CheeHo的个人专页

呢間嘢食咗好多年，環境係迫啲，食品真係冇問題，但係今日竟然遇到一次極差態度，晚上6:30嗰陣時叫咗個豆漿一個孖寶同埋一個炸魚蛋，一向都知道個炸魚蛋係要少少時間嘅，我食完個孖寶之後見隔籬枱嗰啲都上咗炸魚蛋，咁我過多幾分鐘先問阿姐，點知個阿姐眼尾都冇望我一句丙埋你：要炸㗎嘛，等吓啦！咁我照等，佢跟都冇跟過，我足足再坐多20分鐘，最後忍唔住埋單嗰度話冇炸魚蛋淨係比食咗嘅錢，順便同其他職員呻吓有件咁嘅事，佢好彩老細唔喺度，佢仲要駁嘴唔覺得自己有錯！佢如果走埋嚟講句唔好意思我都算，佢竟然理直氣壯咁樣反駁我，呢間嘢永遠都唔會再去！連呢間老字號都搞到咁樣，香港啲服務真係食屎！…查看更多

完全中晒伏，其實個招牌寫中國菜咪得囉！點解要寫上海上海？俾個門口呃晒，睇落去企企理理，香港嘅價錢，預置菜嘅質素！入到去坐低睇個餐牌，而家啲餐廳我都唔想講話係正宗唔正宗，個餐牌裏面有一半以上都唔係上海菜，最重要係全部都係預置菜🤦🏻‍♂️上海菜竟然有梅菜扣肉，竟然招牌上海菜鱔糊係冇嘅！晏晝食個午餐加個小籠包要成百幾蚊👍🏻如果好食真係唔緊要，掃碼點菜，個餐一分鐘就即刻喺你面前，又要搭枱食完放低筷子就即刻同你執枱想嗱嗱聲趕你走，呢啲質素呢個價錢，我去食Five Guys差唔多！…查看更多

講真平時午餐都去食，因為幾好食，今日早上10點10分左右應該唔係繁忙時間啦！點知坐喺度5分鐘無人理，之後落左單都無乜事，跟住前後兩張枱先有人坐低，一直等左十五分鐘開始唔對路，後面張枱份早餐到先，再等多陣，前面兩份早餐都到埋，再等佢出餐都唔係自己枱！全程落單之後水又無餐飲又無，舉手無人理，掟單櫃檯走人⋯⋯…查看更多