keyyyychan的个人专页

之前食過覺得呢間嘅Pizza幾好食，但因為今次得兩個人，費事嗌太多就嗌咗一個意大利海鮮飯同美國特級安格斯肉眼扒。真係好少何會忍唔住留個劣評🤢先講講個海鮮飯，成個飯得啲汁好食，入面得三隻青口，仲要其中一個得個殼，冇肉😮‍💨然後啲飯好似未煮熟咁，勁生勁硬。份量又細，一個細胃口嘅人食應該都只係啱啱好。諗住12安士嘅肉眼扒都會好大份可以彌補返，結果又係貨不對辦，肉眼唔難食不過好細塊，肯定冇12安士。最好笑係杯朱古力，收成$45杯好心就唔好咁孤寒咁細杯啦🤣真係少得可憐😮‍💨一啖冇晒。朋友生日仲要乜都冇得送，講真呢個價錢一定唔係平㗎啦，但係絕對唔係俾唔起，而係對食品質素或多或少都會有期望，咁嘅質素完全對唔住個價錢。如果唔係多人嚟食pizza嘅話真係絕對唔建議嚟食👎🏻👎🏻👎🏻…查看更多

黎到紅磡唔知食咩好？可以試吓呢間正宗嘅韓式餐廳，餐廳老闆都係韓國人嚟㗎🇰🇷所以啲嘢食都非常地道💯同朋友唔算好肚餓，所以份量都比較細，不過貴精不貴多✨鐵板芝士甜酸炸雞🧀🐥呢個真係極推‼️會話好食過韓國嘅炸雞🤣炸雞外脆內軟，而且唔會太多炸粉，再加埋有大量拉絲芝士，啱晒我呢位芝士控😆😆😆醬油蟹飯🦀好多人擔心食完生嘢會腸胃唔舒服，不過呢間餐廳嘅醬油蟹非常之乾淨，而且調味適中，唔會過分淡或者過分鹹，非常啱我胃口😋…查看更多

🧚🏻收工同朋友搵食，揀咗呢間位置方便，又開得夜嘅日本餐廳🇯🇵感覺溫馨又舒適🫶🏻整體份量適中，價錢唔貴，所以可以嗌多幾款試吓～------------------------------我哋嗌咗：🌟麻辣牛舌🌟鹽燒雞翼🌟和牛串🌟蒜燒川式茄子🌟唐揚雞軟骨🌟三文魚蟹籽石鍋飯🌟鹽燒原條五花腩------------------------------兩個人食已經飽到一個點🤰🏻整體食物都好食😋炸物好脆口同juicy💦燒物燒到表面焦香，五花腩鎖住肉汁，配上燒汁，做下酒菜一流🍶另外就係石鍋飯係有飯焦的！非常香脆有口感🫰🏻推薦～…查看更多

有屋企人生日就揀咗呢間位於將軍澳中心嘅半放題燒烤，如果要食牛肉嘅話價錢都偏貴，要$595，不過好彩佢之後有七折，所以感覺上都幾抵食🤭一開始會有一個九格嘅高級牛肉，當中包括澳門同日本和牛，牛肉比較林身，而且有肉味得黎非常鮮嫩🫰🏻其後佢會有唔同嘅牛肉同小食，可以俾你任揀，個人認為佢嘅炸蝦同炸蠔都比較出色，牛舌同埋燒菠蘿都係必叫的‼️另外甜品方面佢都幾出色，佢有movenpick多種唔同口味選擇，配上戈夫，都幾唔錯👍🏻…查看更多

今日嚟咗中環呢間非常特別嘅日式餐廳，環境優雅，啲嘢食高質得犂又大份，啱晒收工去食，食完仲可以去下場Happy Hour🥂美食推介：🌟辣味三文魚🌟炙蟹膏厚燒玉子🌟牛油蒜香赤蝦🌟蔥吞拿魚拖羅蓉🌟炙燒洋蔥忌廉帶子🌟柚子左口魚🌟柚子胡椒油甘魚蓉🌟夏威夷肥仔 🌟免治雞肉軟骨棒伴日本🌟豆腐豆腐沙律🌟日式鰻魚蛋包飯佢嘅腐皮壽司飯係必叫的‼️而且都特別推介佢嘅鰻魚蛋包飯因為食唔到有骨嘅，非常加分💯…查看更多

