ManyingMak51的个人专页

近年，好多西餐廳都會主打任食青口或牛扒，簡直直中我的口味，而且可以任食真的非常吸引。得知中環蘇豪區一家西餐廳有提供任食青口，決定與友人一試究竟。無限量任食青口$238/位青口提供四款口味，我們每款點了一碟，比較喜歡香辣椰汁味，由辣椒、大蒜同椰汁煮成，椰汁中和咗辣味，所以辣中帶椰香，啱哂食Bb辣嘅你去試❤️但每款口味都偏咸，最後每款只係點了一份，沒有再encore.煙燻牛肉配黑蒜泥蛋黃醬Ordered medium rare，上枱效果都係keep到，牛肉表面焦香，肉與軟稔，配埋黑蒜汁更開口更清新。Mamagaio 其實係mojito，口味清新加埋啲薄荷更加解膩。…查看更多

表姐剛剛從英國返港，喺英國一直都表示好掛住中菜，所以我專登揀咗呢間1908餐廳，係用咗英式元素嘅中菜廳。餐牌都配以中西合璧嘅元素，有傳統嘅中菜例如宮保蝦球同楊洲炒飯咁，但又會有fish and chips同埋salad選擇，都幾有趣。餐飲亦會提供唔同款式嘅cocktail or mocktail或者中式熱茶。我哋嗌咗一份香酥鴨跟薄餅，同傳統中菜嘅片皮鴨大同小異；只係鴨肉係經炸過之後再撕成一絲絲。配料都一樣有京蔥絲同青瓜絲，醬料都係用上海鮮醬，同片皮鴨嘅一樣，味道口感都唔錯，但鴨肉略嫌過乾身同鞋口。再點咗都係餐廳嘅另一招牌菜，蝦多士配甜辣醬。多士係用上一整塊方包無去皮，砌成三角形，加埋一隻蝦落去炸，簡單直接無乜技巧可言；味道亦如是，包重油味，蝦無調味。整件係一塊好香脆好油嘅炸麵包加隻蝦最後點了一份炒雜碎，即係中菜入面嘅炒雜菜，雖然聽落好似平平無奇，但反而我覺得呢碟菜係最好食😂可能對佢期望無太大，所以有喜出望外嘅感覺。雜菜有小棠菜、雞髀菇、芽菜等等，加上gravy嘅味道啱啱好，唔太咸清清哋，唔會太稀又唔會太杰。整體來講餐廳係幾有格調，環境闊落，而且設有outdoor，可惜當日落雨無開，否則應該會幾chill…查看更多

🍽️磯野水產今日閏蜜生日，知道佢一向都好鍾意食海鮮同埋日本菜，就帶佢嚟呢間高質磯燒居酒屋🏮我哋係為海鮮而嚟，所以二話不說就點咗一份磯野活海鮮盛合。盛合非常豐富，包括一條大過我手掌嘅伊佐目魚、日本文活蜆、響螺、蟶子皇同帆立貝。日本文活蜆非常大粒厚肉，用上磯燒手法烹調，一啖食落去，完全唔需要要額外調味，嗰陣淡淡嘅海水味加蜆肉嘅鮮甜味真係好令人滿足，原汁原味就係咁👍🏽響螺用上刺身方法呈現，響螺鮮味十足，螺肉爽口彈牙，係新鮮嘅食材，而且響螺清洗得好乾淨，裙邊位都洗到白雪雪👍🏽帆立貝都係用磯燒方法呈現，但用上黑松露牛油做調味，係我最愛嘅黑松露味！帆立貝燒到剛剛好，令肉質軟稔唔會過韌，而且餐廳仲好細心咁預先剪開帆立貝，方便客人食用。蟶子皇都係磯燒方法，雖無特別調味，但反而咁樣更試到蟶子嘅鮮甜味，口感爽彈，而且都係預先剪口，方便食用。最後就係汁煮伊佐目，魚本身都大條，將魚開邊再用秘製嘅醬汁慢煮而成，所以魚肉特別嫩滑，而且吸滿哂醬汁嘅味道，真係好好食，勁有衝動想嗌碗白飯餸魚😂當然係無㗎喇，但真係好好食，閏密直情將蟶子蘸呢個醬汁食😂整體嚟講，呢餐係好合乎性價比，原本以為會唔夠飽，但慢慢食吓食吓又覺得啱啱好。好欣賞餐廳堅持使用新鮮食材，下次會再嚟食過❤️…查看更多

