catcatyy的个人专页

以前經常食小肥羊，依家轉食快樂小羊，鋪頭係旺角鬧市加埋落地玻璃，遠處已經望到。鋪頭好大，3層高，唔難Book。今次食鴛鴦鍋，有酸辣湯同蕃茄湯底。黎到一定要食羊肉，羊肉有好多款，價錢由$150至288不等， 任君選擇。除咗羊，點少得豬肉、牛肉，岩曬唔同口味嘅朋友仔。羊肉唔太騷，肥瘦相間， 味道鮮甜。最正係有烤羊排同烤羊串，火鍋＋燒烤串贏曬其他火鍋店。 雖然烤羊串， 但唔會烤到啲肉好乾！ 灑上辣椒粉同孜然粉， 超惹味！ 嘢食種類多， 滿足唔同人口味。…查看更多

早餐食黎食去都係茶記，南記平時都係lunch外買先食，成日見到早餐幾吸引，終於走去食下。買咗套餐春卷鮮茄仔米線，配魚皮餃菜湯，招牌春卷仲係咁好食，鮮茄湯味道淡咗少少，米線份量都ok，最正係魚皮餃菜湯，好多生菜，菜湯鮮甜。，有驚喜，食完好鬼飽，感覺健康過茶記，價錢都係30幾蚊，抵食! 如果唔想食米線，可以食返揀返傳統早餐肥牛沙嗲公仔麵。店鋪姐姐好有禮貌，服務就自助自已拎餐自已搵就位，其實都無咩服務，不過好多快餐店都係咁，無咩分別。…查看更多