yauyauhkg的个人专页

是日平日嚟到食午餐，佢有定量同放題邊爐食，但係中午都冇咁多時間同胃口食咁多，計過度過就覺得定量set好夠食。 價錢由$88至$178都有，視乎你食豬、羊、牛、half-half咁。今次試胡椒豬肚鍋，係辣咗少少，味道係ok。朋友叫椰子雞鍋勁香，佢地話唔錯。 定量嘅肉有150g都唔少，今次叫咗$108嘅牛肩岬肉，都幾靚，食落都有十幾件，食完勁飽。套餐包一個飲品，出去自取嘅。 另外出面嘅醬汁、菜、丸類都可以任拎。係甜品、響鈴又或者佢有棟牌話收題限定先拎得嘅就唔可以拎。整體質素唔錯，幾滿意.…查看更多

甲羅燒 $98蟹膏都幾多，加埋蛋黃係唔錯，不過略嫌多士唔夠脆，冇咗好feel。特上錦繡壽司$398牧丹蝦、吞拿魚腩、帶子、海膽、油甘魚等。整體都幾鮮，同埋都係厚切嚟，呢個價錢有16件都ok。象拔蚌刺身少許失望嘅一道，食落爽口但唔算鮮，冇乜味。日本真蠔 $68/隻海水味重都ok，不過呢款蠔唔大隻另外仲叫咗兩款串燒，係燒白膳同牛舌但就普通。…查看更多

Grilled Octopus $145.八爪魚係有啲辣但係好食嘅，份量都多，食極都仲有咁。Bone Marrow $168牛骨髓配脆脆多士，作為前菜好得Grilled Lamb Chop $278因為有小朋友在場，叫咗個well done羊架，冇諗到佢整得幾好食唔un，易咬羊味又夠。Ravioli $168雲吞味道唔錯，不過加埋個汁真心飽。Truffle fries $88黑松露多到痴線，薯條炸得夠脆唔錯。Peachy Passion $58mocktail嚟，主要係啲passion fruit，幾fresh，又唔算好甜。杯底仲有舊桃肉tim。…查看更多

是日平日嚟，接近兩點先去到，佢冇下午茶，但係午市餐牌有85折，同埋非繁忙時間都冇特別趕人走，呢點幾好。川味漁香茄子 $62同港式嘅茄子調味有啲唔同，佢係偏酸同少少辣咁，但係撈飯食都幾惹味。酸菜魚$75呢間餐廳出名酸菜魚，所以都要食下，味道都ok，魚都滑，份量都ok。…查看更多

平時食lunch如果冇乜idea，都會嚟呢度食，貪佢唔算等好耐位，而且又多選擇，平貴都有，六十幾至百五六蚊嘅選擇都有。壽司梅 ($108)呢個係佢最平嘅壽司lunch set，so far啲壽司都幾鮮唔係hea嘢，蝦、魷魚嗰啲都幾鮮，吞拿魚比想像中好。 另外佢跟個沙律、湯同茶碗蒸。 茶碗蒸都幾多料。 估唔到個湯係用三文魚煲，入面仲有啲肉食，抵食。雜錦天婦羅定食($78)朋友揀咗天婦羅定食，可以揀配凍熱烏冬又或者凍蕎麥麵。今次揀咗烏冬，勁多麵但係又幾煙un係唔錯。 天婦羅有兩件蝦、紫蘇葉、蕃薯、青椒仔、冬菇咁，開頭嘅紫蘇葉勁脆，蝦就淋咗少少。…查看更多

向灣仔做完嘢晏晏地是但搵咗間未收嘅餐廳，上菜都幾快。叫咗個台式滷水拼盤 ($118)套餐包埋一份燙青菜，份量不少，拼盤嘅滷水嘢都幾入味同淋，而且種類都幾多，有蛋，豆腐、牛展、筍同金錢肚，抵食。 個飯跟返台灣係俾珍珠米，幾有誠意。 配菜嘅花生略咸，個筍幾好食，而青瓜就正常。整體感覺ok，臨last order前入座都冇因為趕收工而服務/食物質素差咗，又冇趕人走，係唔錯。…查看更多

朋友比較夜收工，搵到間收得比較夜嘅居酒屋，今次呢間餐廳味道唔錯，不過就偏貴少少，圍返起每人六百幾。申子前 $178煙三文魚芝士卷、日式海膽魚子凍豆腐、芝士酒盜。酒盜芝士送酒一流，凍豆腐幾fresh balance返，煙三文魚卷都幾多魚子。申子新卷 $248件件都用料十足，唔錯極上蟹肉蟹膏燉飯 $288呢個足料嘅，但就真係貴咗啲鰻魚天婦羅 $198勁抵食，炸得ok，入面juicy同大件，total 6 件勁飽燒牛舌芯唔記得幾錢但係好爽口，味道夠。都推薦…查看更多

呢間餐廳平日有做lunch set，十分抵食，一飯/麵加三餸同飲品先ard $60，但就長期超多人，要食就真係要預多啲時間排隊先搞得掂湯底叫咗沙茶湯底，當然要叫埋沙茶牛肉，平時都食開，牛大件又多。另一個推介係秘製台灣雞件，平時邊爐唔食雞嘅我都次次會叫，真心又滑又夠味。 另外個餸就嗌咗羽衣甘籃，感覺立即健康咗🤣。朋友都係沙茶湯底，但就好邪惡地叫咗公仔麵，都偷食咗幾條麵，索哂湯底係正嘅。飲品就叫咗杯熱蜜桃水果茶。 偏甜咗啲但係好多水果粒。同事就叫咗邪惡嘅忌廉砂冰，呢度凍飲一向大杯到傻，呢杯已經唔算大杯。位置方面，今次坐到近窗口卡位，幾十蚊仲有海景位，認真不得了。…查看更多