女朋友最鍾意就係食日本嘢，喺尖沙咀行完街就睇吓附近有咩日本餐食，見呢間幾好似幾多人推介就去試吓。太口渴關係一坐低二話不說嗌咗飲品先，嗌咗一杯北海道士多啤梨牛乳酸，同埋一杯蜜桃烏龍熊茶。牛乳酸好香士多啤梨嘅甜味，加埋濃郁細滑嘅牛乳，味道非常夾。烏龍紅茶好可愛，係熊仔造型嘅冰。見餐廳期間推介嘅石板A5宮崎和牛厚切，就一於試吓。一份有六大件厚切和牛，和牛四邊都預先煎到微燶，中間保持rare狀態， 可以按照自己喜好再喺石板上面加熱grill熟。和牛入口即化，每啖都充滿牛油香味，加埋炸蒜一齊食，味道會無咁單調。武士辣醬雞翼，雞翼已開邊，好方便食。辣醬唔算好辣，淡淡嘅蒜辣味，而且燒到剛剛好，雞肉仲保持到有肉汁。炸蔥吞拿魚蓉養鮟康魚肝卷，吞拿魚新鮮，食唔到腥味，魚肝道係鬆化，入口即化，口感豐富。加埋面頭鋪嘅炸蔥一齊食，味道會更可口。脆燒豆腐，豆腐表面燒到乾身脆口，入裡面非常嫩滑，加埋特製燒汁，味道同清甜嘅豆腐相輔相成。整體嚟講，呢間日本菜都可以嘅，打卡幾好。…查看更多

平時經過九龍城都會見到都會被呢間裝潢好日式風嘅餐廳吸引而駐足，今日決定同朋友走一試究竟。前菜係一份野菜條伴鯷魚醬，鯷魚醬用蠟燭座加熱，咸香味濃，而且愈加熱味道愈咸，建議要盡快食用。野菜條有白蘿蔔，青瓜同紅蘿蔔，但紅蘿蔔完全無刨皮，扣分位。再點咗一份刺身盛合五款，當中有三文魚、吞拿魚、酒甘魚、立魚同埋赤海蝦。每款刺身都非常厚身，食落魚香味濃而且非常鮮甜！三文魚同吞拿魚脂肪比例剛好，入口即化嘅感覺好滿足！朋友係日本米愛好者！所以點咗一份三文魚帶子炒飯。米飯用上日本產米，粒粒肥美飽滿，口感彈牙。炒飯鑊氣味道都湊好，好惹味，而且加埋蟹籽做點綴，每啖飯都非常有層次！最後係每次食日本菜都必點嘅天婦羅盛合，當中有炸蝦、冬菇、南瓜、蕃薯同埋秋葵。粉漿厚度適中，而且即叫即炸，熱辣辣脆卜卜更過口癮。餐廳環境都寛敞，而且設有卡座同吧枱，啱哂一班朋友吹水食飯或者兩口子撐枱腳，舒適放鬆。…查看更多

閏密剛剛生咗Bb，去完仁安探佢之後就喺大圍搵嘢食，被呢間門面裝潢古色古香嘅酒家就去試吓。酒家鋪面唔算大，但都客席滿座，晚市有多款小菜同套餐選擇，呢到見最馳名就係佢啲招牌燒味，啱哂我口味！因為時間尚早未算好肚餓，只係點咗燒鵝皇例同埋叉燒皇例同埋肉鬆炒四季豆。燒鵝比咗髀位我哋，啖啖鵝肉！鵝皮燒到香脆，咬落去啲鵝油喺口入面爆發，雖然好邪惡，但真係好好味！叉燒皇雖然係例，但份量十足，每件叉燒都大大塊。叉燒肥瘦適中，肉質非常軟稔，最怕食到啲叉燒又乾又鞋。新強記叉燒非常出色，下次都會encore！呢碟又係餸飯一流，鑊氣夠炒到非常香口，食到陣陣肉鬆嘅油脂香同埋香蒜味。必讚係四季豆好貼心咁搣咗兩邊嘅絲，所以食落完全無渣！而且份都係十足！呢間外表古色古香，望落有啲舊嘅酒家，但食物絕對有質素！…查看更多

