wanwanlui的个人专页

見到係米芝蓮，滿心期待同男朋友去慶祝生日可能因為只有2個人，安排咗去一個大廳，係普通餐廳嘅裝修，完全無日式感覺，首先扣咗分我哋叫咗梅$888，雪$588然後就係前菜，職員會介紹每一樣前菜係咩。味道都幾好味，只係份份量好細，係正常嘅味。食完前菜，職員會比和牛嘅證書你睇跟住煮完就拎過嚟，唔係席前燒🥲和牛3塊，菜幾塊，豆腐2塊，冬菇2塊，洋蔥2塊，仲有啲粉絲係底。完。份量真係有啲少。大食嘅人會唔夠飽，好彩我哋食量細，岩岩好，但唔滿足到個胃🙂 和牛正常和牛，豆腐滑嘅，食材係新鮮嘅，但份量真係少。可能我想要嘅嘢呢次佢都無，見到openrice勁多人係包箱，話好味，環境日式，席前燒，結果係燒好先上菜，會感到失望。跟住就上咗個甜品，有寫生日快樂，個職員好主動幫我哋影相，服務係勤快嘅，仲成日幫手加茶水。整體而言，食材係新鮮，服務係殷勤，但覺得over price咗。如果每人$800嘅價錢，會有其他更好嘅選擇。 …查看更多

見到Openrice無喊喊，即刻去試下，一坐低staff就放左個蕃茄前菜，酸酸甜甜冰凍好味😋。原來係要收錢既，要收錢都可以一試，但係講聲要收錢會好啲😅😅😅叫左幾串串燒，仲有個188蚊既豬肋骨豬肋骨份量好少，目測得果8舊仔度，細過一個手掌。食落係好油同埋有啲overcook 大啡菇串燒淡而無味，仲要唔係好熟炸豬大腸有啲臭味生腸個醬有啲奇怪，味道麻麻地牛舌都有啲唔熟仲有個豬肝釀雞翼，有陣臭味，無食到個拉麵係得少少紫菜同竹筍，個湯係ok個mokumoku沙律啲菜好硬，整體感覺一般埋單發現要9百幾蚊原來串燒係要2串起叫，我哋落單果時叫一串串燒，店員都無講到要一叫就係2串，後尾先發現餐牌有一行細既字仔係有寫既，只怪我哋無睇清楚服務態度一般，只係不停望住你食曬啲咩，即刻收走曬啲碟。仲要叫先有茶飲店鋪播既日文歌係好聽既，如果想聽歌可以黎，不過如果係想食野，感覺性價比太低，重點係串燒大部分都好麻麻地，無下次…查看更多

岩岩星期日係我同男朋友拍拖一週年紀念。諗住食餐好嘅，見到YouTube 有推介呢間凍海鮮有龍蝦，長腳蟹，青口同生蠔好吸引，仲要係幫你開埋，就諗住試吓。不過呢間好full booking, 我哋淨係book到1:45分。佢brunch buffet 最遲係2:00入座。果日去到，環境感覺都幾舒服。 有幾個main course brunch buffet包埋。我哋叫咗pizza 同埋意粉。一去到海鮮bar，無長腳蟹，啲龍蝦已經無曬, 得返啲頭同埋腳😢跟住問咗個侍應2次，一直都無refill。到最尾我再問，佢就比咗碟我哋。原先都好開心，不過食落超級鹹，好似浸咗鹽水甘，原先最期待嘅凍海鮮好失望。其實果日餐廳嘅青口，蝦都ok，但係生蠔我就覺得有啲腥。Main course 嘅pizza 係薄皮，都ok。不過另一個意粉係未煮熟，中間仲係生架甜品同其他熟食都ok。可能真係brunch尾水有啲野佢唔再fill。建議大家真係想試要book早啲。不過我應該唔會再試。…查看更多

當日慶祝男朋友生日 可能期望太大，所以有啲失望。一坐低就有侍應拎一個三層嘅海鮮頭盤。感到很開心，因為擺得幾靚。但係當日嘅龍蝦有啲韌，青口同長腳蟹都太鹹，似俾鹽水浸過。當中最好食嘅係蝦，蝦係非常之爽口，只推薦蝦。之後食咗八爪魚都有啲韌。熟食推薦喇沙，海南雞飯，羊架同雞湯。其他食物只是一般。最後甜品蛋殼系列最好味。士多啤梨奶凍甜度岩岩好，又滑好好味😋抹茶味奶凍好甘香，鐘意抹茶味會好喜歡冇榴槤奶凍好重口味，啖啖榴槤味炸嘅甜品就麻麻地，唔脆不過生日會有特別甜品送，係芝士蛋糕，有啲滯，奶凍好食啲。不過一定要係booking位果時特別講先會有呢個甜品生日cake。整體來講，覺得某幾樣食物好味，整體亦比之前食嘅自助餐好味。但係呢個價錢，覺得性價比較低，下次應該會選擇其他餐廳。…查看更多