sasakwan的个人专页

經過幾次，但只幫襯周邊幾間食肆。昨日第一次光顧，可能是舖面及內𥚃裝修不太吸引，所以都沒有抱太高期望。12點都已經陸續有客，選擇都唔多，午餐有9種，大部份都係意大利飯，價錢都不太貴。閒著無聊周圍打量，每份午餐都是即做的，都要等至少25分鐘才送到，唔趕時間的你至好光顧（食好嘢係要等㗎，呢個係常識）。有得食啦，唔，好食。咸牛脷鵝肝醬燴飯，輕煎過的咸牛脷，厚薄適中，保持肉汁及軟腍。燴飯比正中意大利飯腍少少，相信係配合香港人口味，忌廉味份量剛好，不會過多，唯獨鵝肝醬少了一點。真的好有heart，食得出廚師的執著，對出品對客人都有一個交代。樓面只有一個侍應，不停出入，但仍然熱心地幫我處理帶來的行李。真心對食物、廚師、侍應，講聲多謝。所以我決定今日再幫襯，希望略出綿力，支持支持一下。…查看更多

第一次光顧，花膠雞湯煲就必然啦，再叫咗台山蠔，牛小排，六寶丸等等。牛小排不錯，最好就係台山蠔，我本人最喜歡食生的蠔，一試台山蠔就喜歡，沒有腥味又不縮水，肥嘟嘟。今晚老公又想食蠔，所以再次光臨。可惜，點了最貴嘅本地手切肥牛，已經輕燙不足十秒，韌的，肉味是夠的。最強差人意是台山蠔了。正如我之前所講，今次是為了食蠔才回頭。失望地，蠔是縮水和腥的，不知是否入貨有差別呢？還有，驚訝地，第一次沒有發現。原來每人要收$30自助醬料費用，既然收錢我也出去調一調，但都是一般配料，不值$30一位。唯一可讚是，雞湯花膠鍋底無得輸，但都吸引唔到我再回頭了。😢😢😢…查看更多

呢間店已經幫襯8年，幫襯得8年，食物質素一定有咁上下啦，係咪。正宗潮味粉麵，尤其牛腩及牛雜嘅味道，我個人認為已經係土瓜灣別無他選。但突如其來，匪夷所思嘅事情發生咗。有一日一個去食，叫咗罐汽水，點知攞咗罐細汽水，好奇心望下個雪柜，見到有大有細，再問一下個價錢，原來大小同價。咁點解唔係比大罐我呢？仲教我下次可以出聲㗎，再睇個侍應口罩戴到落個鼻下面，就唔想同佢講嘢。你比細嘅，點解唔收平D呢？大小同價，點解唔比人選擇呢？食店嘅食物係重要，但服務質素亦可少。…查看更多