱，叫杯紅豆冰啦，但似紅豆水多啲，好難飲。飲飲下仲要有芫荽味。我仲以為我食左啲咩影響左。點知食食下紅豆真係有芫荽係入面。 職員好老實呀，話應該係洗唔乾淨。唔係紅豆有芫荽。到底要點樣洗唔淨先可以做到有芫荽味嘅紅豆冰？唉。。。香港既茶記冇啦冇啦。。。…查看更多

清潔一般，就一般茶餐廳抹枱方式，抹枱是掃落地及凳度。要自己抹乾淨凳座。來到呢間主打燒鵝的冰室，當然要試招牌燒鵝啦，咁我就叫咗一個燒鵝瀨粉，凍檸茶。個燒鵝瀨粉一來到，心諗，唔係化，定係有兩層？肉肉在下面？嘩嘩嘩😲，不得了，真的是沒有。只有皮加骨🙃，還要少得過分😪。到底樓下張食評相是真是假？還是要叫燒鵝髀才有肉食？還是跟餐廳名字一樣需要幸運🧐？不過是但啦，唔會有下次。瀨粉係OK的，想食瀨粉嘅可以😂。杯凍檸檬茶就正常發揮。少甜少冰真的有少甜少冰。…查看更多

一間劣評如潮既自助餐，突然之間咁多好評，相又靚又多野食。好啦，平平地試下lunch啦。點知。。。幾百蚊都嘥埋。野食少選擇，但如果有質數的話係完全冇問題。最愛食海鮮既我極度灰。三文魚刺身咁簡單，竟然可以切唔乾淨啲皮。黑卒卒咁吊住成條蟲咁。甜蝦全部都蝦BB來的，好彩還算可以。生蠔細隻都唔緊要，但排隊拎10隻可能只有一隻食得。隻隻都得返鰓同膜，仲有啲味，想試既朋友可以去試下。不過頭幾轉要排姐，冇幾耐就冇晒人排了。得我唔死心不停試睇下有冇食得既蠔出現。果2個開蠔極慢既員工又真係好，可能知道啲蠔唔得，開慢啲。仲一定要我拎隻新碟先比我。起初我還想罵他們，現在明白他苦心了。原來怕影響埋其他食物。好啦最後講埋麵包蟹，冇糕嘅麵包蟹真係第一次見。成場完全冇出現過有糕既麵包蟹。啲糕去晒邊？到底我食左啲乜？…查看更多

做做做做到好夜，又凍又倦又好肚餓，夜媽媽又4周圍都收晒檔。行泥行去只見附近只有呢度仲未閂門，咁就立即衝入去隨便食個晚飯啦。真的太衝動了，都未睇openrice！入到去知食乜野好，見到個餐牌有隻燒鵝，張相隻燒鵝好似幾靚咁，咁就是旦叫左個燒鵝髀飯啦，阿姐仲好好咁話送個湯俾我，仲任飲添。立即冇晒戒心。隻燒鵝髀泥到都冇留意就係咁食食食食食。食食下，我X，唔對路。但個人太倦，唔同你計住，趕住開工。影張相算。遲啲先算賬。…查看更多

以為餐牌既圖片只供參考，點知食評既圖片都一樣係只供參考。鍾意食牛既朋友真係要小心啦。差不多300蚊一碟牛小排原來係咁既樣。係咪低食呢？當你睇見碟牛既時間，你唔會敢再叫野食。諗住飲杯野就走人。點知飲品極少選擇。連可樂都冇。仲有仲有，一座低就比碟野你，問佢乜野泥，話係前菜，再問個前菜係乜野佢話佢都唔知。總之就位位20蚊。隔離就醒，即走人。果碟野。。。。。如果你見到有間食店有阿姐拉客又有極多好評而上到去又冇人。你就要醒水了。…查看更多

