charcharcharlotte的个人专页

一向少飲許留山因為唔鐘意d用現成野加加埋埋既所謂糖水/甜品/飲品不過今次係老細買返黎請我地飲, 點敢唔領情飲左金粉水晶杯,係芒果+士多啤梨+水晶條芒果同士多啤梨都係我favourite可惜本人極怕蒟蒻果種滑"劣劣"又彈彈地牙既口感而果d「水晶條」正是...所以飲得好辛苦:(由於同個人偏見有關, 俾喊面好唔公平,所以俾中等啦~~…查看更多

前兩晚經過見到門口個暖櫃有scone賣有提子同合桃2隻味, size比一般細,各買左2個, 拎上手仲熱的:)本來期望不太, 因為明白價錢同質素會成正比不過食落都唔錯bor, 都幾鬆脆同好有牛油味提子scone既提子份量亦算多, 每啖都食到提子, 合桃亦然不過合桃果隻可能baking powder落多左,覺得好似有些少baking powder味同埋可能合桃本身油份重, 所以好似冇提子味咁鬆化下次會淨買提子scone :)P.S. 見佢d麵包同toast好似都唔錯,價錢又平, 下次可以試埋~…查看更多

今次11點幾經過都仲未打徉買d包包當係宵夜都好bor菠蘿包($5/3pcs)：比一般菠蘿包細,但唔又未至於迷你,不過size唔重要,因為佢個皮真係好脆好好味,呢種港式菠蘿包既味道唔係度度搵到,好多新式餅店都做唔到呢種味道。包身軟熟，微暖，無諗過11點幾仲食到呢個質素既包包。光蘇餅&合桃酥($5/2pcs)：光蘇餅都夠鬆軟,入口即化,奶香同甜度適中,雖未及奇趣,但已經係水準之作。合桃酥有少許"過氣",所以只屬一般,新鮮出爐食應該會比較酥脆。…查看更多

行街行到累, 落去食個糖水兼抖一抖在想食紅豆沙又想食蕃薯糖之間..我選擇左紅豆沙加蕃薯俾左飛佢之後我就企o係counter前面等,心諗應該好快結果真係好快~因為睇住佢係"不"左半紅豆沙之後o係隔離夾兩舊蕃薯落個碗度不過要得mix糖水就預左係咁敗筆係佢將熱辣辣既蕃薯夾落碗微暖既紅豆沙度真係味覺分裂咁滯~其實而家既滿記只係將一堆ready made既野mix成menu上各款糖水..水準比以前差太多了…查看更多

10點幾經過呢度竟然仲有好多包包同中式餅擺o係度饞嘴既我就要左$5/3pcs既香蕉糕嘩~拎上手都已經feel到佢好軟熟食落口感同味道也不錯, 可媲美奇趣呢下次經過試埋佢d燒餅&老婆餅先得…查看更多

之後試過佢既芒果糯米磁覺得唔錯今日再去幫襯:)買左5個$2.5既迷你撻本來都有d驚會好似食cream咁食點知又唔會bor..每款都okay,每個撻皮都塗左朱古力底, 所以撻皮仍脆下次可以再試其他野我見佢d包包真係好平仲有中式餅賣添~…查看更多

昨晚第二次幫襯要左草莓乳酪mousse cake其實係草莓jam加在乳酪味既mousse上面伴埋一齊食又幾好味喎mousse略嫌實左少少,如果再滑d就更好!個base係海綿蛋糕,都算幾鬆軟整體上唔錯, 下次會試其他款:)…查看更多

所謂既草莓味好像怪怪的..隻味真係好假好化學寧願俾多$2要個starwverry新地好過..起碼就算係假味都無假得咁離譜仲有唔知點解幫我斟個筒果個人整到個脆皮鬼死咁薄..食到我勁"呢hea"下次都係唔好亂試新野.…查看更多

昨晚將近10點左右,同老公諗住去石磨坊食個甜品兼俾對腳抖下~點知見到門口d人龍就唔想等了..咁就過對面咀妙妙啦,橫掂未試過,個名又幾得意點知一入去第一個印象已經唔好了唔知點解聞到一朕好似汗味既味道我同老公即刻互望示意大家都聞到但入去坐低左又走好似無乜禮貌咁..所以就算lu不過老闆竟然叫我地好勉強咁搭檯..好逼bor....之後叫野食,老公叫左海底椰芒果布甸海底椰都係一般既味道&口感,布甸夠晒滑,可惜面頭既芒果醬太多太濃而蓋左個布甸味..我本來叫楊枝甘露..之後問佢可唔可以走左其中一樣料我expect佢話得架..因為一般新式糖水店都可以既..點知佢竟然話唔可以..因為d楊枝甘露係一早溝好左佢真係夠坦白bor~咁我就order過第2樣喇..要左奇異果沙冰呢個反而唔錯,奇異果鮮味好出,又有果肉咁~幾好^^雖然明知點都會溝左d糖水,不過應該唔多~所以都接受到.…查看更多

