gaowa的个人专页

好耐冇食過難食餐廳，今日偏我遇上。唔明D正評係點得黎，食物質素係奇差。賣點係打卡able, 日系古董風，餐具靚，ig相好靚睇落以為好食，完全受騙。個南瓜湯最搶鏡，suppose 係成餐既主角。一飲落口啖到近乎係冇味，連南瓜最基本甜味都冇，平時$100個西餐跟既餐湯都好飲過佢。請問個廚師有冇食過自己煮既野？ 即使個湯有埋tea light暖住、又加d泡係面整色整水都冇用，因為根本唔好飲。個set跟左三塊麵包同米意粉，用黎伴湯食，真係徙氣。然後仲食左酥皮盒，野菜田樂燒，份量極少，冇調味亦冇特色，食完都唔飽。 唔好同我講係玩「食食材本身嘅味道」，完全唔係嗰個級數。Muji cafe 平佢一半，好食過佢十倍。同埋上菜唔係一個set咁上，毫無次序地逐樣上，點都要等埋上齊先有得食，好奇怪嘅安排。相係兩人份，咁樣埋單$475，浪費金錢時間的一餐，離開餐廳時個人仲係餓，但已比左二百幾數食晏🥲…查看更多

舊舖一直book唔到位，知道佢地搬咗新鋪立即來試！ 叫左個$598/位omakase, 超高質。個set包蕃茄沙律，12串串燒（6串雞、3串野菜、蝦豬牛各一），燒飯團雞濃湯茶漬，手作雪糕。當晚串燒包括（按次序）1.雞腳筋2.無骨雞翼尖 3.無骨手羽4.角瓜5.雞皮蝦6.雞心7.雞腿肉（洋蔥碎）8.西班牙黑毛豬五花腩（洋蔥碎）9.牛油燒北海道山藥10.番薯11.牛舌（洋蔥碎）12.免治雞肉串（蘭王蛋）當中感到驚豔的食物：冇諗過雞翼尖去咗骨（右）燒香係咁好食，第一次食非常驚訝。一串仲有10隻雞翼尖…角瓜又係另一個surprise，味道好清甜，口感一流。食完三串雞，換一換口味再繼續😜雞皮蝦連個蝦頭都燒到脆卜卜，咬開仲有蝦羔！雞皮香脆，蝦肉鮮甜，絕對係必點。黑毛豬調味調得好正，伴埋洋蔥平衡返個肥膩真係世一。師傅透露佢哋連調味嘅鹽都係自己溝出嚟，所以同其他地方食到較為單一同普通嘅調味是不一樣！ 基本上佢所有串燒都係好好食😂全部係有心機之作，無論係雞牛豬定菜。香濃雞湯飲第一啖已覺得好正，濃郁又唔會話好鹹，燒飯團好多紫菜芝麻三文魚肉，外層燒得焦香，整體非常comforting.最後係佢地自家製既雪糕，炭燒咖啡同抹茶，同你出面食到嘅完全唔一樣，炭燒咖啡有炭燒嘅苦，伴隨着奶香同剛好嘅甜味，抹茶一樣高質。冇諗過專心做串燒之餘，仲兼顧到甜品，真係好一絲不苟。當晚我哋都有飲酒，啤酒清酒威士忌都有，隨心所欲非常盡興的一餐。又可以同師傅、老闆娘傾偈交流, 個個都好nice。做串燒真係一門學問，亦都好辛苦。師傅做咗20年，堅持要生燒，用料靚，就係為保持客人每次都食到一貫高水準，真係唔容易！ 仲有好多嘢未試，好想試埋其他海鮮同野菜，仲有好多刁鑽部位😆！ 今次食完個omakase 真係太飽了，下次一定會再黎🤍…查看更多

一個好療癒既漢堡包外表，好整齊，顏色好鮮艷吸睛，唔會過大或過少。一咬落去，俾塊漢堡噴出來的肉汁辣親個嘴，印象深刻….😅😅🤣 好有肉味，個汁既酸味好balance，洋蔥有微微辣味，酸瓜係厚切我特別喜歡。如果生菜多啲更好，因為夾喺入面嘅生菜已變軟身，食唔到爽脆口感有啲可惜，因為聽講佢用既菜都高質。張紙幾厚身，兜着食唔會咁呢Hea。食完感覺唔會heavy, 因為有d burger 店食完個胃會有野urgh返上黎，唔太識形容，試過嘅就會明。呢間舖之前經過幾次冇入去嘅原因，因為覺得座位好少, 個位比較casual唔算舒服個種，環境好暗。但今日經過冇人，快快食完又係OK嘅，應該會encore!…查看更多

