Sunflower1223的个人专页

今日黎開紅磡做野，紅磡出曬名多好野食😋就上openrice搵下有咩好介紹？！Search下見到呢間‘食好西’ 😌🤔 名幾得意🤓 坤哥爆出黎既潮語🤣😂 一於試下佢～去到見有幾個外國學生係門口等緊外賣，問左店員，原來開左半年… 見餐牌 焗飯炒意粉 好似幾得。於是叫左個三文魚蜆肉炒意粉+忌廉蘑菇湯 試下～原來有9折😎👍🏻即叫即炒原因，大約等左10分鐘。返到屋企 洗完手即開黎吃～ 好香三文魚味，色澤都唔錯，魚肉蜆肉都幾多 👍🏻 味道幾好👍🏻 蘑菇湯唔會太濃 蘑菇比例 個人覺得幾平均，熱辣辣 好快飲晒😋呢間外賣店都有用環保餐具，出一分力👏🏻可以encore 😌👍🏻 …查看更多

吃過幾次了，餐牌有好多好多餐選擇👍🏻除左下午餐，早餐都係全日供應，有時想吃light d, 可以揀早餐😇扒餐、碟頭飯、小菜 份量都好多～講真 細吃少少既 可以2人分都夠吃👍🏻鐵板扒餐～ 薯條有成30條😌 平時餐廳都係十幾條😂 真係吃極都有🥳啊姐都幾好禮貌👍🏻 主動睇到會去執位清潔👍🏻 睇得出餐廳文化都係好和平友善🥳 會繼續幫襯😎…查看更多

突然好想lunch打邊爐～ 就search下尖沙咀有咩好推介呢～平時吃任食（牛大人）比較多，今次試下其他口味～牛油辣椒湯底～ 有少少‘蘇’味，開頭以為俾錯湯底～ 菇湯底比較適合口味淡點既人，不錯👍🏻一坐低有碗雪耳糖水，唔會好甜，糖水清清地，都幾好味😋食材好新鮮，望落去好少野，以為唔飽，食完落格岩岩好👏🏻👏🏻Lunch set埋單$3xx/2位 同其他店任食差唔多，食物又真係高質既，真心ok, 可以推薦😇…查看更多

吃晚飯前去周圍睇有咩吃，見到果間不時有人介紹既李圓圓，就打算吃飽黎買杯試下。選購時，職員連說2次想游說加$3，即$33 叫我轉黑糖珍珠2.0 係全鮮奶。不想太膩 無轉到。好高興地買左杯$30 普通熱既黑糖奶茶 返屋企飲。可惜... 一飲落去 淡而無味既黑糖珍珠奶茶...真係好失望。奶茶味道好淡唔甜... 叫既係正常味， 再飲多次都係好淡... 真係唔惦！ 但珍珠係ok既 有黑糖味、彈牙的。真的 相較起xx 堂，黑糖味唔夠濃，真係好失色。唔怪得之行左2轉... 都唔見有人幫襯🥺😥…查看更多

價錢很貴，份量好細，味道真的麻麻，不值得食。$198一碗膽拖全餐，吞拿魚蓉不新鮮，但海膽鮮甜，細細的，兒童碗仔份量，影相就真係大大碗呃得下人既。$98 海膽飯比較好少少。$168 鵝肝多士有6塊，係煎得幾香，味道淡淡的。串燒無咩特別，$48-$88/1串，普通質素，又真係唔抵食。侍應面無表情，冷冷的，似出面冷風。真的不推薦去，銅鑼灣仲有好多野食🙊…查看更多

14/7 姐姐生日，揀左好耐先決定食半島，要high class,好食的。每樣食品看似細份，其實都好飽呢😆 生日蛋糕實在吃不下呢🤣。大家都吃得好滿足，現場live 音樂很柔和，好好氣氛，很適合聚餐傾計。…查看更多

慕名而來，見有好多好評，特意搭車前去食個lunch. 三人ordered 3個lunch set,價錢唔算貴，加埋一$130左右。星期六2點去，都仲坐滿一半客。前菜精美，黑醋沙律菜ok, 南瓜湯好濃，值得讚👍🏻主菜就強差人意了，份量算少，餐碟好細... 牛扒肉質素好差，好梅... 份量都好少，薯條還可以。南瓜芝士焗飯，味道偏甜。海鮮飯味道較淡口。比預期差多了...飲品檸水檸茶 自由選擇檸檬份量，飲品杯大👍🏻…查看更多

今次食午餐，刺身好大件，女仔胃口細，真係食唔曬！刺身幾新鮮，大大件。最讚係個三文魚湯，熱辣辣，有魚湯渣，幾多下，好甜👍🏻 加左$12飲杯鮮榨果汁，有渣的，新鮮榨足料，一定要加👍🏻…查看更多

整體食物質素真係很一般:(，餐湯 南瓜湯幾濃郁，我幾鐘意。order左個炸魚薯條，炸魚太鹹了，薯條還好，上餐時還很熱辣辣。可惜兩塊牛扒叫左七成熟...final一塊七成，一塊九成... 平點的西冷比肉眼好味，更重肉味，肉眼扒韌左，好失望... 配菜薯蓉太濕了，建議用碗分開上。最驚喜係甜品 加左$36轉心太軟，未試過甘流心，全餐最好味係個甜品👍🏻職員服務態度好好，不停加水。有禮貌，耐心解釋當日壞了電腦，人手出單，所以食物遲上的情況。…查看更多