katiecck的个人专页

魚生上枱嘅時候啲冰已經用咗一半，魚生浸住晒，根本唔夠膽食，炸物件件都黑晒乾爭爭，選擇又少，海鮮又唔新鮮，食咗半個鐘就走，差到不得了，啲食評全部做廣告，真係俾錢買難受😣…查看更多

Weekend 去中環歌賦街去了網紅環保袋店petite petite，同一條街發現新開既甜品店，即刻去試試新年和情人節期間限定商品‼️🍦草莓Dip 外皮係脆脆既士多啤梨味的朱古力，酸酸甜甜配埋北海道十勝牛乳軟雪糕，濃郁既牛奶味，口感綿密順滑，一啖即愛上❤️🧁原味泡芙泡芙表面滿滿既杏仁脆粒，裡面既奶油非常香甜，外脆內軟，口感豐富☺️🍓四重赤莓泡芙士多啤梨奶油+士多啤梨果醬+新鮮士多啤梨+鮮奶油既四重享受🙌🏻🙌🏻喜歡士多啤梨既必吃！店內都是即叫即做，製作過程一目瞭然，乾淨衛生，睇住店員做焦糖生乳酪既過程超治癒，下次再嚟！…查看更多

主打美式曲奇🍪餅乾太可愛了，厚厚的曲奇是外脆內軟的，不定期還會推出限定的口味！除了曲奇之外，最吸引我的是非常邪惡焦糖蘋果西多士，西多士外脆內軟配上酸甜的蘋果，甜品控表示很滿足，但建議大家叫一份分著吃，要不然就太飽了🤭咖啡也很特別，creme brulee latte 很出色，其他cafe 也比較少有，咖啡上面的奶泡加了脆脆的焦糖👍🏻👍🏻👍🏻環境也很舒服😌可以hea一個下晝👍🏻👍🏻…查看更多

平常吃鐵板燒都係慶祝生日、紀念日先會去食，畢竟人均消費都比較高，但4月16日香港出咗消費卷！即刻去食餐好既❤️我非常享受廚師🧑‍🍳係我哋面前煮菜的過程，每一道菜都非常用心，細緻入微，利落乾淨，鐵板燒就是要邊吃邊欣賞大廚既功夫👍🏻食材全部都食得出非常新鮮，銀鱈魚外脆內嫩，重點是大廚就連魚皮也煎得非常用心，再配上特製醬汁，真係好好食😋北海道帶子配上特製既醬油芝麻脆脆，增加咗帶子既口感🫶🏻深海虎蝦配南瓜龍蝦汁，醬汁香濃虎蝦爽口，日本A4黑毛和牛薄燒，和牛裡面包左脆脆蒜片，中和了和牛既油膩感，最後仲有櫻花蝦炒飯時上時再配香甜的味增湯、木魚味噌蒜頭漬同柚子蘿蔔，我好奇問大廚漬物和吸物不是前菜嗎？為什麼最後先上呢？大廚解釋正宗日本的吃法係配飯食既，確實木魚味噌蒜頭漬配炒飯的味道跟單吃食炒飯，真的很特別，好食好食☺️ 甜品係焦糖多士和奶凍，多士好香脆可口，完美結束今天既晚餐😚餐廳既服務態度也非常好，專業細心👍🏻套餐包括:1️⃣刺身三點2️⃣廚師精選沙拉3️⃣日式蟹肉蒸蛋4️⃣銀鱈魚5️⃣北海道帶子6️⃣深海虎蝦7️⃣日本A4黑毛和牛薄燒8️⃣櫻花蝦炒飯9️⃣漬物。吸物。甜品…查看更多

️明閣灣仔港灣道23號鷹君中心2樓(港鐵會展站B3出口，大約步行3分鐘)我期待已久的米其林粵菜，終於吃到了‼️香港入秋，天氣開始轉涼，明閣推出了金秋暖心套餐🍁限時優惠$768/位有8道菜，即刻去試試～～1️⃣明閣三小碟拍黃瓜🥒酒香醉鴨舌+脆香蜜汁風鱔球+陳醋紫海蜇醉鴨舌係無骨架，同我一樣的懶人最愛😂風鱔有驚艷到我，無唸到可以用炸的方式煮配蜜汁好夾🌟海蜇好開胃2️⃣川貝海底椰螺頭燉水鴨廣東人秋天必喝的湯非常滋潤🥣料都好足3️⃣黃金蟹粉百花龍躉球時令的黃金蟹粉配龍躉球太好吃啦😋直接比多份我🌝唔該4️⃣蠔王六頭鮑魚配天白菇鮑魚好入味👍🏻天白菇有調節人體新陳代謝、幫助消化、降低血壓的功效，令人元氣滿滿的菜5️⃣香辣燴牛尾平常牛尾大多數都是以紅酒🍷燴既，我第一次吃帶辣味的牛尾，無諗到牛尾可以加辣，廚師真的很用心😍6️⃣竹苼上湯扒菜遠食完味道比較濃既牛尾之後，上一碟比較清淡既菜，廚師照顧得我個胃好好🥰7️⃣生炒臘味糯米飯秋天一定要食吧，佢哋既臘味好香呀！8️⃣勁姜番薯桃膠湯圓糖水+鴛鴦美點雙輝真係勁姜連番薯🍠都有姜味，湯圓係我最愛既芝麻餡整體來講八道菜令人超級滿足，環境亦非常舒適好啱一家人聚會⭐…查看更多

