Amyelise的个人专页

從未食過如此差既串燒，啲雞好孩，啲牛肉直頭又乾又柴皮，咬都咬唔到，同職員講話你啲牛肉咬唔開，燒到乾柴柴，職員竟然話：可能廚房燒得乾咗，我同廚房講聲，下次會燒好啲。我心諗，仲有下次咩，一啲誠意都無😪另外叫咗個生牛肉牛腩河，果碟青檸芽菜，啲菜又梅又黑🫨搞到我唔敢落落碗粉度，粒青檸好難搾得出汁，好似切好擺咗好耐咁，粒青檸乾乾地！仲有杯青檸茶，直頭好似飲苦茶，好夾硬先飲到半杯😪叫咗個拼盤，嗰塊蝦片，直頭韌到係膠片咁樣，咬到咬唔開！以後唔會再食，真係無下次…查看更多

今日小朋友想食韓國料理，誤打誤撞嚟到呢間韓國小店，因為怕熱氣，所以無點到燒肉，於是點咗水冷麵同埋牛肋湯，竟然冷麵超彈牙，帶少少酸味，特別開胃，天氣熱一流！牛肋湯非常惹味，連小朋友都極之喜歡，牛肉煙韌得嚟唔會韌，帶少少好微微既辣，真係非常好味！下次一定要試下燒肉，眼見枱枱都點，而且店員會幫手燒，非常貼心的服務👍🏻…查看更多

大不如前，以前會因為個椰子千層蛋糕先至會嚟食埋晚飯，尋晚為咗慶祝生日，特登預先訂一個椰子千層蛋糕，諗住同屋企人慶祝，好耐冇食過，所以好期待，點知非常失望，奶味極重，直頭食緊濃奶蛋糕一樣，食幾啖已經唔想再食，成個蛋糕浪費晒，超級難食！全家八個人，個個都話好難食！唔怪得知冇乜生意！…查看更多