Joey黎的个人专页

第一次去，兩人乘行，每人叫咗個及第粥，炸鯪魚球同蝦米腸。先講及第粥，粥底尚算綿但偏咸，豬肉丸無味。跟住到炸鯪魚球，size唔算大但炸得唔夠香而且咸到傻，完全咸到接近呑唔落咁濟，蜆芥完全無味。最後到個蝦米腸，蝦米尚算香但係腸粉完全無米香，食完返到屋企頸喝到傻。總括嚟講係無樣嘢合格，所謂名厨推介？得啖笑。…查看更多

見網上好多人話佢啲叉燒什麼入口即熔，什麼好掂，即管去試佢一試，叫咗碗叉燒飯，一睇賣相已知中伏，啲叉燒無色無味又無肉香味，什麼入口即熔根本就好似食緊老人呑嚥餐咁，我懷疑啲叉燒烚完至去燒，烚到無晒味但係又食唔到有焦香味，真係信啲人一成都死，無下次。…查看更多

我住嗰區幾十年都未食過，見侄仔推介就去試吓，舖頭細細但係企理乾淨，試過佢兩次豬手撈麵，麵質爽彈完全可比美貴一倍價錢嘅麵店，麵帶一點點鹼，但係我接受，食麵就係有小小鹼至好食，啲食家就話要走全鹼，咁不如去食意粉喇，豬手偏冧但係夠晒入味，收咁嘅價錢有三舊豬手真係無投訴，會繼續試埋佢啲雲呑同筋腩。…查看更多

應侄女要求去試米芝蓮，三人入到去唔夠十步嘅舖面叫你電話落單，個版面又唔係perfect，要問個女侍應兩次點落order，之後就一直黑面，點咗擔擔麵，酸辣湯麵，水餃麵，豬扒同餃子小食，全部嘢只係水準之下，得個豬扒OK，中菜只可以提升味道，佢想用新做法去改味道但係失敗咗，仲要係上海菜，最多只係落酷調味，但係佢大部份嘢都係唔鹹同無味，唉……米芝蓮喎，算把喇，伏晒。…查看更多