For Single地址：西環堅尼地城厚和街6-18號滿發大廈地下D號舖(港鐵港島綫堅尼地城站B出口，步行3分鐘)最近好多人到堅尼地城海旁%打卡，其實堅尼地城仲有很多咖啡店值得去打歲卡架，我推介呢一間比大家！木系咖啡店☕️特別是佢哋每個月只用一種咖啡豆，利用烘焙及沖製的方法，讓大家感受咖啡的香味，所以店名叫《For Single》，早上佢哋係咖啡店，夜晚就會變成whiskey bar的。1️⃣Avomon bagel with salad on side忌廉芝士+牛油果配煙三文魚，bagel不會太硬，韌度適中2️⃣Eggado sourdough with salad on side炒蛋牛油果🥑小龍蝦沙律酸種麵包，仲配上三文魚籽，小龍蝦沙律有點鹹，但配上酸種麵包有中和到3️⃣Flat white + latte咖啡附上咖啡豆的小卡片，可以更瞭解這次飲的咖啡小知識☕️#hkfoodie #hkig #hkfood #hkblogger #hkcafe #香港大學 #kennendytown #hkcoffee #hkcoffeeshop #cotd #堅尼地城 #堅尼地城美食…查看更多

Le Jardin à Soho中環士丹頓街36-36B號地下E號鋪(港鐵中環站A2出口，步行大概8分鐘)呢間咖啡店小清新裝修又帶啲家既感覺，週末Brunch set $198有兩款前菜+一個主菜+$40可以再配一個pancake🥞我們由1:30坐到5:30，都無被趕走，店員仲一直好有善，間舖係元創坊附近，食完可以行吓！1️⃣牛扒+煎蛋+蘇格蘭蛋牛扒很細嫩，蘇格蘭蛋係店員推介一定要食既，碎豬肉外層香脆裡面的是半生熟蛋，層次得豐富2️⃣牛油果🥑班尼迪蛋蟹肉酸種麵包+美式薯餅+大澳蝦醬雞錘牛油果同班尼迪是絕配，蟹肉配洋蔥🧅三色椒🫑很清新，薯餅好有驚喜，薯粒一粒一粒分明，好食！蝦醬雞鎚，蝦醬味唔係太重，唔會太咸但係就比較乾身3️⃣冧酒提子配拖肥蘋果pancakePancake 的份量好足，厚厚的但很鬆軟，蛋味很香，即叫即做的，上枱嘅時候pancake 是熱的配上movenpick 既雪糕，跟酸甜既蘋果和提子🍇好食！…查看更多

Bestow地址: 旺角登打士廣場5樓(港鐵紅色線油麻地站A2出口，步行大概4分鐘）甜品櫃超靚～甜品都好多選擇！淨係諗揀邊款，我們都掙扎咗好耐，太難取捨最後3個人食了4款😍1️⃣熱情果柑橘開心果慕絲蛋糕開心果味比較濃，外層脆脆甜甜的，整體味道好夾2️⃣鐵觀音巴斯克芝士麻薯蛋糕首推！麻薯可拉絲的，濃濃既鐵觀音茶香味，唔會太甜既甜品，男仔都覺得好食！3️⃣海鹽焦糖蛋捲配焦糖脆脆蛋香味超香！蛋糕很綿密，同海鹽焦糖好夾4️⃣玄米茶豆腐慕絲蛋糕這個真的唔好食，味道好淡，口感怪怪，幾乎食唔到咩味道，可能係因為另外幾個蛋糕太出色，食到呢個真的有點失望😔被甜品蒙蔽咗雙眼，竟然唔記得咗影我杯咖啡，整體體驗ok既😅除咗豆腐蛋糕#hkfoodie #hkig #hkcake #hkcoffee #hkcoffeeshop #hkcafe #旺角coffeeshop #旺角美食 #旺角cafe …查看更多

蒜蓉牛腩炸蝦條煎米粉我確實未食過煎米粉，對我來講的確係一個驚喜，加咗雞蛋嘅粘米粉脆脆的，牛腩好入味，招牌蒜蓉辣醬超香，重口味人士一定勁愛！魔鬼菜心店員極力推介之下，我哋點左嚟食，胡椒湯底浸菜心再加左火腩，作為胡椒湯底嘅粉絲，就覺得唔錯啦蒜蓉辣醬撈公仔麵配豬扒+墨魚丸我完全迷上咗佢哋個蒜蓉辣醬配公仔麵更加好味😋侍應哥哥都會主動同你傾偈，介紹下你食啲咩好，人情味濃，佢哋仲有好多菜式我都係香港好少見到，之後會再去試其他款式，我超想試麻辣手撕雞五香肉丁撈通粉🤗味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #香港美食 #觀塘美食 #食評 #情侶好去處 #茶餐廳 …查看更多

