son039的个人专页

一番工已經諗緊放工食飯☺️呢間咁啱openrice 有75折優惠，咁緊係要食番次啦一到門口已經係我好中意既光暗，暗暗地又好柔和。我最怕去啲地方係一盞spot light射到你熱，射到你暈呀🙄聽人講有一個菜係一定要試既，就係crispy mini crab cakes，咁我就叫左4 pieces試下。中意食蟹既你，呢個真係唔食唔得。相入面都可以睇到個蟹餅好足料，成個全部都係蟹肉，一咬落去個肉汁好濃，外層好脆好香口。不過有樣野要提提你，我個人認為叫4件好過叫8件，因為8件真係太油膩，食完呢個菜應該食唔落其他野😧Pasta就揀左呢個Beef Lasagna，佢就好似千層麵咁既做法。入面有好多mozzarella cheese同忌廉，芝士真係一樣好邪惡既食物😫太好味喇之後又叫左個Barbecue bacon burger，個barbecue醬真係好岀色，同薯條係好夾。另外個12oz burger真係好大個，入面個牛肉非常大，如圖。肉汁不停流岀黎，牛肉好厚好有質感。美中不足既係牛肉做唔到我要既5成熟，反而大慨係8.9成熟，有啲失望。由於本人太愛飲奶類飲品，所以最後叫左個Classics vanilla dream. 味道唔太甜，最中意上層既cream, 可以大大啖放入口，好爽😋成杯都幾大，所以我認為兩個人飲就啱啱好喇。是次消費用coupon$ 545/2 person(原價7百幾)…查看更多

之前岀蛋黃哥系列真係已經好中意。講真嗰句，想食都係因為被唔同既主題吸引，我對食物既質素又無太大既期望。但食完真係會好開心😊連手機殼都係蠟筆小新既我，真係比佢吸引住。雖然食物上面只係食物貼紙，但我相信有好多女仔同小朋友一樣都咁中意。首先緊係唔少得不理不理左衛門既奶黃流沙包。睇到真係好過癮，佢比我想像既更大個。好多時外面食到既流沙包都會因時間蒸得唔好而令入面唔熱亦無流沙，但相反點心代表就整得唔錯喇另外更加唔少得大象朱古力流沙包👍🏻本身以為入面既朱古力醬會好水，味道淡。點知食落又唔會喎，小朋友一定好中意😋矇矇豬蝦餃海鮮腸粉外在真係好可愛，我即時諗起小新係卡通入面既情節。但可惜腸粉既皮麻麻地，同入面既食物就唔太夾，味道好一般。最後叫左個小新震震屁股奶涷😍郁下佢，個屁股會震下震下真係好可愛。呢個甜品味道比較清，唔中意食太甜既就好啱食👍🏻底層既奶味幾濃，好有飽感。是次消費：238/2 person…查看更多

朋友生日想食西餐，結果我就帶佢黎呢到食喇，佢仲話好想試朱古力綿花糖好耐。首先我叫左自己平日都好中意飲既rose latte啲泡打得適中，玫瑰味道唔會太甜，同latte好平衡👍🏻之後叫左個Parma Ham Eggs Benedict, 又係我最愛既西式早餐之一。Parma ham同個檸檬蛋醬真係好夾好開胃。呢個smoked salmon angel hair本人就覺得不過不失。似係經常食到既番茄醬意粉，只能夠話好濃番茄味同好多唔同配料。最後就叫左個Sizzling S'mores, 呢個真係不得了。將餅乾放入綿花糖，熱辣辣既朱古力香味就盤底湧岀黎。加上烤脆左既綿花糖面真係好令人回味，個份量大慨係兩至三個女仔食就完美喇☺️是次消費$479/2 person…查看更多

一到步細細間扒房，見到門面覺得好特別。雖然坐位唔多，但若果三五知己想靜靜咁傾下計既，呢到絕對係好好既選擇。叫左野食之後，店員先送上餐前包點，麵包好脆好香，想既仲可以添啲架。店員叫我一定要試下佢地自家製既香草醬。真係好欣賞呢個香草醬既味道，好香濃，入口之後香草既味一直徘徊係鼻同口，同麵包非常夾。另外，佢地準備既牛油亦都有好香既蒜味，豐富左成個味道。主菜黎喇，我地叫左卡邦尼汁煙肉意粉同埋慢煮"十小時"澳洲和牛臉頰。首先，呢個意粉既麵質真係好好味。平時岀面食到既好多都係煮得太過軟身唔合格，但呢個就煮得好好，唔會太硬，亦非常有咬口，層次多左。味道適中，唔會感覺好膩。半熟蛋混埋一齊黎食，好正👍🏻呢個和牛另我好有驚喜，用左薯蓉托底，顏色無搶主角。個牛既好嫩，用叉已經可以分開肉質，肉味好重好好味，兩們人食啱啱好👍🏻👍🏻是次消費大慨～$450/2 person…查看更多

係工廠大厦上面將環境修飾得幾靚，真係好難得，環境仲好開陽。全部枱枱櫈櫈都係用木做主題，同天花上既花好夾，感覺好似秋天，好舒服。先叫左個all day breakfast, 腸同紫薯係最值得欣賞。一咬開條腸，入面既肉汁就流岀黎，真係好好味。個紫薯甜度適中，顏色好吸引。不過，我就對個黑松露炒蛋幾失望。雖然味道唔錯，但炒得唔夠滑身，咬落去較為硬。之後叫左個tea set, 賣相真係幾靚，令人期待。右邊，蟹柳同火腿味道唔太夾。左邊，吞拿魚下面既麵包口感怪怪，唔太好味。是次消費 $320/two person…查看更多

睇到網上post sky lounge既相，本身有啲心郁想試試，book左下午時間去食，到左之後開始對佢失望😕環境既野講真又無得怪人地，填海填到就快零距離，不過都總算有個天可以望下咁太口渴叫左個蜜瓜汁飲下，不過真係太甜，糖太多之後叫左個tea set, 由底開始食。鹹既其實幾好食，但係甜既就真係麻麻。個啫喱除左甜，無乜特別。但相反個macaroon同鹹點真係幾值得欣賞，顏色好靚。係decoration方面都幾花心思，亦印有ANNA SUI圖案。最後送左一支Anna Sui 細香水整體黎講，食物既外觀唔錯，但食物水準可以更好。是次消費: $238/2 person…查看更多

日日返工帶飯就係為左唔想駛錢，放假又唔想排勁耐隊食太貴，結果去左呢間手卷屋，真係平得黎又高質素。一食就知係好肥美既三文魚，脂肪比例非常好，如果再凍啲會更好食呢個真心好好味，燒到有少少濃邊既玉子加醬汁非常香口，食完好開胃。個醬汁係成個麵既主角，好似酸酸甜甜既日式沙津醬咁，最過癮係入口之後最尾會岀左少少辣既味道，成個層次豐富左食鰻魚好多時撞到好多都勁多骨，呢個鰻魚手卷完全無令我失望，入口好滑，唔會中伏又熱又香既軟殼蟹手卷真係要推介下，蟹肉好多，食到最底仲食到，唔似得外面食過既得番啲白飯係底，一啲腥味都無👍🏻兩個人今次消費$ 179…查看更多