今日黎食第四次，決定補返個正評比佢。黑毛豬豬肩肉。老闆極力攞介，入口係軟，口感冇渣，味道係好濃既豬味，唔係蘇，只係好濃好濃。第一次食粉紅色的豬肉，確實有心理關口要衝破。但唔覺得非常好食，而且價錢唔平（$218）可以不吃。Broken Egg $88 一直都係我既心頭好，簡單美味，唔係度度有得食。每次食都會令我諗返係西班牙時食既美味！Seabass fideo $168魚肉都結實，正常。下邊個小麵條有海鮮飯果種調味，脆口又帶鮮味，好食。呢個係上一次食既seafood paella, 我只能說$248係性價比極高，味道絕對是中上（至少係香港）正宗既Paella 全部都係薄薄一層飯。總括而言，距離上一次來食都差唔多一年，價錢冇咩點加到，水準又keep到，呢間餐廳我非常推薦。唯一美中不足係地方太淺窄，台好逼。食咁chill既美食但環境唔夠chill， 但都冇辦法。…查看更多

最鐘意小店既我bookmark左呢間泰國野好耐，之前行過見佢門面幾特別，入面都幾乾淨企理。假日來食個lunch, 叫左個泰北咖喱湯麵（金邊粉）同椰子雪糕，共$148。落左單，一分鐘就上左碗熱辣辣湯麵，咖喱湯底幾香，夠味得黎唔算好咸，係天陰陰的日子食都幾comforting! 最多人讚佢個「筷子一夾就散開既雞腿肉」，呢個形容係幾貼切，佢確實係淋到呢個地部，但問心口感似濕水紙皮，好淋但趙趙下係好多渣。我自己並唔太喜歡。亦一個我睇中既係椰子雪糕，配上花生同椰肉，風味十足。雪糕帶丁點咸味，很提味。花生好脆，咬開似花生醬咁香濃，同個雪糕好夾。$68/有三球，性價比不錯。食呢個甜品令有人去渡假的感覺！有機會都可能再來，試下佢其他野。…查看更多

優點：煎帶子意式番茄醬意粉果然冇令人失望，之前睇相已經覺得佢會好好食！意粉質地好彈牙，個sauce酸甜適中，好多去皮茄肉，成碟份量好夠食！ 帶子三隻，唔算細隻，煎得唔錯，整體都對得住呢個價。個意粉仲落左酸豆，又有parmesan cheese, 味道豐富。如果唔係特別想食麵包，而又想食飽肚野，超推薦呢個意粉！缺點：可惜餐廳坐位唔算好座，入面都d位好窄，矮stool 唔好坐， 唔太適合一個proper lunch, 如果飲下咖啡食下輕食, 唔坐得耐都ok。一半半：Bread pudding 都好多人推介。似個飽浸咗甜嘅牛奶，濕潤軟綿綿，外層再包焦糖皮。個人覺得香味不足，甜味有餘。我就覺我太甜了。不過個青檸雪芭好清新🤪，整體個甜品個presentation 都算特別，原創性高。今次冇食佢啲麵包同pastries, 下次可以再去試吓， 因為見到賣相都唔錯。值得回頭再食。…查看更多

Bookmark左好耐想去試佢既Gelato， 今日終於去到！ 叫左個chocolate brownie topped with 1 scope of pistachio gelato, 心諗呢個組合仲唔係世一？ 但先唔講食物，一坐低就覺得冷氣超級凍，好似身處凍倉咁，望一望左右，個個搓住手臂，望住枱前面一個溫馨提示話繁忙時間限時90分鐘，心諗：咁凍點坐得耐，除非有備而來帶埋件羽絨。凍成咁叫杯熱咖啡5分鐘後都唔好飲啦。講返個brownie, 味道幾濃郁但係非常之甜，連埋gelato一齊食, 返而食唔出個開心果味，所以最後我都係好傻咁分返開食。Gelato 比較普通，冇我想像中咁香開心果味，淡淡地。好彩冇係度叫埋咖啡，最後要轉場搵個地方舒舒服服坐。…查看更多