新開時排晒長龍，突然人影都冇就入去試下啦。果然係伏。6個人叫6個餐。樣樣都有驚喜。蜜糖芥末雞扒來到是洋蔥汁，德國腸泥到係廚師腸，還有一個朋友叫左個咩炒飯，食食下先知唔係叫呢個飯。笑死。問個阿姐，阿姐話賣晒轉左。真係西利，賣晒轉左就唔洗同人講，比個驚喜你咁話。再問個汁同埋條腸，阿姐即閃。我地就只好拍掌讚阿姐勁。大家都明白點解冇晒人。最後飲品更厲害，全部都少甜走甜都變超甜，再大叫阿姐啦，阿姐醒呀，幾大聲都聽唔到。有個阿姐好彩呀，經過更係捉住佢啦。佢就話甜好呀，甜先好飲呀，想冇咁甜又可以自己去加水調教，自助水機唔洗加錢呀。仲大杯啲。我都好想調教你呀。…查看更多

早左起身，肚餓咩？係大埔墟看到一間茶餐廳有好吸引的咖啡，就走進去試試啦。。。。食物選擇都算多，好似一般茶餐聽咁，有咩食就唔洗講啦，好多人都po 過了，又有餐牌。。。。但我是被咖啡吸引進去的，就想講下果杯咖啡啦，咖啡係咪多國什麼什麼咖啡豆我就真係唔知道啦，但係我個人感覺就頂頂頂頂多係。。。。。。。多國優質即沖咖啡粉最最最多只能說比較起其他既茶餐廳泥講係好飲少少既。但唔好有咩期望呀，沒有其望就沒有失望。…查看更多

午餐時間見門口多人就試一下啦，一座低就有一陣陣臭味。估計是抺枱布。叫了一個西冷飯，一個肉眼飯，一個雞翼撈檬，西冷好不好就不說了。一分錢一分貨。（肉眼好一點點）撈檬最重要的汁竟然沒有。只有汁渣。我問職員，職員說只有這些。那個樽洞口塞了，職員叫我用另一個位堵出來。很污穢呀。唉，沒辦法。最後在渣裡壓點汁出來。雞翼味道怪怪，不知道用什麼處理，裡面肉是紅紅橙橙的。食完，埋單，埋單位置看到廚房，很多支汁呀。而且滿滿的。咁，唔會再有下一次啦。…查看更多

第一次食果時叫左個燒腩飯。如果鍾意食肥就快啲泥試下啦。因為你會食得好開心。真係8分肥2分瘦。可惜我唔識食，唔鍾意食肥。好彩塊皮都係脆既，唔係連塊皮都冇埋都唔知點食埋落去仲有就係啲係唔熱既，大佬呀，想點Jack但人地講明叫棋哥燒鵝，係我唔好，走去叫燒腩，咁我第二次食就叫返燒鵝啦。一泥到個心都離一離。成碟餓接近皮包骨，好彩個皮都食得下，又係皮，如果皮都唔食得既又唔知點食埋落去我真係想掉如果大家想食燒腩皮飯又或者燒餓皮飯既，咁就要去試啦。…查看更多

最近個個都愛上食韓野，就來試下啦。第一次食係2星期前。相也是2星期前的。冇乜人。食物又幾好。係個前菜差啲。泡菜唔知點解咁甜。唔緊要。用水沖一下都好食。鬼叫我鍾意食。好在係可以refill. 海帶唔好食的。酸酸地冇乜味。牛仔骨幾好。但個汁又係偏甜。唔通老闆好食得甜? 咁唔撈暈佢都仲可以既。你鍾意食甜可以撈暈佢。既然食物ok, 價錢ok. 一於介紹朋友一齊去啦。點知中陷阱了。引左入局。一上去，加左價。一加加左拾幾巴先。算，好食最緊要。大家都睇好食乜。叫人來啦。叫呀叫呀叫呀。。。得個叫字。冇人來。成堆人企晒係門口冇野做都唔行過來。好。我出來叫你入來。好啦。叫完晒野食。15分鐘都冇湯冇前菜。追下啦。隔一陣就來飯了。有幾個人叫牛仔骨(食過好食丫麻)。今次我又返炒。點知。中伏了。原來好唔好。係睇你好唔好彩。有人有6件。有人有5件。有人有5件但骨多過肉。成枱人鬧晒鬼。但都要食架啦。再追追個前菜。前菜一來就清晒啦。等咁耐都冇野食。叫人refill啦。丫。佢話係冇得refill架。我話上次我2個人食任refill喎。阿姐話。。。冇架。我再問。咁我地7個人但0都得6碟。阿姐話。。。唔係一人一碟架。你地已經好多啦。你想食我最多比多一碟你啦。但問題係明明係可以refill又唔比refill. 7人得6碟仲話比多碟可憐我。DLLM。最後當然連果碟都冇到啦。介紹咁多人泥食。食物差左服務冇左價錢貴左再見啦。…查看更多

