Kakaka44的个人专页

奶奶生日喎，當然係食餐豪啦！入流浮山食海鮮，之前都食過其他檔，但自從食過明記之後就真係唔再轉。原因只得一個，食物質素係掂既!今晚4個人5餸1湯，真係食到抱住個肚腩走呀！正睇相啦！…查看更多

今日去開樂富，就搵下果邊有咩食啦！見到呢間oyster station個feel唔錯喎，就試下啦！😊我同老公一人叫左一個set，一個龍蝦汁辣魷魚海鮮意大利飯$68，味道係好得😍!一個牛仔骨$78，雖然都係普通貨式但係調味同烹調都唔錯😊。仲包埋餐湯，麵包，餐飲同甜品。剩係咁已經係第一抵啦！👍👍👍第二抵係，加多$120有半打生蠔，有兩隻南非，兩隻愛爾蘭，同兩隻唔記得係咩。三款都各有特色，真係第二抵!👍👍👍…查看更多

今日同兩個好姊妹聚聚，所以特登搵間可以坐耐d既地方。之前搵左兩間都只坐得兩個鐘，打到呢間 to gather，竟然可以坐四個鐘，即刻唔洗諗，即訂位!😊我地冇點到party餐，叫左單人餐，100蚊鬆d就有野飲，湯，同飯或麵，加10蚊仲有cake tim。至於味道呢，我地點左:冬蔭功海鮮汁海鮮意大利粉(呢個辣辣地，好好味!!👍👍👍海鮮龍蝦汁意大利飯(呢個比相片比我既想像差少少，不過都ok既)👍白汁香蒜蜆肉意大利粉(正常味)紐約芝士餅(一般味，兩個人食晒，一個食左一半話唔食)飲品方便就好一般，點左既木瓜奶昔同檸檬綠茶都好古怪，咖啡就屬於正常。總體黎講，同朋友坐下傾下計食個飯，呢度係不錯的選擇!…查看更多

今晚同朋友唱k，唱完就搵下甜品食啦！搵搵下，就見到呢間next sataion dessert門口大大個牌寫住5月心太軟半價優惠，當然就比佢吸引左啦！心諗半價心太軟其實會唔會唔掂?但結果又......真係ok喎。埋單29蚊一個，堅抵呀!…查看更多