Yo Leung的个人专页

有靚仔oppa 即場拉麵，套餐賣相okay，味道唔錯，好有韓國味，係價錢略貴少少，值得一試😎套餐有配泡菜，飯卷/韓式蒸餃，打卡有汽水送，好有誠意下。成餐飯見到幾多韓國人(講流利韓文，應該係😛)，味道應該幾正宗😎 最後兩個人埋單$250左右，算正常合理範圍…查看更多

話說，一早去叫早餐外賣，講清楚晒要食啲乜嘢，喺門口等咗大概5至8分鐘，就話齊啦。拎上手已經覺得奇怪，我明明要奶茶，點知俾咗杯檸茶我，同佢講錯咗飲品，態度好差咁樣拎返杯嘢飲，然後玩返杯俾我就算數。唔緊要，點知返到上公司，碗麵入邊嘅餸全部都錯嘅，電話打唔通，親自落去玩嘅時候，收銀嗰個仲要同我講，比錯咗有咩咁出奇，換返咪得囉，然後俾返碗整左好耐，淋哂既外賣麵俾我，態度衰到無人有！仲要講到錯左咪行黎換返囉，惡劣到一個點！…查看更多

趕時間，所以搭車嗰陣已經叫定外賣返公司，點知半個鐘有多都未到，咁唯有打去問啦...第一次打去問佢：已經半個鐘有多，請問送到去邊？佢就話黎緊架啦，就收左我線。過左一陣再打去，就話係樓下架啦！過多8-10鐘左右，我要開始教班，根本唔會食得到個早餐，唯有再打去，就話到架啦！最後至少50分鐘以上先送到(但間餐廳距離公司只係5-8分鐘路程) 然而打開個早餐，個麵碎濕濕都算，仲要發漲哂，然後杯奶茶係打橫瞓低係嗰袋入面，成個袋都係奶茶！呢個無湯既麵餐，多謝$40，額外送一肚氣俾你！大家真係考慮清楚先好叫呢間餐廳！…查看更多