一家四口出左去遊車河，遊遊下去到新田一帶，諗住呢頭都無咩野食，上網一搵原來附近有間廣東名門，隨即我地就過去一試究竟。到左場之後（免費泊車），店員悉心帶位，跟住經理就親自招呼，服務一流，期間向我方推薦深海龍躉。小弟聽到口水都流埋，可惜父母二人不愛吃魚，於是又變回叫小菜。點菜後，飲啖靚茶閒聊片刻，隨即先黎招牌菜：明爐燒鵝（半隻），燒鵝皮脆肉嫩，油脂肥美，再點上烏梅子醬，食落更加惹味～其他菜式都跟住燒鵝一齊送左上黎。上菜速度好快，我地分別點左椒鹽骨，香口，份量夠，送啤酒一流選擇。西蘭花蝦球，呢味菜整得相當出色，炒製時間掌握得岩岩好，西蘭花唔會炒得過生式者過熟。而蝦球更加用上靚貨，一食落口就知質素同坊間既分別，呢味菜小弟推介的！最後叫返一個薑蔥魚雲煲，補償一下我無龍躉食，魚雲煲就比較平淡，但份量足，而且上台熱辣辣出哂煙，都有誠意。風捲殘雲一番，碟上美食都俾我地一掃而空，店員再細心為我地送上水果解膩。坐多一陣見到店員準備打烊，我地都識趣隨即埋單走人。總括，廣東名門待客服務優質，出品亦都高質，小弟相信自己會翻兜再食，看官們都不妨到場一試評下分。…查看更多

記得呢間餐廳細個同屋企人嚟食過，決定今晚帶我老公嚟試吓。餐廳裝修都無大改變，全部都掛上凡高嘅畫作，連細個曾經喺到彈生日歌比我媽咪聽部鋼琴仲喺到。環境依舊舒服令人放鬆，感受到餐廳對裝修嘅執著，令個角落都充滿藝術氣息。我哋點咗兩份dinner set，一份比目魚，一份燒牛柳。Appetizer係一份sour onions and tomatoes，味道酸酸開胃一流！餐湯係羅宋湯，不過味道稍嫌過淡。仲有一籃香脆嘅法式麵包。比目魚煎到外表金黃香脆，魚肉有質感，唔會鬆散，蘸埋秘很嘅sour cream sauce味道更加有層次。仲有baby asparagus同埋deep fried potatoes🥔 燒牛柳好特別，上菜時會淋上著火嘅白酒，吸睛指數極高啊！有兩大串牛柳夾雜住ball pepper🫑 牛柳肉味濃郁仲有微微嘅白酒香味，配埋爽甜嘅甜椒就唔會咁膩👍🏽最後仲有一道甜品，係迷你士多啤梨蛋卷，同樣出色，蛋糕濕潤可口，可以話將今晚晚餐係畫上完美句號👍🏽…查看更多

今日同閏密去佐敦行街，行到攰攰哋諗住搵間cafe坐吓，就比呢間摩登時尚嘅門面裝潢吸引咗。餐廳有提供户外座位，打卡一流，但當天太熱，非坐室內不可。原本餐廳係中午會提供日式同西式嘅料理，到夜晚就主打日式串燒，咁樣嘅設計都幾特別。 夜晚吧枱設計可以睇到廚師燒嘢食，都幾chill，而吧枱隔離就係咖啡機，咁嘅配搭幾新穎。嘢食方面我哋嗌咗一份all day breakfast同埋一份烤春雞。All day breakfast不過不失，幾欣賞佢嘅香腸，食落香脆有啖啖嘅煙燻味。烤春雞賣相出色，配上牛油香嘅蘑菇同埋油醋火箭菜沙律，感覺健康多了。不過隻春雞有點鞋口。下次可以約埋朋友夜晚嚟食串燒，感覺應該會幾chill，環境都舒服嘅。…查看更多