朋友請食生日飯. 但估唔到D野食係叫極唔出的.一開始點了好多野食. 熟食大約15分鐘就開始有. 等呀等. 等呀等. 45分鐘左右終於出了剌身 (5人份).好靚. 味道都好好. 好味當然要再叫啦. 45分鐘先出第一轉喎. 而且5人份量只係1人1件. 咁我地就寫20人份量啦.雞翼呀, 三文魚頭, 都好好味. 其他好一般. 天婦羅返炸的. 不熱而且勁油. 清酒蜆多沙到食唔到.又過了30分鐘. 剌身沒有出現. 問侍應啦. 她很好人. 說幫我們再寫再入紙.又過了10分鐘. 再問侍應啦. 她幫我們check. 然後說沒有我們的order. 好. 我再寫. 同樣是20人份量. 侍應見我寫20人份. 即時說不可以. 最多只可以5人(我們5人). 但之前係另一侍應幫我們寫的.那時. 對面的2人剛剛上了一大盤. 比我的5人還多. 我問侍應為什麼別人的可以. 她說我也不知道為什麼. 好吧. 我寫5人份量. 4張. 終於幾分鐘後出了2盤. 我也不想再多說了. 赤貝肉真係碎得可憐. 食啦. 一人一粒赤貝肉.最後10分鐘. 侍應說last order. 問我地仲有冇野叫. 當然即時同佢講. 我叫左好多野都未出. 我要唔要再叫? 佢真係叫我再叫. 好野!最後. 出多一次5人份量. 同第一次果盤一樣份量的. 其他沒有出的食物係埋單時跟經理講完. 埋完單再出. 而且價錢唔算平啦. 做到咁. 仲有下次?!…查看更多

搬左入淘大冇幾耐. 差唔多每間食店都食過. 之前上黎見咁多個笑. 咁今日諗住試下啦.我2個人. 一入去. 4人枱變2人枱. 好迫. 其實入左去. 有人入黎座. 我跟本出唔到. 不過都算啦. 做生意.我地叫左3樣野. 泡菜豚肉拉麵, 軟殼蟹, 三文魚蟹子飯. 泡菜豚肉拉麵同軟殼蟹先黎. 2樣野都食晒. 個三文魚蟹子飯都未黎. 問佢佢話入面好忙. 又唔係多人. 有幾忙?講下好唔好食啦:泡菜豚肉拉麵算幾好味. 不過真係細好碗.軟殼蟹都好味. 幾香脆. 不過又係細. 超細. 一啖可以食晒.三文魚蟹子飯就真係好唔掂. 三文魚有6件. 同樣係細細件. 而且係冇味既. 蟹子又係冇味既. D飯唔知食咩飯. 癡到好實. 食落有D似爛飯.大約3份2價錢. 去隔離別府可以食10件大大件三文魚啦. 如果食日本野. 除左別府都仲有其他都好食底食過佢. 失望:(…查看更多

1. 入左門口先知完來食2粒鐘. 阿靚姐張傳單又唔講.2. 食物冇咩特別. 一般食物. 三文魚就咪食. 勁聲. 唔新鮮. 雪糕最正常. 甜品可能比較好食. 好多人拎. 不過我冇食. 蛋糕就冇見過有.3. 唔洗$既野飲有豆漿, 酸梅湯, 五花茶, 茶, 水. 豆漿唔話你知都唔知係豆漿. 白色既水. 酸梅湯就都仲可以既太口乾的話. 仲要唔係成日有得飲.4. 環境十分"油煙". 冇抽風. 食到一面一頭一身油煙.5. 服務只有帶位,加湯,埋單. 其他自助.…查看更多