Cat baobao的个人专页

豬柳強餐，過下口癮，老實講，同由細食到大嘅金拱門點都唔會一樣，我唔會話你知好好食，亦過唔到口癮，因為唔一樣就係唔一樣不過就係要食唔一樣嘅味道！蛋就係蛋，豬柳就係豬柳，明就係明，唔明就黎明揀飲擇食係必須要㗎，做人唔係食為先？ 仲有得揀嘅時候都唔揀下就食？no !! 有得揀我都會繼續揀荷葉蒸雞飯雞肉大大舊，夠多又夠滑，白飯夠白又大碗荷葉傳出濃濃嘅荷葉味~~~係好完整嘅大荷葉啊～～～～（對唔住！我認我係呀字數）…查看更多

儲得太多相，太耐冇寫食評，我已經開始唔係好記得d餸菜名☹️但我記得等位果陣係咁偷睇人哋食蛋包飯流口水，結果都係食咗牛牛🤣呢個係麵鼓湯，個杯定叫碗🤣，幾方便，唔洗用匙羹，個湯熱辣辣，不過有啲咸燒肉汁加泰式酸汁（似食生蝦刺身果個汁）我中意燒肉汁多d唔記得咗我點果個叫咩名，但我記得我果個牛牛好食d，因為對面嗰個聖安娜鞋d，食到勁飽，個珍珠米飯幾好食，飯面係wasabi飯素，幾惹味，中和返個牛牛冇咁油膩呢杯係桃茶定蘋果呢？😅堅係唸唔起播，棉花糖朱古力好澎湃，見到都開心，朱古力味好朱古力，杯朱古力唔係我飲，不過見到都覺得好朱古力🤣…查看更多

好想食個海南雞飯今次終於食到，終於有人陪我食海南雞飯，個油飯勁好食，雞肉好嫩滑，酸蘿蔔同青瓜都好食唔記得咗影吓條toilet key，上面有好多粒鈕好壯觀嘢飲呢，又冇影，我飲latte，海南雞飯加latte，係唔夾，不過我鍾意咁樣，想食咩就食咩，想飲咩咪飲咩🎶🎵 願諒我這一生不羈放縱愛自由..............跟餐個芒果西米布甸，暖暖哋唔甜，軟棉棉，黏黏地，唔hea wo，仲有粒朱古力鈕，好傻咁唸咗陣食唔食得，好食，抵食，撐住呀！…查看更多

哥哥仔啱啱開鋪，隔一陣間差唔多坐爆，飯都未煲好，不過都好快手我哋就有嘢食又有嘢飲，炸墨魚好好食啊叻仔今日食5品料理，可以揀三款冷盤，兩款主菜，主菜揀咗泡菜炒豚肉，另外一個係唔記得咩五花腩，唔記得咗個名啊又冷盤揀咗秋葵芝麻醬豆腐，慢煮雞胸 x 柚子汁沙律，加溫泉蛋，樣樣都幾好食，個慢煮雞胸，好嫩滑另外叫咗明太子雞翼，但唔記得影相就分咗屍，明太子雞翼都好正，爆餡架焦糖燉蛋鮮奶咖啡貓貓今日返夜，下次見_ _ _ _ _ _ _ _ _ _ _ _ _ _ _ _ 香港人加油💪…查看更多

新港城又多一個選擇，舊店冇去過，因為利安太遠了，不過一早知道有呢間舖，另外，朋友話過好食，而家搬咗去新港城，終於可以試吓點左牛肉壽喜燒烏冬，芝麻雞翼，芝士年糕，仲有蝦天婦羅烏冬好香呀，由於我食得太開心，掛住食，結果淨係影得一張相，烏冬好夠味，配料又多，冬菇個花切得好靚，蝦天婦羅大大隻，芝士年糕就係熱辣辣外脆內軟，正常芝士年糕咁嘅味個芝麻雞翼勁好食，好出色，一定要食，不解䆁，自己去試吓，樣樣都即叫即整，而且好快手…查看更多