黎到銅鑼灣食完飯唔知食乜甜品好？可以試吓呢間hesheeat！雖然佢都係一間Cafe，而且有唔同嘅西餐食，不過我多數黎食佢哋嘅甜品～- - - - - - - - - - - - - - 🌟朱古力山系刨冰🍫🌟宇治抹茶紅豆白玉刨冰🍵山系刨冰都令我非常有驚喜🍧配上煉奶，而家刨冰都係用牛奶刨出來，所以味道唔會好淡，而且好有層次感- - - - - - - - - - - - - - 🌟檸檬班戟呢個真係我嘅至愛，佢嘅檸檬吉士醬非常開胃🍋配上脆脆，雖然略嫌細份，但係真係好好食😋…查看更多

終於有機會去到burgermatehk_official 🍔以前見過人asmr都有推介過呢間已經覺得好吸引🤩 --------------------Snacks：🌟Black truffle fries🌟Fried chicken--------------------Burgers：🌟黑松露蘑菇安格斯牛漢堡🌟頂級A5日本上州牛和牛漢堡📌牛肉分別來自US同日本，如果鍾意食肉味重嘅可以揀安格斯牛🐄和牛基本上入口即溶，但好有油香味，兩者都好Juicy💦--------------------雖然餐廳範圍唔算大，但係五臟俱全🎑喜歡chill vibe的可以一試，而且佢都會做外賣的🏍️🌮🍟🍕🥤…查看更多

早幾日屋企人生日就去咗呢間美心開嘅美中鴨子，真係要早啲去攞位，因為佢唔接受Booking而且7:00喺出面排晒隊🤣我哋好好彩6:30已經入坐整體上佢嘅嘢都幾好食，上海嘢為主，小籠包皮薄多汁，上海粗炒同埋金腿鮮箘飯都非常有鑊氣👍🏻而呢間餐廳最重點推介嘅就係佢嘅片皮鴨🦆建議大家兩個人以上食要嗌一份，因為佢都偏細份，但係肉質鮮嫩多汁，而且鴨皮非常脆，啲油香味加埋配菜同埋餅皮包住一齊食真係回味無窮，非常推薦‼️呢度唯一唔好就係啲服務員態度唔係咁好，好似唔優生意咁😅不過始終係連鎖店有一定嘅知名度同埋客量，係有質量保證…查看更多

每一次嚟葵芳都要食呢一間嘅日式Cafe，因為本人本身好鍾意食麵/烏冬，佢呢度主打麵類，而且佢啲汁尤其出色，而且啲食物質素都唔錯，只係呢間不嬲出名服務態度都唔係特別好🤣但係今次新來左一個經理態度非常好，而且仲用日文歡迎你，令我非常改觀😁今次同朋友嗌咗四個餐：包括🌟明太子忌廉烏冬🌟牛肉壽喜燒烏冬🌟厚切煙肉卡邦尼意粉🌟唐楊炸雞咖喱湯鍋燒烏冬個人最喜歡食明太子忌廉烏冬，雖然有啲齋，但好好食，如果鍾意食肉嘅朋友可以揀選白咖喱雞扒烏冬，都唔錯㗎～…查看更多

有屋企人推薦呢間半仼食邊爐，於是就提前預約咗同父母嚟試吓，完全夠晒飽非常抵食😋而且質素高。另外入面都有唔同嘅火鍋配料同埋飲品可以任攞。地方非常寬敞坐得幾舒服。前菜評分: 3/5🌟🌟🌟香辣烤魚評分: 5/5🌟🌟🌟🌟🌟佢嘅配料非常香，花椒八角芽菜乜都齊，條魚先係精華所在，煎得非常香脆，即是有辣椒油蓋住都依然脆卜卜👍🏻所以極度推薦主菜揀選烤魚 皮蛋芫荽鍋評分: 4/5🌟🌟🌟🌟相比考完呢個鍋比較失色芫荽同皮蛋都唔夠，不過勝在佢嘅牛肉非常嫩滑，而且有牛肉味，幫佢加咗唔少分一堆海鮮評分: 4/5🌟🌟🌟🌟非常新鮮，而且每人一份，非常貼心…查看更多

