Sumlau1201的个人专页

終於有機會試養心亭 ，見佢唔係花膠就係藥膳肉骨茶，補身健康已經好吸引🤩，三個人叫咗每人一樣嘢試食，包括：1. 海鮮米線湯 $72蕃茄湯好濃，仲要有新鮮蕃茄喺裏面，真材實料唔係溝蕃茄湯水超級好，雖然海鮮主要係蝦同埋青口，其他都係丸，不過配搭超好相當唔錯。2. 嫩滑鮮雞湯 $63鮮雞嫩滑，雞湯濃郁，不錯不錯。3. 藥膳霸王雞飯 $68呢個係三個餐之中，最最讚既一個餐，雞當然一樣嫩滑，藥膳湯底相當足料，飲咗唔會覺得好燥，感覺身體啱啱好受得到，另外點解豉油特別好味。 註： 最後由於個雞豉油太好味，同埋佢有免費添加飯、麵、粉，所以我哋多加一碗飯再添食🤣 食完都覺得有啲誇張養心亭翻食指數：💛💛💛💛💛💛💛💛💛🤍…查看更多

一直都係元氣壽司粉絲嘅fans，因為壽司嚟講佢嘅衛生程度唔錯，同埋最鍾意就係佢嘅飛機運送帶，我個仔成日都間唔中冇時停，但每次嚟到元気寿司見到架飛機車就會乖乖地，事關佢要等架車嚟送食物俾佢🤣🤣吞拿魚同埋三文魚系列超好食，同埋種類都多，另外小朋友兒童推介每次都叫蟹柳卷熟蝦同埋皇帝棒，三碟就夠晒，我小朋友食得飽飽又開心，不過當然最後一定要叫多個朱古力泡芙咁就滿足啦。今日happy Friday所以一定要嚟happy一下。 另外佢限定推介期期都有一啲新出產品會有啲期待😚😙另外而家食個滿$180就會抽獎一次，我哋今次抽到個三文魚手卷🥳🥳🥳…查看更多

民豐粉麵食品公司售賣嘅開心果糯米糍，今日終於食到啦，之前一直食唔到，因為太多人排隊又每次趕時間，唯有只有有得睇冇得食，但係屋企人買咗一盒六粒 ，終於有得試。首先價錢嚟講$12一粒，喺香港嘅價錢嚟講真係好正常，不過真係如果開心果裏面嘅餡料再多啲嘅話就會更好更開心，不過佢嘅外皮超級煙靭同埋軟滑，真係綿綿的，不過我相信真係新鮮食先至有呢一個嘅口感。 同埋有諗過請同事當小食，或者當散水糯米糍都幾唔錯🤭🤭🤭🤭翻食指數：💛💛💛💛💛💛💛💛💛🤍…查看更多

今日決定唔再食M記，支持小店，離開深水埗嚟到好有回憶屹立不倒好耐嘅馬德里，事關我由學生到返工都有食佢，不過早餐就係第一次，佢都好多選擇最後叫咗： 煙三文魚炒蛋牛角包 🥐，配熱辣辣奶茶 其實原本想食鹹牛肉炒蛋熱狗包，但因為喉嚨唔舒服唔想食太鹹嘢，所以就食咗呢一個清新一啲嘅煙三文魚炒蛋牛角包，份量比我想像中大，佢同餐牌嘅相都差唔多，好夠飽同埋好味。 另外熱奶茶都好OK多奶夠熱👍🏻 同埋好鍾意佢不停播放舊歌，另外有好多嘅回憶同埋舊歌真係好好聽💛💛 下次一定要再嚟食…查看更多

夜晚同同事食飯，三個人order咗三樣嘢，原本其實一心諗住食炸雞，因為之前食過好食，但係分別其中兩個人一個有喉嚨痛另一個唔夠瞓，所以要揀啲溫和啲嘅食物，最後叫咗以下三樣嘢：1. 牛骨濃湯拌飯牛骨湯底超級好味，佢底有啲粉絲或者拌飯都好食，個牛超腍，牛同埋蘿蔔入晒湯的味道，真係超級正。翻食指數：💛💛💛💛💛💛💛💛🤍🤍2. 紫菜炸粉絲年糕雜錦紫菜卷同埋年糕雜菜正常味道，第一次食炸粉絲有啲驚喜。翻食指數：💛💛💛💛💛💛🤍🤍🤍🤍3. 芝士雞蛋卷 呢個芝士蛋捲係三樣嘢當中，我哋都覺得最好食，不過提醒一定要趁熱食芝士仲係腍身，同埋拉絲超開心。翻食指數： 💛💛💛💛💛💛💛💛💛💛…查看更多