第二次嚟，今次唔食套餐，散嗌，食多幾款冬陰公湯，好飲，夠酸夠辣又唔太辣，但唔夠熱，隻蝦係好大隻但同上次食炒金邊粉一樣都係好梅，可以走蝦炒蜆，完全唔記得咗個名，但呢個好好食，蜆肉肥美，d肉其實幾多，不過甩晒係碟底，呢個可以encore 冬陰公雞翼，味道幾好，少少辣，肥美juicy，香脆惹味咖哩軟殼蟹，好椰汁嘅咖哩，薯仔好淋好入味，不過唔係好夠熱手抓餅熱辣辣，好食，最熱係手抓餅蝶豆花顔色好靚熱情果梳打賣相幾有趣…查看更多

第一次來，除咗喇沙，都有好多嘢食揀，因為我唔食喇沙，但又想幫襯下，我叫左豬軟骨小窩米線，豬軟骨入味。我最愛嘅網紙春卷，裡面係芋泥加芋頭粒🥰，勁好食，網紙春卷呢個組合係最好食，好開心呢度竟然有得食😍好多茶樓都冇左呢個小食麻醬手撕雞撈淮山麵，以為冷麵，原來係熱食，唔錯，下次食口水雞，或者都可以試吓喇沙有台式飲品，珍珠奶茶同埋水蜜桃紅茶，水蜜桃紅茶有好多蒟蒻，呢間都幾多嘢食揀，食喇沙唔一定淨係食喇沙…查看更多

以前，香港好多地方我都唔會去，平時都宅係屋企，呢一年，去咗好多地方，依然都係路痴，坐咩車根本唔識，就算係尖沙咀㕵角，我都要睇住個地圖先識行，但慶幸仲有廣泛嘅互聯網資訊，只要你願意去search，你仍然可以知道你想知道嘅嘢將軍澳，我又來了.... egg benedict 配牛油果煙三文魚法包荷蘭汁，呢個組合好好食，我唔知荷蘭汁係咩🤣但材料新鮮，個配搭好match，好好食，完。蒜香白酒煮花殻蜆，金黃炸蒜超香，配上白酒煮蜆，鮮甜美味Cappuccino 就係cappuccino 咁嘅味…查看更多

話說朋友知我過海，點名要外賣鮮芋仙，好啦，鬼叫你哋平時對我咁好咩，去到睇住個menu,嘩！真係花多眼亂啊，我都揀咗好一陣先揀到要啲咩，最後我拎住呢堆野飲過海，極速送貨，見張相仲有冰架左：珍珠鮮奶茶 朋友話茶同奶嘅比例剛剛好啲珍珠好有咬口放耐啲都唔會淋中：鮮芋鮮奶綠用芋頭磨成芋泥，天然嘅甜味，粉粉糯糯，配合緑茶嘅回甘，perfect右：小芋圓鮮奶綠朋友話芋圓同普通嘅芋圓唔一樣，比較煙韌，淡淡嘅芋香下：花生麻糬唔太甜，咸咸香香，裡面嘅係花生醬，軟軟糯糯好滋味果然係值得帶過海…查看更多

朋友到訪，記得我話過未食過程班長，專登帶來外賣程班長嘅牛筋肉麵，好有愛冇得去台灣，食住牛肉麵止住痕先朋友帶來嘅係半加工嘅紅燒半筋半肉麵冷凍包，$68一包，買3包$200先將麵煮熟，舀起，再將湯同牛筋牛肉加熱，放上酸菜，熱辣辣香噴噴，好吸引湯底好濃嘅牛骨味，有好輕微嘅辣，唔會死咸，牛肉係用蝴蝶腩，煙煙韌韌，好好食，牛筋入口軟淋，但不至於化開，恰到好處，麵條煙煙韌韌，掛上湯汁好惹味，回味無窮，下次要去堂食，因為牛肉麵之外，有好多其他嘢想食…查看更多

