path to good weat的个人专页

好耐冇食m 記 所以今日就試下98既2人set個魚柳包同巨無霸味道真係幾似m記但賣相就唔太靚薯條就微暖偏淋燒賣就個炸皮厚左d個麥樂雞口感就好淋。。。希望店家仲係試業可以愈來愈進步可能下次會再試下其他野食🙆🏻‍♀️…查看更多

上次初嘗胡椒豬肚米線簡直驚為天人 本身唔好豬肚既我突覺得好食 豬肚爽口彈牙，胡椒味勁濃 ，雞脾仲好嫩今次突登11點到 坐得舒服好多 同唔使同人搭枱叫左雲吞雞米線 同蕃茄豬扒米線但結果令人失望同胡椒豬肚米線同價既雲吞雞 明顯湯底份量都失色不少 上次食既時候飽到肚腩都突埋🤭 今次就食完都只得7成 而湯底都清好多， 冇花膠雞咁濃，最後要落2匙辣椒油食先夠味😐 同可能靚雞留比招牌米線 ，所以雞件比較少同比較柴，冇咁靚仔，有舊雞仲有少少黑色點。至於蕃茄湯底就偏家常，但豬扒比較柴，冇咩特別所以覺得如果突登咁辛苦過黎叫返招牌個幾隻會食得開心好多（有thumb up個d)， 雖然價錢貴，但起碼質素有保證, 足料， 胡椒豬肚真心冇得輸， 同樣58蚊抵好多 附返上次食既圖 …查看更多

見有咁多好評所以生日試 食物質素一般 但環境擺盤靚性價比好麻麻個炸子雞全場最好食 皮脆雞嫩 中上水準但成308 半隻 自行考量個叉燒 份量少到一個點 而且太瘦 盛惠168 最嬲係個琵琶豆腐 佢個豆腐原來炸既 得6舊 炸皮個厚度正常 佢加左辣椒粉同椒鹽但係一啲味都冇 同豆腐唔滑 真心唔值168蚊 個黑松露炒伊面似fusion菜 ，望落好似西式意粉，黑松露味唔錯不過份量都係好少至於甜品 我覺得個燉雪梨 睇得又算好食 整體清甜去膩 適合一啲唔太中意好甜既人食不過個糖水份量少杏仁茶不過不失 冇蛋白味服務方面，作為中上價位既餐廳，某d職員（唔知係咪炒散，隔著口罩都feel到佢態度麻麻，但某職員都幾熱情推介既總體而言，份量少 服務一般 食物質素整體十分普通 每人三百幾蚊 其實可以有好多選擇Ps 個環境真係好chill 好舒服 不過附近仲有好多餐廳都對住個靚海景 可以試下其他…查看更多

第一次寫食評但真心想佢改善見食評話芋圓麻麻 但因為見佢深黃所以叫左個奶蓋黑糖珍珠四季春雖然係黑糖珍珠 但黃色既😹我懷疑係番薯整珍珠幾煙un幾好食奶蓋四季春初頭飲係ok 既 奶蓋份量多但飲到冇哂茶 就開始覺得個奶蓋個味怪怪地有d一粒粒 本身以為係岩鹽 但飲飲下又唔似所以冇飲哂 希望見到可以改善啦 加油…查看更多