日前同朋友食生日飯，諗唔到食邊間好，但又想食韓燒，就嚟咗呢間牛魔試吓。結果估唔到意外地高質‼️我哋嗌咗一個二人餐 — 牛魔Premium Set🤍$998二位：🌟牛魔古法清泡菜及前菜🌟梅酒蕃茄🌟櫻花蝦豆腐🌟煙燻蘋果木松露和牛他他🌟特上牛舌條🌟A4牛魔野原燒🌟三藏和牛盛宴🌟黑松露黃牛肉，碎炒飯和牛一定係必食嘅🐄入口即溶非常juicy，而且和牛他他非常好食，完全唔會有血腥味，口感似魚生👌🏻而且呢個價錢非常合理，因為食材真係新鮮同有質素，如果包埋個甜品就真係非常圓滿🤤 …查看更多

行開銅鑼灣，晚餐唔知食乜就試吓呢間日本料理京都勝牛，地方都非常寬敞，坐得舒服首先前菜嗌咗一碟蟹籽青瓜蟹柳沙律🥗呢碟沙律非常開胃，完全冇吝嗇沙律醬🤣值得一試！元祖炸牛扒套餐🐄幾香脆，不過略嫌調味唔夠，所以建議大家配搭佢比嘅幼鹽一齊食，會好食好多👌🏻鹽燒比目魚🐟本身係想試佢個三文魚膠但係賣哂(｡ ́︿ ̀｡)唯有試吓佢嘅比目魚定食，但係出嚟都唔錯！完全冇失望，比目魚非常嫩滑，而且煎得香脆，香口好食👍🏻小食就嗌咗一個芝士年糕，冇咩特別同平時出面食嘅一樣～…查看更多

最近發現了呢間位於佐敦既驚世米線專門店🌟未食過嘅朋友仔真係要試吓！！！應該係我食過最好食嘅米線鋪之一❤️‍🔥 兩碗自選米線 $52一碗加咗炸醬豬紅同蘿蔔，令一碗就加咗牛肉雞肉同豬潤🍜佢嘅酸辣湯底都算係偏辣，再加上炸醬碎，都十分惹味👍🏻鮮蝦腐皮$26必試！！！本身麻麻地鍾意食腐皮，但係佢揸到非常香脆，外脆內軟，入面既蝦滑蝦味甚濃，夠哂煙韌🦐再配埋泰式辣醬，真係回味無窮❗️麻辣雞翼六隻$41又係好出色嘅餸，平時最怕啲雞翼入面鞋颯颯，但係佢剪嘅雞翼又係外脆內軟🪿剪到出面個皮卜卜脆，而且麻辣味唔算太重（辣度可以自選🌶️）啱晒我唔怕食得辣嘅客人🥵麻辣豬肚$26豬肚爽口、彈牙，唔會係咬唔難，配上麻辣汁，簡直絕配！如果你經開佐敦，非常推介你去食呢間平得黎又好食嘅米線😋😋🌟…查看更多

有一日行街無意中發現呢間幾高質嘅cafe，自此之後就愛上咗食佢嘅lunch set❤️‍🔥櫻花蝦忌廉意大利粉🍝呢個意大利粉，近乎每一次黎都必嗌！未食過咁好食嘅忌廉汁，而且有少少乾蝦碎，非常掛汁，極度推薦‼️另加芝士焗南瓜 雞翼鎚🥘呢個小吃係意大利粉追加的，結果出奇地大份，南瓜入面有非常多嘅拉絲芝士🧀而且好有驚喜地入面有一隻溫泉蛋🐣配搭了南瓜蓉非常唔錯！蕃茄肉醬焗薯蓉🫕呢個唯一少少挑剔嘅就係蕃茄醬有啲酸，但係薯蓉非常smoothie，整體唔太差…查看更多

對於鍾意食burger嘅人嚟講呢間位於旺角黑布街既ghetto簡直係天堂😍🍔🍟🥤因為佢全部嘢都好食到不得了‼️ 而且價錢合理又唔貴極推🌟🌟🌟貧民窟大魔王漢堡🍔 (有兩塊漢堡 配料乜都有啲smth like all the way~）芝士墨西哥粟米片🌮另加黑松露醬🫕Strawberry/blueberry Smoothies🍦🥛一定會再encore，太喜歡吃漢堡了，係我吃過最喜歡嘅漢堡店之一🤤❤️‍🔥…查看更多