今日同朋友去D2行市集，行完索性喺D2食埋嘢，大熱天時真係唔想周圍走。搵到間pickabowl嘅餐廳，見佢好得意係每款配料自己選擇，主要係蛋白質、澱粉質同蔬菜嘅配搭。配料清新健康，好啱呢啲天氣食。我哋分別揀咗夏威夷四重奏同埋Classic couple。夏威夷四重奏嘅蛋白質有辣味三文魚、經典吞拿魚、泰式酸辣大蝦🍤同埋牛油果🥑，蔬菜類我哋揀咗彩虹組合，主食揀咗黃薑椰菜花加半糙米飯。原來椰花係可以生食，我都係食過先知，口感同味道都幾得別！所有配料撈埋自家製醬油一齊食，口感豐富有層次。醬油酸酸甜甜，三文魚同吞拿魚嘅魚油香同醬油相輔相成，濃郁得嚟又多咗一番清新。Classic couple同樣都係有三文魚同吞拿魚做蛋白質，另外再加多一份芥末熟蝦，芥辣唔算好攻鼻，撈埋啲飯一齊食更開胃！總括嚟講，呢餐係非常健康又飽肚，啱哂健康人士減肥人士！平時食得太多肉，食返一兩餐呢啲健康食物感覺好清新好舒服❤️…查看更多

今日同老公同囡囡去太古行街，行完諗住去海山樓打卡，見肚餓又見到對面英皇道1001有燈牌顯示有餐廳就過咗對面搵嘢食。估唔到太古都有陳儀興，即刻心動想打冷。一坐低，餐廳先上咗份開胃咸酸菜同埋功夫茶開一開胃。嘩～杯功夫茶有料到，茶香味濃，即刻飲多一杯開吓胃。我哋叫咗一份大眼雞魚飯、招牌鵝三寶、潮式魚丸肉碎煮汕頭白同埋兩碗胡椒咸菜鮮豬肚湯。大眼雞好大條同埋起好哂骨好方便食，魚肉鮮甜厚實，點埋麵豉醬調味更加好食！招牌鵝三寶有鵝件，鵝腸同埋鵝肝；鵝肉軟稔腍，滷水味入哂啲鵝肉入面，好夠味！鵝腸食得出好新鮮，唔苦好爽甜！鵝肝好滑捋捋，好香鵝油味！我老公好鍾意食呢個魚丸食得出係用真魚打，唔係啲加工魚蛋，呢個囡囡都啱食，魚蛋重魚味好爽口彈牙，汕頭白菜煮到好腍，吸哂啲湯好好味。一碗湯有三塊鮮豬肚，有胡椒香味但唔算好辣，小朋友都好啱飲。價單都偏高，但用料新鮮足料大份，鍾意食潮州嘢嘅朋友都可以試吓。…查看更多