喺沙田商業中心做嘢，如果打風落雨，唔想出去外面食飯，呢一間兩餸飯真係不二之選，今日四個同事叫咗以下兩餸飯，包括：1. 黃花魚 （黃花魚冇腥味，肉質新鮮嫩滑）2. 豬手 （豬手口感適中，唔過淋亦都唔過硬，有滿滿嘅骨膠原）3. 蕃茄蛋牛肉 （牛肉有好多片，蕃茄蛋酸味超級好，立即增加食慾）4. 椒鹽蝦 （椒鹽蝦超好味，同事話連殼食都可以）5. 魚香茄子肉碎 （重口味正常魚香茄子肉碎，因為本身超鍾意呢味餸，好味）6. 翠玉瓜炒肉片木耳 （因為好多肉點都要叫返啲菜中和下，多多翠玉瓜正）7. 豬扒 （呢個豬扒係唯一唔好食的🫣，好乾同埋好韌，不過只有佢一味餸唔好食其他都超好，所以都冇乜所謂）翻食指數：💛💛💛💛💛💛💛💛🤍🤍…查看更多

同事中午食飯介紹咗呢一間老媽拌麵台灣餐廳，叫咗以下3個餐： 1. 清燉牛肉湯麵 🍜清湯底牛骨煲超級濃郁，牛肉片厚大，面質亦不錯 。再食指數：💛💛💛💛💛💛💛🤍🤍🤍2. 香辣雜錦半湯肥牛鍋（伴飯）肥牛鍋個賣相超有驚喜，個鍋超大真係有爐火熱住，佢唔止有肥牛，仲有牛筋，骨膠原滿滿，份量亦都好足夠。再食指數：💛💛💛💛💛💛💛💛🤍🤍3. 椒麻手撕雞拌麵🍜拌麵嘅面質好味，份量都OK，不過真係超級超級辣，食唔到辣嘅人真係唔建議唔好嘗試，食到三份一頂唔順，請服務員俾一碗清湯底伴嚟食，辣到大大減低最後都食得晒。註：不過食得辣嘅人可能鍾意嘅🫣再食指數：💛💛💛🤍🤍🤍🤍🤍🤍🤍加配特飲推介：🥭芒果珍珠鮮奶🥭🥛呢個估唔到係巨好飲🤩 不過就+$20跟餐，真係不妨一試 必飲指數：💛💛💛💛💛💛💛💛💛🤍…查看更多

逢親行開返去買花都起碼一兩個鐘，跟住當然就會想喺附近休息吓同埋食返餐好，順便約朋友食個靚飯。 呢間 Victoria restaurant 都幾唔錯，首先價錢夜晚嚟講$100鬆啲每個人，食到個西餐坐得唔錯，份量仲要好足夠，同埋呢個價錢我仲要追加咗一份$28沙律，同埋仲要order多一份餐廳自製蛋糕。另外見佢啲set lunch都幾唔錯，下次中午可以再嚟食。所以行開花墟買完花覺得好攰呢間餐廳真係唔錯，佢原來仲有兩店，就係同一條街嗰度，其中一間間爆咗都可以去第二間。…查看更多

夜麻麻好口痕想食碗酸辣米線，隨心入咗呢一間「雲桂香酸辣米線店」，位置喺太子10分方便。叫咗一碗雲南小鍋酸辣米線$32，再加$15豬頸肉，套餐再加$8凍檸茶，最後埋單$55夜晚食相當經濟。小窩米線方面，叫咗少少辣，咁所以佢嘅辣度係啱啱好真係唔係好食得辣嘅都接受到，但係酸度方面，就真係唔係好夠，至於豬頸肉係唔係我想像中嘅薄片，反而係厚身豬頸頸肉，唔知點解我覺得自己好似食緊豬軟骨🤣🤣，不過味道都可以接受，整體嚟講都算唔錯。 至於凍檸茶就中規中矩，正正常常。 …查看更多