間唔中都會想食下唔同菜式，如印度菜。呢一間我見好多讚評，所以來試下。優點：1）印度菜來講環境比較優雅乾淨，算係有氣氛嘅西餐廳格局。沒有播電視，唔係玻璃枱膠枱布果種。2）晚餐冇限時要交台，可以食到3個鐘。3）招牌Butter Chicken 真係好食，超香甜的咖喱，必點。Garlic naan 係有特多蒜粒係面，鐘意食蒜既會好滿意。缺點：1）地方好細，枱同枱之間好逼，平日夜晚都full哂，想傾下計都有d難。二人台都好細張，幾乎冇位放野食。2）食物偏貴，但唔算離譜。Fig salad salad同芝士份量好少，$85有d貴，同埋都好普通。3）Lamb Rogan Josh 係Menu 上有兩隻辣椒，但真心冇咩辣味，羊肉正常。5) 冷氣幾大，又對風口位，食物好快吹到凍哂，naan bread 凍真係冇咁好食。4）2個咖喱，2個naan, 1個沙律，兩杯飲品差唔多$600。 …查看更多

呢間餐廳2020年年中開，成個2021我連預約電話都打唔通。點知係第五波疫情下終於book到了，就係五月份終於一償心願。講食物前，首先我覺得餐廳老闆好聰明，知道而家d人想食得fine但又唔好太拘謹，有獨特性，打卡able得黎又有taste。食物一定要有幾樣撚手signiture令人留下深刻印象。首先Batard係咁大既wine cellar入面已經夠特別。我好同意呢度係比鐘意飲酒既人來的, 因為唔飲酒的話，成個體驗冇值咁貴。我同朋友叫了個set lunch for 2 再 a la carte叫左個Japanese fruit tomato tart。Set lunch 有兩樣signature. Beef tartare cannelloni 真心好食，似食緊tuna, 個mustard source 好夾不會太搶味，個卷好脆，配埋啖紅酒係正既。另一個signature係佢既roasted chicken, 個賣相好靚，色水冇得彈，非常打卡able。 用元朗的三黃雞，雞皮唇齒留香，肉都很嫩滑。但我一直以為佢係脆皮，但原來唔係，成塊都係軟林林，唔知係咪淨係我果日係咁。 另外有個poached egg with smoked haddock, 成個香氣幾濃郁，不錯。至於個Riviolo, 個汁好濃蝦味，但個餃子本身非常普通。成餐飯最impressive既係個tomato tart, 終於知點解咁多人讚。個蕃茄味濃到衝擊你味蕾,配burrata冇得輸，酥皮極之香脆，如果加多少少basil 我就更鍾意。但a la carte 係$280/件， 以呢個size其實係非常之貴。如果唔係用飲下靚酒黎包裝成個用餐體驗，真係幾難justify 呢個價。最後食三粒 lemon madeleines, 熱辣辣，表面微微脆，咬開好鬆軟充滿檸檬清香， 係想像到的美味。氣氛同服務整體都很不錯， 張台係比較遠，坐滿人都唔會覺得嘈。食下飲下，唔覺唔覺就三個幾鐘…查看更多

貪呢度係PP入面，約人超方便，地方感覺是寬敞的，chill & casual! 百幾蚊食個Brunch可以當埋lunch食，食物質素中上，我覺得性價比很高。我叫左個配smoked salmon 的brunch set, 樣樣野都幾好食，麵包兩片，熱，牛油用我最愛的總統，牛角酥正常，煙三文魚好食，牛油果好香甜，soft boil egg, 兩片芝士，仲有一杯唔甜的yogurt with granola & fruits, 相當豐富， 份量咁多，完全食唔哂，食物選擇算健健康康。最後仲可配一杯hot beverage, 揀左要一壺 chun mee tea, 用茶壺上真係加分。如果同朋友來可以慢慢坐，假日lunch time黎唔洗排隊入，岩哂我呢d唔鐘意排隊食野既人。 務服態度好，有好自然的笑容。加埋一$170， 我覺得呢個地點同食物真係係非常ok!…查看更多