抵食2人片皮鴨套餐片皮鴨 例牌份量只有8片，但我問過侍應姐姐，佢話半隻其實都係得12片，而且套餐價錢抵食好多，所以最後揀左套餐，片皮鴨上枱既時候唔係好熱，但皮都仲脆口，亦唔會太油膩，整體感覺OK黑醋小排骨這個反而有少少驚喜，酸度剛剛好又唔會好油膩！其他餸菜都不過不失，2個女仔食的話，份量有啲多，現時做緊信用卡優惠，HSBC有7折，埋單大概$500味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #片皮鴨 #尖沙咀 #尖沙咀美食 #食評 #情侶好去處 #霸王山莊…查看更多

10件自選壽司 $16820幾款壽司比你揀，銅鑼灣仲要呢個價錢，性格比真係超高，魚生勁新鮮！鰻魚壽司 $30必點！好食到喊既鰻魚！我本身食咗十件壽司已經好飽，但因為太好食，要再encore，鰻魚係熱既，正中既鰻魚壽司可能唔應該係咁，但我超鍾意❤️魚油超香，回味無窮😋雲壽司仲有Omakase 可以選擇，質地一樣好高，另外推介大家試食完有幸福感海膽壽司味道:★★★★★性價比:★★★★★🤜🏻雀仔胃拒絕向嘥位食物說得…查看更多

花膠雞米線 $69好闊佬既花膠，一碗大嘅有三至四舊，仲要有兩大舊雞，我食過都兩次中雞髀，雞好滑，香濃既雞湯，食完完全唔會口渴，超滿足🥰葱油豬扒飯 $47有兩大塊豬扒，煎得非常香脆而且好juicy，葱油都好香，你會不知不覺間食晒成碟飯👍🏻唔食葱既朋友表示相當感動，落單姐姐好貼心咁將我嘅要求打左四次😂味道:★★★★★性價比:★★★★★🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #米線 #荔枝角 #荔枝角美食 #食評 #走䓤呀唔該 #養生 #花膠雞 #連文記 #香港米線關注組…查看更多

燒汁牛舌飯 $58牛舌有六塊配有菇同四季豆，配菜唔係求其白烚比你架，有調味有家的感覺🥰牛舌煎得剛剛好，唔會乾晒柴雞肉漢堡 $55雞肉炸得炸卜卜好juicy，菜同蕃茄都好新鮮，但薯圏有啲碎，如果食到完整啲嘅薯圈就perfect啦黑松露雞中翼 $38黑松露醬超多，多到埋左隻雞翼，對長期處於減肥狀態既我太heavy啦，黑松露唔算好濃，但雞翼炸得好香口，好好食😋平靚正係學生飯堂既定律😏行過會容易錯過既小店，但只要食過，你好快會變熟客仔架啦味道:★★★★★性價比:★★★★★🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #burger #香港大學 #香港大學美食 #食評 #一人餐 #黃店 #西環黃店…查看更多

午餐每日不同但固定(例如星期二是牛排，五是豬排)吉列豬扒意粉 $51跟餐會有個羅宋湯，正常發揮，屬於好飲既！就咁睇價錢雖未至於平價，豬扒亦不算厚，是類似一般茶記式下午茶配沙律的厚度，不過份量十足，大約兩塊大過手掌既豬扒，建議堂食，咁先至食到佢又脆又熱既時候，而且幫你切好，每日午餐雖然都係唔同既扒類，但都係十分大方，男仔一份分分鐘食唔晒，另外佢既焗豬扒飯都十分出色，豬扒愛好者可以去一試👍🏿味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #灣仔 #灣仔美食 #香港美食 #舊式茶餐廳 #順景茶餐廳 #吉烈豬扒 #美食推薦 #食評 #吉豬#茶餐廳…查看更多

香港蛋撻關注組推介既酥皮蛋撻，外賣大排長龍😰但我既目標除咗蛋撻，仲有黑椒炒意粉，堂食好快就有位酥皮蛋撻 $8新鮮出籠熱辣辣，酥皮一層層，好酥脆，咬落去唔會散哂，蛋醬亦都好細滑，一定要食呀！黑椒豬扒炒意粉 $45個人覺得炒意粉先係皇牌，港式炒意粉唔係個個識欣賞，我就非常鐘意😍黑椒味好濃，意粉炒得剛剛好，唔會太濕亦唔會太乾，味道比較辣，豬扒都炸得好juicy，唔食得辣可以試普通既炒意粉網上好多食評都覺得店主冇咩禮貌，但我要平反一下，大聲唔代表佢哋無禮貌，佢哋只係用對朋友既語氣對客人，有啲人會覺得無禮貌，有啲人會覺得呢啲就係老香港既人情味味道:★★★★★性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #長沙灣 #長沙灣美食 #香港美食 #蛋撻 #金園 #香港蛋撻關注組 #美食推薦 #食評…查看更多