一出地鐵站,望到個天蔭蔭都心知不妙.行唔夠兩步..佢就真係落雨!!! 仲愈落愈大!!! 機緣巧合下我同朋友就匿咗係黑木亭既門口避雨.「又冇遮,唯有上樓上食個晏再算.」我地叫咗呢個個名好長既Lunch「週末放鬆和風刺身料理二人午餐」頭盤係刺身盛 ,兩件三文魚, 兩件油甘魚, 兩件八爪魚.食落都幾鮮甜,餐廳都有放心思係擺盤上面,亦有跟冰底上.小食有鰻魚牛蒡炸蝦卷,有塊鰻魚薄薄咁鋪係面,壽司卷中央有炸蝦、牛蒡同肉鬆,每件都卷得好實淨,唔會一夾就散.炸蝦仲有少少脆口,肉鬆略帶鹹香,整體幾好食.主菜 鰻魚柳川陶板燒配日本珍珠米我見柳川陶板燒個名好勁,就忍唔住叫咗呢個主菜我事後有做功課架,原來因為陶板既傳熱比較平均同溫和，所以煮出黎既食物會更軟滑.鰻魚啖啖肉,入口鬆軟,蛋花好綿,醬汁又恰到好處,正壽喜燒定食配烏冬「Sukiyaki = oishii」大量既牛,冬菇,蒟蒻絲,冬菇,菜加上醬油,糖同味醂既調味.無論點煮都係超好食. 同埋唔知佢地係咪用日本牛,啲牛牛食落真係好綿滑,一啲筋位都冇,配上壽喜燒湯底真係好幸福唯獨如果可以加多隻生雞蛋係面,就Pertect池.最後一人一球芒果雪榚作結我見佢Openrice都有訂座優惠,人均2百幾,私心覺得可以再試埋其他Main.…查看更多

上網見到餐廳做緊呢個promotion，咁啱男朋友個名又有個國字就去試吓啦！一蚊雞一個花膠雞湯鍋真係好抵啊！湯底黃澄澄，濃郁香甜，雖然係優惠價，但質素真係毋庸置疑地出色！重點係呢個優惠仲可以同其他折扣優惠同時使用，真係抵到飛起✈️花膠份量好大份，每塊都大過我手掌😂厚實嫩滑，養顏一流👍🏽仲有嗌咗其他配料，牛頸脊，餃子拼盤等等，因為我午市去嘅關係，仲有折添啊，真係好抵食😋整體來說，食物質素一如既往的出色，食物足料新鮮；同埋餐廳玩味十足，以四個國家🌏主題，打卡一流🥰…查看更多

最近，餃子店盛行，周處都能見；對我而言，簡直是大喜訊，因為我太愛吃餃子了！今天到這間豐信餃子店試試，餐廳環境不算很大，但五臟俱全。這間餃子店的湯底是不添加味精，健康又滋味。餃子款式繁多，而且可以配湯麵食的；還有各式的小食，十分豐富。我們點了芫茜鮮肉餃、紫菜鮮肉餃、西洋菜鮮肉餃，還有一份煎的芝士粟米鮮肉餃。餃子份量非常巨型，每隻都脹卜卜，皮薄餡多，十分足料！豬肉鮮甜多汁，加上配菜口感豐富；湯底清甜，不會搶過餃子的鮮味，我全都把喝光了。煎餃子也做的非常出色，煎得微燶，芝士還有拉絲效果，非常美味。值得一提，店裡的健康飲料都是全人手煲製，無添加糖，點了羅漢果茶和菊花茶，清甜解渴！…查看更多

今天約了朋友到The One看電影，看完就找東西食，看到這間店爆場便決定去試試，等了10分鐘左右便安排入座。餐廳非常寛敞，在餐廳盡頭設計了一塊鏡，令空間感大增。泰式鴨肉湯粉$63，想不到的好吃，湯頭有陣陣桂皮的味，有少少像肉骨茶的味道，濃郁香甜。鴨肉份量亦不少，每塊都是厚切的，肉質軟稔。粉絲虎蝦煲$158，以瓦煲盛著，燒熱後放上粉絲和虎蝦，所以一直能保持熱度。虎蝦開邊，大約有三隻份量，醬汁用上桂皮芹菜和黑胡椒煮成，香味撲鼻；粉絲亦吸滿了醬汁味道，非常惹味。泰式青咖哩軟殼蟹(配法包)$96，咖哩鍋以明火燒著，能有效維持著溫度。咖哩香而不辣，適合大部香港人口味。軟殼蟹炸得黃金香脆，沾著咖哩一起別味道濃郁惹味。法包有半條份量，法包吸滿咖哩一起吃，真係超超超好吃！飲品方面點了青檸七喜，原本想點梳打水的，但一想到吃辣要些甜味中和一下，便點了七喜，果然無選擇錯，爽！…查看更多