Knigjterist的个人专页

午市放題分好多款，我地兩個人要咗60分鐘特選放題（$198嗰個）。啲牛肉ok，唔係太肥。豬肉好好，唔肥又唔硬！因為魚蛋啲標誌唔清楚所以唔係好知道自己食咗乜野魚蛋，只係大概猜猜食咗魚蛋，貢丸等。特別留意係芝士豆腐，好特別！！食到仲有20分鐘嗰陣職員出單話仲有20分鐘同埋而家last order。其實我地已經一開始不停口食嘢所以都差唔多。食埋啲蔬菜跟住攞返杯雪糕食就啱啱好！雖然有90分鐘放題嘅選擇，但係我覺得60分鐘好啲，唔會食得太多而覺得辛苦。其實開頭覺得啲職員比較唔係好想做嘢，問嘢嗰陣態度有啲似係我地打搞佢地傾計噉。。。:(結論：60分鐘其實都夠架啦。牛肉比豬肉肥啲啲，但係都可以接受。魚蛋嗰啲標誌不清楚，但係芝士豆腐幾特別！服務態度方面有點兒欠佳。…查看更多

蟹家午餐套餐有好多選擇。其實午市係開12點，雖然早咗到都可以比張枱我地坐坐！今次兩個人食咗牛肉火鍋定食同埋蟹及海膽雜錦魚生定食。定食好大份，又好好食。仲有熱飲嘅餐飲！牛肉火鍋雖然嚟到係十分熟嘅牛肉但係都好味。火鍋裏面其他冬菇豆腐蔬菜好入味。魚生飯好大碗，又有沙律好豐富！跟餐有蒸蛋，裏面有一粒白果，可能有芯所以苦（但係本人喜歡所以冇所謂）。伴餐亦有味噌湯，普通（咪就係味噌湯噉囉！唔須要形容，大家都明架啦！）。地方比較靜，食落覺得好休閒:)結論：好食！！！午市套餐大分夾抵食。非常適合食一個悠閒的午餐…查看更多

好耐冇番香港，經過入去食返隻乳鴿同碗燒鵝瀨。見倒有豉椒炒肥蜆就叫埋啦！之前n年前嚟食燒鵝瀨都OK嘅。啲嘢好快嚟到，睇樣唔錯。可惜，炒蜆至少有一半係淨殼，冇肉食（跌咗出嚟嗰啲肉都唔等於空殼嘅數量！睇圖）。雖然味道都還可以，但係覺得一碟咁多殼又冇乜肉，好唔抵食！燒鵝瀨同乳鴿食得好開心。燒鵝有小小偏肥，但係都幾好食（肥膏就自己節制一下啦）！結論：燒鵝，乳鴿OK嘅:)。海鮮（炒蜆）就預多殼小肉，味道還可以，但係唔抵食。…查看更多

今晚我哋三個人唔知食乜好，聽說呢間啲嘢都幾好食打算試吓。坐低望到牆/門上面貼咗張餐牌上面有海南雞飯，三個人都想食雞飯所以叫咗。老闆娘話：「過咗6點收多5蚊。」，OK都坐低咗費事又諗其他option啦（其實我睇咗好耐都睇唔到邊度寫多收5蚊，原來喺門口一個遮住咗嘅角落）！等咗一輪，終於有得食。啲雞都OK嘅，幾淋，但係我嗰碟骨多咗啲。啲飯有啲乾。:(食食下，諗返起餐牌話有湯同熱飲送，問下佢哋，佢哋話過咗6點冇得送。睇返個牌寫得唔清唔楚，鬼知咩！:( 講講吓仲比佢大大聲聲噉鬧，食得一啲都唔舒服。跟住有第二個客人要牛雜，見到佢切嘢時跌咗啲落地跟住佢拾返擺落比客人嗰碗牛雜嗰度！食完擺低錢走人，唔係好飽但係覺得非常失望。:(…查看更多