Mell Chan的个人专页

上星期五約左朋友黎望月軒飲茶傾下計環境幾舒適, 望住海景探光一流, 坐得都幾舒服我地叫左蝦餃、燒賣皇、炸蝦多士、鳳爪排骨飯、牛肉球同芋泥燉奶蝦餃同燒賣都好好食, 夠哂大粒!!!蝦餃餡勁多蝦, 仲要好爽口, 蝦餃皮厚薄適中, 係幾好食燒賣都幾滿意, 蝦肉同豬肉比例剛好, 蒸得夠乾身炸蝦多士係酒樓比較少見, 見到就梗係唔會錯過啦蝦多士會跟埋沙律醬俾你, 熱辣辣炸起, 多士外層佈滿芝麻, 食落勁甘香, 蝦膠餡豐富, 堅係好食!!而排骨飯同牛肉球都係水準之作芋泥燉奶份量就少左啲, 我地都以為係一碗既份量, 原來係比茶杯大少少既size, 有d意想不到不過呢個燉奶真係好香滑, 芋頭味好濃郁, 甜度適中,食落係食物既天然味道, 無加太多砂糖入去做調味, 值得推介!…查看更多

為左慶祝公司唔洗再放無薪假, 約左朋友一齊食麻辣火鍋賀一賀之前食過劉一手, 今次就黎試下成都老碼頭餐廳格局幾舒服, 枱夠哂大, 枱與枱之間距離亦都好足充上次去食劉一手, 明明個場勁多吉枱, 居然都要求我地同人搭枱....呢度有好多醬料供應之外仲有圍裙同埋水果供應, 呢樣亦都比劉一手做得出色我地叫左鵝腸、毛肚、牛舌、澳洲肥牛、老友鬼鬼同其他丸類湯底就叫左成都麻辣不過只係敢叫小辣食物好快送哂上枱湯底一滾起即刻流哂口水, 麻辣個種令人又愛又恨既味道真係好吸引人...鵝腸幾爽脆同乾淨~毛肚就勁索湯, 用黎食麻辣湯底真係啱哂肥牛同牛舌都一樣好正老友鬼鬼都係必點之一, 油炸鬼索滿湯個感覺係會令人忍唔住狂食總括黎講呢間成都老碼頭出色過劉一手, 下次想食麻辣火鍋一定黎返成都老碼頭…查看更多

今次係第三次嚟啦，其實唔單止小朋友鐘意呢度，我自己都幾鐘意嚟架。因為呢，好難係香港搵到一個咁大嘅空間坐下，望住啲小朋友玩都幾舒壓架。加上呢度啲嘢食都唔錯架，幾啱我口味，我自己有時都會叫兒童餐嚟食架，好似搵返自己嘅童心咁。設施我就不詳細講啦，重點講下間餐廳，味道都迎合小朋友口味，味道會輕盈啲清新啲，無咁重口味。菜式啲名改得好得意，擺盤又精緻。價錢方面就稍貴咗少少，不過都係接受到嘅範圍內。一個兒童餐，有水果，有肉，有菜，又有湯羹和得意嘅公仔包。營養滿分，小朋友係度玩得開心，食得又健康，所以趁佢仲細，帶佢嚟玩多幾次。…查看更多

趁天時仲未開始凍，去食餐燒肉先！其實天氣溫度只係藉口，我只是想食餐燒肉姐！數下數下大家都有成半年無見啦，難得聚埋一齊，實要食餐好嘅！食西餐又太悶，中餐又食到厭，打邊爐又無咩創意，食燒肉就就最好啦！（其實係我自己特別想食燒肉！）燒肉店係旺角周街都係，荃灣就少見啦，尚八我之前係旺角都有食過，咁朋友就話想試下和牛放題。人均係三四百蚊，貴定唔貴，咁就睇你點睇啦。荃灣呢邊嘅環境好似闊落啲，加上新開，環境好新淨，坐得幾舒服。和牛係A4級嘅特選和牛，有多款部位可選。我地都幾滿意嘅，覺得無伏，就算叫咗幾round，都無出現話質素下降嘅情況。任食嚟講都算係咁，當然比唔上單點嘅日式餐廳質素咁高，但以呢個價錢去睇都尚算可以。必點推介：牛前肩，牛胸腹，芝麻雞翼。…查看更多

朋友早幾日約我話補返我餐生日飯~仲話帶我食D特別既蒸氣鍋~但要去到火炭個邊為左食我係唔會嫌遠既~一於去試試佢餐廳既門面好似CAFE~我爭D走漏眼睇唔到內裡既裝修其實都算幾舒服自在，原來仲間唔中會有LIVE BAND架添每道食物所跟配既蔬菜都好特別，呢樣都係吸引到我地黎食既原因之一。例如龍躉件配花生芽、豆豉蒸扇貝會配蒜芯、蒸本地雞件配紫洋蔥、蕃薯蜆配波菜苗等等...我仲見到隔離枱有紫色椰菜花添~可見餐廳對於營養均衡方面都有關注到講返食物先，餐廳咁著重健康，所以佢地既食材都唔會落太多調味料，反而食到食物原本既鮮甜味道，呢樣都係值得一讚龍躉件剛好分配到多肉既部位俾我地，食落啖啖肉，根本唔需要豉油既點綴都已經好好食！扇貝都幾大隻，配上豆豉原來又幾唔錯喎 (本身個人唔鐘意食豆豉)~最值得一提既就係鮮拆蟹肉手工玫瑰花生豆腐啦~~佢個豆腐真係塑造成玫瑰花形，而由於佢係加入左蝶豆花去整，所以顏色係灰灰藍藍咁豆腐個質感就偏向結實，同我認知既豆腐質感完全唔同~豆腐入面亦都真係有滿滿既蟹肉，係一絲絲真材實料既蟹肉，唔係用蟹柳黎扮~結尾食埋個十六穀粥~既豐富又綿滑，為美妙晚餐寫上句號。…查看更多

今日同表哥打邊爐吹下水~我地兩個最鐘意去D散叫又高質既餐廳打邊爐架啦搵下搵下就搵到上品火鍋啦今晚點左一份刺身拼盤 ($488) 仲送一個火鍋湯底俾你~呢款刺身拼盤內容都幾豐富~有北寄貝、鮮帶子、象拔蚌、甜蝦、鮑魚、三文魚同埋泰式生蝦撈唔係講笑，刺身質素好過我預期喎！帶子唔係薄薄一片，都算有少少厚，食落好鮮甜！三文魚夠哂肥美新鮮夠凍！鮑魚就有三隻，每隻開兩邊，估唔到又幾爽口喎~不過最好笑都係個泰式生蝦撈, 醬汁夠哂惹味同埋夠辣！我同表哥都好鐘意！蝦又大大隻！湯底就揀左鮮茄薯仔牛粒鍋~茄味濃郁，配牛肉真係天生一對~同埋湯底有大量秀珍菇同蕃茄，可以慳返唔叫蔬菜雖然鍋底有牛粒，但都叫左一份安格斯肥牛~雪花紋幾靚，放入湯底滾佢十秒左右就食得~真係好食到只溶係口另外仲叫左流沙汁釀墨魚丸、貢丸、豬粉腸、鬼馬油條同埋烏冬墨魚丸彈牙可口，入面既流沙餡令成粒墨魚丸加唔少分~豬粉腸處理得幾好~無臭味最後落個烏冬做結尾，真係超正！…查看更多