喺上水住左咁多年，第一次去食。今日去食午餐，叫咗個角切魚生飯，食完非常後悔。首先魚生份量係好薄好細， 擺面大塊少少，但都好薄，入面果d全部係肉碎。 最唔鍾意係飯面加左一大堆天婦羅炸粉，炸粉好大浸油益味，非常難頂。點解要咁做？睇落去靚d? 開胃d？又唔係丫，唔明囉。食完呢個午餐，成個下晝都有返陣油益味urgh返上來。…查看更多

又係比佢米豬連名氣同零負評吸引黎食，食後雖然未至於負評，但又覺得唔會翻兜，之前既食評都有吹得太大，我就覺得屬OK，主要係因為性價比偏低。我試左佢個set lunch $158, 包沙律、招牌鹽味拉麵、小食同一杯飲品，開頭都覺得幾低，但碗麵一上，好細碗。應該可以一大啖食哂🤣🤣。 飲下個三鮮湯先，的確係鮮味又濃厚既，之後都無口渴，但又未覺得好驚豔。 By the way 留意返個拉麵係無蠔架，係叉燒拉麵（好小塊肉），有一pat 綠色既蠔醬係面。反而煎餃（好似）係有蠔肉的，都幾香，但都係非常之細隻。野飲揀左紅菜頭薑蜜，幾得意又好飲。最後埋單加埋一$173， 正常食量係唔夠飽架🥲但以一餐lunch黎講又唔平wor! …查看更多

上水一直同cafe都冇緣，見到新開的let it be 的確有荒漠中的綠洲感覺！ 但睇真d, 呢間係咩cafe來的呢？冇檯既？ 係咪take away only? 但入面又有少少art space感覺，搞唔清喎。不過唔緊要，試試佢地既咖啡最重要！ 要左杯iced black coffee, 正！ 豆好香，我唔鐘意太酸或太苦，對我黎講是剛剛好。見到佢地仲有少少cake 賣，但未試，以唔係主要for堂食黎講價錢有d貴。建議可以試下d方便食既常溫蛋糕。我都會繼續支持，因為啡真係好飲，同埋上水真無呀！加油，繼續努力！…查看更多

All day breakfast就食得多，但呢度係有驚喜。碟野有8樣野食，樣樣都係認真做，唔係hea 下hea下，求其拼d「腸仔蛋薯餅焗豆」就收成$100」。呢度既松露炒蛋又香又滑，炒雜菇係炒到乾身仲帶點焦香✨，煙三文魚份量大方，腸仔細細條紮實不會過咸，車厘茄好大粒，冇草腥味，牛油果正常，都係好食又健康之選，沙律菜切細左方便食，最後牛角包都正常（但當然唔係出名bakery果種級數）。我對呢個早餐十分滿意，好豐富，又有營養，又飽肚！一般Cafe大部份都係做pasta/udon/sandwich 或煎炸野，又或者甜品，就算好食，但而家咁多人有唔同既diet preference, 出去食飯有時都唔容易揀到岩。我食左呢個all day breakfast， 飲左杯咖啡, 好滿足。唯一問題係walk in 要排隊, 仲要唔少人。我自己就唔太習慣/鍾意排隊食飯，始終時間寶貴😄如果唔洗等，或先安排到booking, 絕對會再來！…查看更多

最後一日long weekend, 誤打唔撞入左來長洲，大癬話話1x年未黎過。對長洲美食既印象仲停留係大粒魚旦、芒果糯米糍同木槺布甸。上網search到呢間食炸魚出名，趁佢閂門前試下先！ 同朋水叫左去骨鱭魚、炸赤米蝦同魚湯一杯。佢地係環保小店，所以唔會提供膠差、膠匙羹、膠飲管、簡簡單單用竹籤👌🏻👌🏻另外唔知係咪呢知原因，亦都冇冷氣的。食物方面，基本上三樣都好食，炸赤米好有驚喜！ 以為唔新鮮先會拎去炸？赤米蝦仍然食到鮮甜，有d個頭仲有羔，食落超香口！第一次食炸既赤米，原來都咁好食！店主好細心仲配上幾甜脆青提，同炸野又幾夾！加埋檸檬同沙律醬實冇得輸啦！去骨鱭魚唔腥，肉都幾滑。至於個魚湯，知道佢標榜冇落味精既，不過都幾濃味幾咸下，胡椒味好重，我ok既但下次就未必再試。臨走前老闆仲送左一小杯冰凍啤酒，真開心。$60/份唔算好平，但對得起個價錢既。下次會再來食。…查看更多