KawaiWong3695的个人专页

本人於網上訂了蛋糕，當日前往位於銅鑼灣既cova 蛋糕店攞蛋糕，黎到時剛好有一位客人都係留左蛋糕，我便排系佢後面等，但係等左陣都無任何員工諗住問我野（當日在場至少三位員工以上）於等期間我留意到男店員眼神望到我，我望返佢諗住佢會示意幫我，因為前面客人一直無行開，我根本同唔到佢地講要攞蛋糕，直到我望住佢望到佢終於點頭示意叫我上前，我出示電話講明我黎攞蛋糕，佢見到我電話顯示qr code ，佢無講任何野只係用佢既手指指住scan qr code位，（請問作為店員既佢唔係應該講句：呢邊scan qr code呀），攞蛋糕出黎開比我睇，我睇完話ok ，佢無反應，因為佢一直左顧右盼，唔知望咩忙咩。佢問我要唔要袋，同我講唔要袋，可以用繩綁住個盒比我，要袋收1蚊，我答佢要袋，佢又無反應，因為佢對眼一直左望右望，根本聽唔到我講野，直到佢終於再問多次，我望住佢再大聲啲講：我要一個袋，佢先聽到。 最後，呢位男店員將已經放咗喺盒入邊嘅蛋糕放入袋，放上枱，其後呢位男店員對眼一直都係繼續望左望右咁同我講咗聲：未食要放落雪櫃，我講左句唔該便離開。同人對話唔係要望住人既咩？請唔好將‘忙’當係借口我知道香港本身無咩服務業態度好可言，但係，基本望住客講野聽野無理由做唔到，我買過平價，中價，貴價，無名蛋糕小店既蛋糕，今次係第一次攞蛋糕係咁差既經驗，令人很不愉快。…查看更多

今日天氣凍想食熱野，去開觀塘買完野見肚餓上網搵觀塘米線推介，見有人推介便順路一試呢間小店。一入去見到都唔少人食，但啲位按排得有啲奇怪，店員無打招呼我隨心搵左個位坐。第一次食當然食佢既招牌豬扒麻辣湯米線，我叫左少小辣，真係落單唔夠五分鐘碗米線就到，非常有效率，第一淡試湯，好夠麻好正😳，豬扒有三件，肉質唔韌，整體來說份量適中，有少少花生做配菜，呢碗米線對於我一個女仔黎講，唔細食都ok飽既。依家天氣凍，食完全身成暖笠笠，過左幾個鐘都唔口渴，👍，$44有咁既質素算唔錯。總結：下次黎再試埋其他野☺️，雖然餐廳啲位分配得有啲奇怪，不過唔怪得佢，地方淺窄係咁，如果有水主動提供就更加分啦。…查看更多

豬扒麻辣撈米線從未食過咁好食既麻辣撈米線，平時我鍾意食湯米線多，之前同同事一齊lunch是食左佢同一淡撈米，只係食一淡已經好好味，一試難忘，令我對撈米改觀😊豬扒好好食，又大份，唔油膩，剛剛好，建議食小辣，又香又好味😋好滿足小食魚皮：魚皮有啲韌，食佢需要有相當牙力，唔夠脆口，味道還可以糍粑：熱辣辣咁食有流心效果，很不錯，無我食過咁多間最好食既魚卜炸蝦膠好食好脆，外脆內熱軟，好食總結，會再幫親，很熱氣，食完生左幾粒瘡，食完有少少口渴，不過正常既，得閒食下唔錯，員工有交帶，有禮貌，👍…查看更多

中午放學打算買完番屋企那那聲zoom，結果我等足35分鐘先攞到個外賣。最過份既係遲黎落單外賣既早過我攞，走埋，仲要人地係有四個人，點解我一個人既要等咁耐仲遲過人地？點解唔都按落單先後次序整？我只係叫一餸，無叫野飲無叫其他野先，走餐具，唔分湯，我果份特別難整？我等左接近30分鐘時問，叫收銀姐姐幫我睇睇 追下，唔好意思都無聲，好似我等足30分鐘係應該咁，等到遲我落單既人都走埋，我真係嬲嬲地再去問，佢先系我面前追單🙂，最後外賣攞到黎比我就係一句唔好意思就打發我走。我外賣唔堂食就係因為唔得閒加疫情，你要我系門口等足你35分鐘要一個外賣，重點係點解事前落單比錢時無同我講清楚要等足半個鐘以上？ 好過份。…查看更多