點解冇人講佢地既韭菜餅既??佢係我以前每次去既必食黎架外皮煎得香口,內餡既韭菜多到就爆出黎咁滯~仲有d未煎既可以for你買返屋企自己煎黎食^^當然佢地既蘿蔔糕都係十分好味啦煎到外脆內軟咁~又有好多蘿蔔絲~唔會成舊粉咁其他仲有粟米餃, 炸素雞, 燒賣等..都好唔錯~以前仲有大菜糕賣架~唔知而家仲有無呢~…查看更多

昨日路過此店,被琳瑯滿目的包包吸引了入去最後選了蒜茸多士&紅豆栗子丹麥酥蒜茸多士：極多蒜茸醬,好香!!不過可能過左氣所以略嫌唔夠脆身,如果新鮮食應該都幾正架~紅豆栗子丹麥酥：先講個酥皮,真係幾香牛油味,又做得好夠層次,令我好想試埋佢既croissant,唔知係咪都係咁好味呢個內餡係紅豆茸同栗子粒粒,味道幾好,唔太甜,但同個包包既比例上就少餡左d,尤其是紅豆茸如果多返少少就更好:)…查看更多

前幾晚試左佢地$10/4pcs既迷你撻..揀左oreo tart, tiramisu tart, mango cake同埋rum cheese cake..但我覺得我係食緊朱古力味cream,咖啡味cream,mango味cream同埋rum味cream...仲要魚膠成份好種...硬身到接近o者喱糖..其中2件有蛋糕底既,個蛋糕就尚算鬆軟但另外2件tart皮係林晒&無味的...食到皺晒眉頭..食唔落去:(可能係我揀左野買同埋去既時間唔o岩啦..下次試下佢其他野睇下可唔可以拉返高個印象分啦…查看更多

上個禮拜有晚同老公去黃埔行, 行行下就過左黎寶其利街一帶咁少黎紅磡, 一場黎到點可以唔試下甜品工房我地要左日式紅豆豆腐花($16) & 木糠布丁($12)日式紅豆豆腐花：大大粒紅豆真係好正呀! o岩晒我呢個紅豆痴!豆腐花都夠滑~仲有2粒栗子同埋一堆煙煙韌韌既糯米丸子伴埋一齊食,真係多重口感呢~木糠布丁：可能雪得唔夠所以唔係太硬身似軟雪糕口感.好滑味道都唔錯!好夠奶香味! $12一個幾抵食起碼好過旺角某專門店貴夾唔好食嘛下次有機會再黎既話一定要試下宇治金時同埋個果凍拉麵先得!…查看更多

前2晚經過呢條街, 咁o岩雪糕癮發作, 就選擇左佢喇第一次光顧呢間分店,其實呢間雪寶兒開之前, o係沙田西田都擺過counter,不過都差唔多1年前lu.果時只有雪糕筒裝,未有杯裝仲記得果次係食starwberry味而今次就揀左vanilla喇.個人認為雪寶兒既雪糕的確係幾滑不過奶味真係重左d, 令雪糕個味唔夠突出同埋如果佢可以讓顧客自由選擇要唔要d粒粒就更好喇因為未必每個人都接受不過佢selling point之一係原裝入機o即俾你..所以都無計..$18一隻味其實都幾貴..xtc都係$25兩隻味不過唔同國家既品種無得咁比較既..而且雪寶兒都幾大杯最後如果雪糕姐姐多返少少笑容就更好喇:)咁先襯返甜甜既雪糕嘛~…查看更多

行過旺角道, 專登轉入花園街幫襯奇趣之前次次去都係買燒餅, 今次就試埋其他啦:)買左,香蕉糕($5/3pcs)，鹹老婆餅($5/2pcs)，同光酥餅($4/包)。香蕉糕超軟熟.濃濃香蕉油味,食過奇趣既香蕉糕一定唔會食其他非奇趣架喇因為坊間一般既香蕉糕簡直無得比,硬身好多,粉味又勁.鹹老婆餅係我至喜歡既南乳味而且個餅餡既軟糯口感真係令人齒甲留香個人偏心地認為好味過甜老婆餅架光酥餅一包兩個, 又係食過就唔想食其他地方既出品,好鬆軟,入口即融, 同平時外面果d又實又乾既西樵大餅簡直天壤之別..好似誇張左d..但我食完真係有咁既感覺!!講起又想食喇......…查看更多