是日去開附近食個快飯，難得見到荃灣有滷味食，仲要平平地就去馬。叫咗個四拼麵，揀咗滷水豆腐、金錢肚、手打墨丸同牛筋。 湯底係胡椒湯底，係湯底油咗少少囉，但味道都濃同埋好夠胡椒味，麵底揀咗爽脆米粉，爽爽地索哂湯好正。 配料就牛筋最出色，超淋！ 墨丸正常發揮、豆腐都幾大件、金錢肚都唔差幾易咬同入味。呢個餐仲有台式嘅罐裝/包裝飲品，有無糖茶、香蕉牛奶、木瓜牛奶等等都算多選擇。 最後慳quota，就揀咗無糖茶，茶味都出，唔錯。…查看更多

是日去睇演唱會，見仲有少少時間就向搭車前搵下食，朋友揀咗呢間打卡嘅泰菜。朋友叫咗泰式奶茶，自己就叫咗杯粉紅椰子水，幾靚，係椰子水加咗啲啲荔枝味糖漿，都fresh沙律叫咗無花果煙三文魚沙律，花花設計，連個汁都粉紅勁夢幻。算幾足料，煙三文魚同無花果份量幾多。小食嘅蝦餅幾大件，蝦又多，味道唔錯。重點係個醬，辣辣地幾開胃主菜係虎蝦海鮮混亂杯麵，造型吸引咗我嗌，麵嘅調味ok，海鮮份量都多。芒果糯米飯是個must，芒果多肉夠甜，糯米飯軟硬適中，加埋個雪糕滿足哂。…查看更多

話說呢間餐廳最出名都係燒雞，但是日心情唔想食燒雞，見佢都有其他推薦就叫咗個原汁牛腩飯。第一次向度食飯，原本諗住都係幾件牛腩咁上下，點知上菜見到咁多都呆咗，雖然個底都係墊咗d小棠菜，但數過都有成十件咁多，仲要舊舊都大件。牛腩未算好淋但都易咬，肥瘦分明所以都好易咬開d肥膏，腩汁味道濃，撈飯一流。 想講旁邊d菜甫都唔差。 …查看更多

二訪呢間小店，今次朋友繼續叫幾汁定食小菜，我就未病好，胃口麻麻，就叫咗個全份嘅士多啤梨味嘅千色調色板同朋友share食，日本好hit，今次終於有得食。佢話有6吋大，其實都真係算大份。入面嘅士多啤梨好多，配料就有d士多啤梨醬同吉士醬，千層板食落少脆，冇酥皮咁膩，配料食落甜甜地幾fresh，吉士醬好夠。雖然佢係千層調色板，但係用刀切得開，可以同朋友share食，幾好。 本身腸胃炎真心好飽飽滯滯，但佢都幾開胃，最後都食到半個，好彩有朋友包底。…查看更多

無意中同朋友行行下街，發現荃新2樓下竟然有呢個新食街，話說呢期少少手緊，都想搵d平食。 呢家餐廳向最出面，見佢飯麵都有d，見到有人叫個炒麵好似幾唔錯就入咗去。叫咗個地獄雞柳蝦仁炒麵，炒麵底好脆，d汁唔會太多，所以食到最後都仍然食到有脆嘅。配料嘅雞柳同蝦都算多。為咗個麵底覺得可以再encore。另外叫咗個咖哩滑蛋飯配低溫慢煮牛舌，牛舌都幾大舊，炆得幾淋嘅，蛋都夠滑。飯係用珍珠米幾有誠意，但飯量實在太多。 加上咖哩汁唔夠多嚟撈飯，少可惜。…查看更多

朋友話之前食過個蝦湯唔錯，所以專登嚟試下，今次揀咗佢個$308 SRF牛肉餐，最後佢有折，基本上都係每人三舊水落樓。一開頭都係送呢d飽肚野，味道ok嘅。蝦湯清清地ok，越煮越濃，再飲下係真心正，連埋佢d蝦油一齊係不得了嘅。今次套餐嗰款牛，係唔錯。 佢都有其他牛，質素都可以，不過叫多一兩轉啲牛太硬好難剷得起。 另外出面都有得拎飲品、菜、配料咁。呢個又係送嘅，龍蝦都ok，冇諗到蟹鉗都多肉。鮑魚同蠔都唔錯，蝦丸幾足料。 串串蝦質素都ok，肉質算係咁，蝦頭都有蝦膏。太多野送嘅關係，其實都好快飽。整體地方大，都坐得舒服嘅。…查看更多

去開屯門是但搵咗間餐廳食晏，見佢價錢幾抵仲包加一茶芥。叫咗最抵嗰個午餐set，有三款前菜，紅油餃子、涼拌雞絲粉皮同埋松露煙燻蛋。 蛋煙燻味唔錯又流心。不過唔覺松露味。 紅油餃子都幾大隻同多料，粉皮都ok.叫咗個松露雞粒炆飯 ($58)難得係用珍珠米炒，食落味道夠，乾濕啱啱好，d雞幾大舊，整體個飯食得出有少少松露味。另一個係馬來沙嗲豬頸肉炒河（$58)略嫌汁太多，但味道ok。 豬頸肉都嫩。配料有d菠蘿粒粒、青黃椒咁。另一個就叫咗另外個lunch set，價錢唔記得， around 6x，酸菜魚都算多，湯頭清d但夠濃味，冇其他店咁咸，佢兜紅米飯真係超多。呢個set送兜菠菜，幾鮮仲送水果茶，係菠蘿加椰子汁，幾fresh…查看更多