清水寺的個人專頁

金牌即燒乳豬，例牌有10塊左右，非常香脆，好好味鎮店鹵水乳鴿皇，同平時食開的差不多呀生炒上肉排，肉排有肉但唔肥，吠落幾鬆化，汁都好味粟米魚塊，不太喜歡佢分上形式，粟米汁就稀左少少，可以讚既係個魚塊不似雪藏魚，幾鮮味道，炸粉唔厚，岩岩好啫啫唐生菜煲，食落唔普通，味香俱全，砂煲上好惹味…查看更多

招牌脆炸單骨雞亦，招牌菜之一，我見好多人都叫，幾香脆但較乾。炸海鮮春卷，細細粒幾得意，味道OK。泰式豬肉丸湯河，豬肉丸幾彈牙，河粉林左少少。帶子墨魚麵，無乜特別較普通椰子千層蛋糕，勁多cream，椰子肉不多，食兩啖是可以的，食得多好漏。泰式咖啡，香濃味美。雖然無想像之中好，價錢都偏貴點，但仍對其他未點既菜式有興趣，下次可再試下。…查看更多

鐘意飲茶吃點心，但吃得多傳統式點心會覺得有點悶，今次試下D新色點心呀!鮮上肉響鈴: 響鈴一般打邊爐先會食到，估唔到可以放入腸粉，又特別又好食。芝心脆炸蝦球: 炸蝦球好香脆，入面芝心都好濃。鮮蝦肉餅竹筒飯: 蝦肉餅有鮮味再加竹筒香味，好味。脆皮麥心小煎堆: 入面似是麥芽糖，味道就一般。紫米珍珠雞: 用紫米黎做又香又甜，good!斑蘭馬拉糕: 好香好特別，個個都like! …查看更多

好耐無食過Ruby Tuesday, 今次朋友有半價card就可以去食下，否則平時就未必會考慮食了。Ribs and Wings，Ribs味道幾甜，幾多肉食又夠juicy。Wings都好有味幾好食。Steak，大塊又幾厚，算OK但唔算好出色。帶子蝦芝士通粉，很rich既芝士，帶子同蝦都好爽口。仲有一個牛肉薄餅，薄餅皮厚度適中，個內裡配搭都唔錯。…查看更多

特餐$63加一豬骨湯公仔麵配叻沙肥牛，即係沙爹牛麵咁既款，中規中矩湯底，叻沙肥牛亦算OK。炒蛋(農場雞蛋)配牛角包，炒蛋好MILK好滑但非常漏，牛角包牛油味香，外層唔算脆，但幾鬆軟都好食。杯咖啡也OK…查看更多

麵包算OK澳州佛羅倫斯式厚切T骨牛扒 $780, 個名好長但並不特別，本身塊扒牛味欠奉，起初我地要五成但卻好生，佢再去焗一焗佢，OK一點但不覺得滋味。酥炸雞翼 $135, 皮太厚又太乾，咬落有D韌，大小不一致很奇怪。這裡還是飲杯野好了，侍應們都忙著顧outdoor的人客，坐入面無人理會，叫天不應叫地不聞。…查看更多

鮮蝦cocktail, 真好鮮，好爽口，真有蝦味。Porterhouse T-Bone, 兩人份, 兩人都食唔哂，因為好大份加上又叫下其他野食。T-bone扒肉汁濃郁，五成熟入口溶化，真心推介!芝士通粉，芝士汁勁濃，好味但吃得多會漏左。麵包糠炸蘑菇，兩種食物加起來好夾，幾好食又唔油。…查看更多

香煎蘿蔔糕，煎得外脆，真材實料。香莤叉燒腸，叉燒大細適中，質地OK。五穀荷葉飯，清香好味。家鄉煎魚餅，香口鬆軟。蟹籽燒賣，正常不會差。黑椒牛仔骨，略肥但味道可以，幾林。…查看更多

雞亦：吾大隻但係入味十足，皮薄薄都幾好咬，小吃必選。日式餃子：外層煎得少少脆，入面餡料幾多，肉鮮好味道。菠蘿印尼炒飯：口味新鮮，份量大兩個人食都可以。最後叫左tiramisu格格脆，厚多士格格脆撈埋tiramisu醬及雪糕一齊食，非常正好好味！…查看更多

酥炸軟殼蟹 $118, 炸得很脆很香，不太油，最個最好味。泰式生蝦刺身 $188, 蝦很鮮嫩，加埋汁及雜菜一起食都幾好。紅咖哩烤鴨 $168, 鴨肉普通貨色，咖哩味唔夠濃。紫蘇葉炒牛肉粒 $148, 最失望失色既一道菜，同炒免治牛肉一樣普通又無味。蟹肉炒飯 $128, 同樣普通無乜味道。…查看更多

