shing2386's Profile

之前都聽到人地講呢間分店成日錯單，咁我以為係單一事件，咁就冇為意啦，但發現原來唔係！我就打電話落單，個員工本身落單都落得好慢，每一句都要重複好多次佢先落到單，咁我淨係叫一碗米線姐。其實都唔難禁機。咁都算啦佢都好禮貌既。咁上到去拎，我明明要走配菜，佢全部都冇走到，之後我叫咗竹笙，但又冇比到我。🤷🏻‍♀️咁佢落單落咁耐係有咩意義？最終都係求其比。最後佢補返俾我啦。但係d竹笙少得可憐。好似得三舊？其實我個餸都唔平。之後個人又犯賤，再俾多次機會佢。試吓其他餸。但原來員工係唔會進步。相同既事情係會繼續發生，都一樣係錯單。配菜仍然都係冇走到😔 證明呢間公司嘅員工係唔會改善。真係唔會再比機會佢。溫馨提示;如果放lunch想食佢，記得預多半個鐘，因為佢錯單嘅機會率好高所以要比多d時間佢再煮過。🙂…Read More

真係俾錢買難受，員工嘅態度又差，長期都呼呼喝喝咁，說話聽到勁un 耳，幫襯你好似要受你氣咁😡如果你話你食物質素好好我都可以忍你，但你又唔係喎！都唔知點解可以做到今時今日？仲話超級無敵？😓 啲河粉又粗，好似食緊烏冬咁，完全唔似河粉，滷水雞翼d肉又鞋，明明叫三餸返到屋企變咗兩餸。份量愈嚟愈細。加埋啲湯都係得個碗嘅一半。就真係只係好在平囉！不過食完都仲係要買其他嘢先會夠飽，真係得不償失！ 真係不可一不可再！！西灣河又唔係得佢一間車仔麵，有好多更好嘅選擇！！真係唔一定要食佢🤦🏻‍♀️ …Read More