朋友係要見，一句要聚了四位Lady 成日來來去去都係食日餐，燒肉，真係想食番啲西式嘢，仲想唔好咁急趕慢慢傾吓心事最後簡咗呢間，望吓個Menu 見到有隻燒雞要預訂？ 覺得四個人應該食得晒，訂位時都特登預訂咗，結果完全無失望，首先個賣相靚到完全要狂打咭，接著店員好like咁話打完咭襯熱幫我哋處理，等我哋可以完全食到佢嘅juicy ❤️一放回枱已香氣撲鼻，隻雞好嫩口同埋連雞胸都滑到不得了，雖然隻雞個價錢真係令我卻步，但好在問過姐妹一齊括出去要食，食咗無後悔👍跟住要讚吓個沙律，本身女士叫沙律係純粹覺得想食清啲，但啲菜真係好新鮮，好脆，仲有佢有個蜂蜜盞（應該咁叫掛）,我以前都有食過，但之前食果啲，個盞好似香口膠咁好快無味同要吐出嚟，唔知點解呢個清甜仲要無渣㗎，完全可以食落肚👍食咗個威靈頓牛，個酥皮好好食呀，但個牛我就覺一般，唔係我想像中咁軟身，下次有機會會試個咸靈頓鴿🤔杯cappuccino朋友飲的，佢不斷讚不斷話好值，但我唔飲咖啡，所以我俾唔到意見最後啲甜品，賣相完全係惦，打咭一流味道好啱我哋，清晒枱，臨走仲要買多兩件散餅做宵夜🤫🤫
…查看更多
…查看更多