位於街市嘅角落，小小嘅咖啡店，一個黃到金嘅女人仔，食物用心製作，即叫即做由於lunch set意粉已賣晒，老闆娘話意粉最好打電話留定，研究完個menu，漢堡都賣晒，老闆娘推介蘑菇芝士雞肉意大利包，初初驚唔夠飽，見到大大件，果然當lunch 食都ok，蘑菇芝士加雞肉好夾，雞肉juicy，熱辣辣好食播過幾日終於食到安格斯牛漢堡，一樣係即叫即做，牛肉juicy，青瓜爽脆，蕃茄厚肉，好大舊，夠晒飽，加杯latte 作結尾，下次冇飯帶期待食到意粉…查看更多

明太子忌廉蝦意粉，個汁好正，明太子微辣，係暫時食過最鍾意嘅明太子意粉🤩個蝦大大隻，夠爽口，呢個必食魚湯輕灼西蘭花🥦，呢個好食，西蘭花索晒柴魚湯，簡單好味小食拼盤，大碟到嚇親我，食唔晒好浪費，炸雞翼同薯角最好味，炸魚個粉厚咗d，八爪魚丸可以，春卷裡面有青豆同粟米我唔鍾意，腸就係正常嘅腸，好大盤，好抵食😆朋友點咗凍朱古力，似milkshake 好rich爆谷咖啡好好味，爆谷非常脆卜卜，有幾粒浸咗係底，差唔多飲完杯咖啡先撩來食都仲脆，推介！呢間cafe好食，會再嚟🥰…查看更多

原來lunch 係冇單點menu，一定要叫set🙄，好啦咁好彩有個吉列豚肉，肥美juicy 脆卜卜，幾好不過咖哩汁稀到似湯青口幾鮮甜但咸左少少，咖哩吉列豚個咖哩汁太水，牛肉薯餅係正常嘅牛肉薯餅，十穀飯好有咬口，好食，麵豉湯夠熱但好咸朋友點咗雞湯餃子麻麻地，呑拿魚蓉豆腐好食沙律菜新鮮，珍珠米好食呢個雪糕跟餐，美人又比我毁容，好重茶味，好light食完lunch唔係好甘心，我要食埋個即叫即整班戟😁有香港加油，唔甜，軟熟，好食薄荷伯爵茶兩者之間取得平衡，花旗參烏龍亦恰到好處good 😊Lunch set真心hea咗d …查看更多

我好得閒，又周圍食，咁啱又同朋友來到太子煙鴨胸沙律，油醋汁加埋好pink 嘅紅菜頭汁，好睇又好食蒜片辣椒蝦意粉，比個溫泉蛋蓋住左d味，建議唔好篤爆隻蛋煙三文魚沙律多士，多士係法包，脆卜卜，中間又軟熟，呢個幾好食女巫，係墨魚仔紅菜頭汁冷麵，酸酸甜甜，幾特別，夏天食幾清新脆烤豬腩，個皮真係好脆，不過有d膩，蔥絲好有辣勁Oreo cheesecake,就係Oreo cheesecake 正常Oreo cheesecake 咁嘅味Lemonade 就係正常lemonade 咁嘅味Dirty揀咗nutty，咖啡好香，又夠熱，奶夠凍，呢個正😍…查看更多

好癲啊，我哋入座時差不多4點，都仲好多人排隊樓面完全唔夠人，不過職員好快手，亦好有禮貌，上菜速度亦好快點咗招牌滑蛋鰻魚飯，滑蛋好滑好蛋，鰻魚細條咗d，側邊伴碟果d青紅椒同薯仔咁好味嘅🥰，呢個果然係招牌啊忌廉大蝦意粉，個汁真係冇乜味播，搞搞佢好播鮮奶抹茶，有個刷，有得玩下咁蝶豆花伯爵茶捲蛋，食到蝶豆花味，又食到伯爵茶忌廉，捲蛋軟熟，呢個幾好蘋果芝士蛋糕，中間有蘋果肉芝士味香濃，口感綿滑，唔錯，不過甜咗少少奶黃牛角酥，擺盤幾靚，但個牛角包完全fail, 急凍牛角包加pat奶黃係上面，我唔識欣賞總括嚟講價錢算抵食，ok 啦不過侍應得一個，仲要做埋收銀，四點幾仲不停有新客入嚟，應該連飯都未食，因為見到佢好陰公咁拎住碟沙律襯冇人為意食左幾啖，請人啦師兄…查看更多