原本知道因為未能續租因素會結業，在呢間店結業，當晚特登來食最後晚餐，誰知最後租約可以處理到，可以繼續營運真係睇呢間特色餐廳開心。 佢嘅鷹嘴豆醬同彼得包真係冇得輸，普通貝果麵包配特色醬，跟住又超級好食，佢嘅獨特味道真係之後佢先可以食到。 當晚特別嘅係，有一張枱有位叔叔自彈自唱，超級有特色，主要係日文同埋一啲懷舊金曲。即刻氣氛滿滿。叔叔唔止音樂有才，畫工都一流，佢仲即場送咗米奇老鼠唐老鴨圖畫俾我仔仔，跟住仲要喺佢手上高畫咗一隻，仲要加埋閃石，仔仔開心咗好耐。…查看更多

朋友生日，佢想去山頂懷念一下，兒時同父親係山頂嘅美好時光，所以搭纜車上山頂搵餐好嘢食生日飯。但大部份餐廳價錢都偏高，最後竟然俾我搵到呢間雍雅山房，我哋五個人都係食咗$1000左右，不過當然係食晏晝啦。環境超級舒服，服務員知道朋友生日唔熱得坐唔到室外，所以揀咗個窗口位俾我哋😍，跟住每樣餸都好精緻，特別個熊飲奶茶，一大嚿冰係熊人公仔超級可愛，生日蛋糕可以喺個碟度上名，唔需要額外收費，真係特別開心。朋友原本話唔想嚟呢度，因為覺得好似普通餐廳，點知真係好有驚喜。…查看更多

同事介紹長洲有一間好好味嘅甜品舖，每次去長洲佢同丫囡都必食。所以一直心思思，如果去揾日去長洲一定要試一次，而呢度嘅必食推介就係「焗火焰雪山蛋糕🍰」～ 聽個名都幾勁，朋友同我嚟（因佢食過）仲唔同我講會發生啲咩事，點知果到店員關燈和拉晒門口黑布黑鼆鼆，跟住就喺個蛋糕上面點火，🤣🤣本人覺得好有儀式感，如果比朋友做生日驚喜真係一定有D驚喜，同埋都好好味！另外再點多個拉米蘇蛋糕，都好不錯👍🏻 剛剛好❤️❤️❤️ 下次再來長洲都要再嚟食😆…查看更多

本身我哋住東涌，一家人突然好想食個海鮮，加理想同小朋友去沙灘玩一玩，一般人都會諗起去長洲，不過身為東涌友，梗係去返最近嘅梅窩 啦。 其實係第一次喺梅窩食海鮮，估唔到有驚喜，五大一細，叫咗蠔餅、生炒骨、椒鹽鮮魷、小炒王再加個炒飯，每人叫一味，重點海鮮新鮮，小炒有鑊氣，仲要喺個海灘靚景隔離食，真係完全加晒分，小朋友睇住個海吹下風都超級開心，長輩都大讚揀呢間餐廳掂丫。 雖然食完海鮮諗住去沙灘玩，點知落雨，但係食到呢餐海鮮餐都覺得滿意啦。…查看更多

長洲出名海鮮，興樂菜館真係首選，因為之前食過其他令我好失望，都覺得好一般，不過自從食咗呢一間原居民朋友介紹嘅興樂菜館，每次嚟長洲要食海鮮就一定揀呢間，因為呢間真係特別新鮮。我和朋友同仔仔一齊食，叫咗三個餸一個飯，分別椒鹽魷魚、薑蔥炒蟹、粉絲蒸扇貝，椒鹽魷魚仔仔佢自己一個已食咗大半碟，重點要點醬汁，粉絲蒸扇貝配飯小朋友都好鍾意，重點係配海景，簡直一流。同埋我哋平日同埋12點前入座，所以唔多人，坐得舒適，傾計輕鬆食飯一下最啱。…查看更多

好開心鍾意嚟到Frozen主題餐廳，我和仔仔都等咗好耐，今個月仲要仔仔生日，有買一送一優惠，所以叫咗兩個兒童餐，另加咗一個凍蝦配海鮮醬（只需$55），兒童餐份量好OK，個炸糖環都幾好食。由於夜晚太多人，室內地方已經坐滿左人，唯有喺室外用餐，但係估唔到室外環境仲正，有河畔水池景，同埋夜晚都唔太熱，期間都有職員幫手帶位，以免人流擠擁。不過大人嚟講反而凍蝦配海鮮醬令我最開心。因為其他餐廳其實都食過，相比之下其實呢間環境價錢嚟講都算好唔錯，下次可以再嚟。…查看更多