Firefly yy的个人专页

落樓去附近搵食，2:05pm 行過見有下午茶，選擇唔太多，我要左碗燒味雙拼米粉外賣。叫完野等一陣，好快阿姐就包好哂可以攞走。返到上樓打開，睇落賣相唔錯，好企理，仲有分湯，感覺幾好。先飲啖奶茶，奶多夠滑，茶味偏淡，不是我杯茶。米粉的份量正常，係粗身曲曲地果隻，咬口好彈彈。飲啖湯頭，酒樓燒味部的味道，但略咸。 叉燒及燒鴨分量足，但味道好一般。整體表現唔算好，但又未至於差，好一般，附近有太多選擇，下次要食燒味唔會揀佢，其他出品就有機會先再試。…查看更多

2:30pm路過肚餓，見環境企理又咁岩即刻有位就入去醫肚。叫左兩份下午茶餐，迷你焗卡邦尼蘑菇意粉+炸雞脾 ($38) 及 公司三文治配炸薯條 ($48).意粉份量比想像中多，上枱夠哂熱，但意粉太淋身，汁太多唔似卡邦尼，似白汁意粉多D，同埋咸左少少。炸雞脾做得唔錯，賣相大隻，炸出來唔油，切開雞脾有肉汁，唔會炸到乾哂。公司三文治賣相吸引，餡料豐富，有雞蛋/火腿/餐肉/生菜/蕃茄，麵飽有烘過亦有牛油香，生菜果層亦有D沙律醬，食落唔會乾。炸薯條好熱，放一陣先食到，外脆內軟，都唔錯。兩個餐跟熱檸茶及熱奶茶，茶底唔錯，奶茶夠熱入口算滑冇酥味。下午茶餐選擇多又可以自選配答，見鄰座要意粉+炸魚，塊炸魚睇落都好吸引，下次要試。臨走時有位男侍應咁岩係外面入來，見我地要離開即刻拉著玻璃門，佢話個門都幾重等佢幫我地拉著，呢位幾細心…查看更多

首次光顧，食品選擇多，有越式三文治，檬粉，小食及飲品。店員推介最多料的馬丁王越式三文治，那就要半條一試。法包即叫即焗，夾入了肝醬、札肉、腩肉、燻碲、蕃茄、青瓜、酸蘿蔔、豬肉絲，店員還細心地查詢是否要辣椒和芫荽，包好後帶回家三文治仍然整齊，可口香脆。下次一定要再來試試其他食品！:)…查看更多

新店坐落於城中新熱點, 我不得不來親熱鬧!每次到Paul Lafayet, 我絕對係不用思考的就點了至愛的Creme Brulee, 今次也不例外. 它那上層薄脆焦糖, 配以下層那香滑的法式燉蛋, 底部還有著很多的雲尼拿籽, 甜脆香滑, 真係必食+超讚!另外, 我在餅櫃發現這四四方方看上去非常高貴的Chocolate Charlotte, 見標示著是希慎獨有的, 來到就買件一試吧! 餅上那三小粒圓波波是脆脆的, 旁邊有著半粒可愛的macaron, 鏡面朱古力內是極豐厚幼滑的朱古力mousse, 下面是脆脆的餅底, 口感豐富, 朱古力味香濃, 非常驚喜!是次我是要外賣的, 店員細心的提醒我最好盡快吃那Creme Brulee (忘了她說半小時還是一小時內), 而那Chocolate Charlotte如果未食也要45mins內放回雪櫃, 還貼心的給我小木匙和小木叉呢!…查看更多

親著中秋去維園, 順道上來這良久沒有來過的樓上Cafe, 吃點東西才去賞燈賞月吧!黃昏時份, 未到普羅大眾的晚飯時間, cafe 恬靜舒適, 讓我可以悠悠閒左看看右看看那些寄賣品和書籍.是次點了"蘋果玉桂Pizza", 脆薄的餅底上有蘋果+提子乾+芝士, 味道清新香甜, 多吃幾片也不覺膩啊!再來一杯薄荷茶, 這餐真是refresh~ 是時候出發去賞燈啦!…查看更多

平日都有幫襯買燒肉燒腩, 脆口好味!向來都見佢有大大個 banner 賣十一蚊燒味飯仲送例湯~近日從報章得知原來老闆係極之有心, 明明蝕本都要供應廉價燒味飯俾街坊係為左幫助大家, 「希望街坊有餐飽飯食」!家下食落佢d 燒肉仲多左份愛心, 真係更加好味! 大家要大力支持買多幾條燒肉返去開飯啦! …查看更多

晚上七點幾來到時, 門口有一堆人等位, 但可能因為我地兩位, 搭檯就好快入去坐了...叫左個二人餐...醉雞: 冇咩味牛肉餅: 勁正! 爆多汁! 係 MUST EAT 的!咖哩牛腩: 辣! 但岩哂送飯!…查看更多

來cafe嘆茶食cake看看雜誌, 這樣就悠悠閒閒的過了一個下午~:)飲完一壺花茶, 侍應生替我再加熱水又再多一壺繼續飲, 真好!好好味的栗子蛋糕, 有好多栗子蓉, 好香又唔太甜~…查看更多

見雜誌有廿蚊晚市coupon, 近近地就走去試一試... 點知... :(店內地方細, 但都有幾張檯, 可以坐廿幾人吧...六點幾去到已經坐哂人, 不過剛剛有人走我就不用等位就可以入坐...一坐底, 都未整頓好, 店員就係咁問你要唔要食咩咩咩咩咩咩... 又話多人燒等得耐...我都未睇有咩食, 係唔係咁趕住落單呀...總論係... 冇下次~…查看更多

好一間人氣湯水店, 店子雖小, 但入夜後就坐哂出街都唔夠坐...鐘意試新式甜品糖水的朋友可以唔駛來了...因為這店只賣傳統中式糖水, 仲日日都係果十幾款...最鍾意食佢的芝麻湯丸, 細細粒, 又唔厚皮...仲要係用蕃薯糖水個薑湯底...好勁薑的... 但又好好味!食完飲埋 D 薑湯真係成個人暖哂~ 但阿姐的服務就真係有待改善...堂食都仲好 D... 起碼一叫完佢就好快攞俾你...叫外賣就真係有 D 無奈, 佢都唔得閒理你... :(…查看更多

老實說, 當我見到個食評有咁多喊樣我係有 D 出奇... 這間小店的食物雖然說不上好食到驚為天人, 不過都唔係差...我都幾經常去食, 好多時都係夜晚八九點, 係咁嘅時間去都唔駛等位啦, 好正常...佢個 "北海道套餐", 有蛋有火腿有多士有叉燒湯意有飲品, 夠哂豐富了~ 我最鐘意佢個叉燒湯意, 叉燒有少少肥好香又唔鞋~個湯底同一般出面食的唔同, 濃 D 香 D... 炒蛋, 火腿, 多士都屬合格的水平...真係好肚餓時就加幾蚊將多士轉窩夫...窩夫可以係奶油 or 奶醬, 食左就真係超飽! …查看更多

襯 D 人去哂睇煙花, 我就可以唔駛等位食晚餐!要左個牛柳, 份量大, 肉嫩多汁, 好味! 仲要左個Double Cheese Chicken Pizza, 自家製 Pizza 我覺得好食過必X客果 D 囉~! 加$20要左件朱古力軟心蛋糕, 好正! 朱古力味濃, 口感又超滑...嘆埋杯咖啡真係一個完美的句號! :)…查看更多