奇異咕嚕蝦球$168，被佢"奇異"兩個字吸引左，以為幾特別，原來只係普通的咕嚕汁再加炒幾舊奇異果肉，仲要好酸添呀。香芒軟枕 $36，真係好香軟似枕頭，無改錯名，好好味。雪頂餐包 $30，面層的薄酥皮係日式菠蘿包果種，成個包都焗得好香好脆，襯埋入面既奶皇餡，非常好味!蛋撻仔 $26，OK也很好。斑肉雲勝魚湯泡西施粉 $148，斑肉總算唔係雪藏有鮮味，雲勝魚湯甜美，西施粉爽滑。其他點心仲有燒賣、鮑汁鳳爪和馬拉糕，全部也不錯。…查看更多

睇到有很多好評，亦有不少批評，我都決定長途拔涉去試下。講真上環對於我黎講真係遠呀。一上到去無幾耐，發現大多數人所投訴既係無講錯架，店員忙著睇你唔到，無人理會，企係又焗又窄既走廊等，不過我都算好彩，等左一陣都有人理我安排我入去坐喇，入面真係無乜冷氣，但都好過出面啦。坐低之後揀野食，當然即刻要點綠茶心太軟，搵勻MENU都無寫，咁就出去counter直接對他們ORDER啦，再ORDER多件angel cake，返埋位等，心太軟我預左等得耐，但無諗過可以即刻夾出黎既CAKE都要等咁耐囉。算啦總算等到，Angel Cake $38, 上面係綠茶忌廉都OK幾好味，下面就係無乜特別既綠茶蛋糕，無乜甜有D苦澀。等左真係有半個鐘既綠茶心太軟終於出黎，好心急將佢切開，見佢皮薄薄，蕩下蕩下好易穿的感覺，切開之後流心流出，視覺效果幾好，但略嫌稀左少少，味道都係無乜甜帶有些苦澀，整體來講都OK的，我自己認為甜度道可以調高一點中和一下個茶苦味會再好D。我希望店方會改善一下人手/SERVICE既問題，如果唔係宣傳谷得幾勁都無用，生意又接不到咁多，對客人又無好既服務，只會影響名聲。同埋間餐廳比人感覺係上黎嘆茶，咁應該調較一個舒適既空調，同埋舒服既座位。品質味道方面係ok既，我都想試埋個綠茶芝士餅同MATCHA SOUL。…查看更多

Green Tea Latte, $31 regular sizeGreen Tea Latte即係綠茶粉溝鮮奶，沒有咖啡成份但都叫做latte架，我自己點沖都整唔到出面coffee shop既味，所以都要比錢出街飲啦。每一次我一定飲熱，可以保留返濃香奶味同綠茶茶香，色澤翠綠一定係用靚既綠茶粉先做得到，泡沬只係令杯奶賣相好d及貴價一點，對口感同味道無乜幫助，整體都是good的!…查看更多

泉章居係一個老野聚腳既地點，黎得e道都係食d家常屋企送或者係懷舊一啲既客家菜。今日兩個人食飯，就叫個三送一湯套餐好夠喇。例湯係花生雞腳湯，大大煲，味道適中接受啦。炸大腸，無太多肥膏，薄薄地炸得脆卜卜，要點埋甜酸醬先係最正。梅菜扣肉衣道最出名喇，年紀大了無以前食得咁多，一年食一兩次，每次食兩件好夠喇，倒多d梅菜同汁撈飯都很滿足呀。清蒸海上鮮一條，不過不失啦。…查看更多

一排無食板長，原來衣家用ipad點菜咁先進，我地啲老野都未算out得哂起碼都識用。左起: 吞拿魚沙律、芝士飛魚子、蟹肉蟹糕、龍蝦沙律，四款非新鮮類既海鮮壽司，又平最抵食，唔係期望食鮮野既話，叫衣啲撈飯食就最好。左下: 瀨尿蝦又乾又硬似食蝦乾，一d都唔好食呀。左上: 大吞拿魚腩睇上去已經唔靚，入口普通。右: 油甘魚腩和火炙吞拿魚腩，過得去啦。左起: 甜蝦ok，象拔蚌同埋帶子無乜味。右上池魚王，右下金目鯛，感覺都係無味的魚。到e碟喇，終於有返d味道勒，鰻魚，三文魚醬油漬，醋鯖魚唔會難食喇卦，ok啦!甜蛋太老喇。所以我話想食新鮮又好味海產類壽司要去其他地方食。…查看更多