May827的個人專頁

食物唔錯，我哋叫咗一個壽喜燒炒烏冬、大蝦意粉、西班牙油炸鬼、桃味特飲…先講下環境：簡潔，都算有情調，無論朋友定情侶都適合👍🏻至於食物：幾樣裡面，最惹味好食嘅，我哋都覺得無個炒烏冬😋 但大蝦意粉比較乾，口感差少少，但賣相都唔錯☺️ 西班牙油炸鬼食過好幾間，哩間感覺比較整得太乾，冇咗少許嘅煙韌感…飲品：一般，唔算好特別…整體嚟講都算唔錯，而且好快就座滿。但即使座滿，都唔算好嘈，朋友間都仲可以傾到計，唔洗鬥大聲嗰啲😂…查看更多

先此聲明：餐廳並冇為本人提供任何用餐款待或試食。放假諗唔到食乜好，剛好男朋友話想食炸雞咁佢就推介話食哩間。份量好夠，甚或可以係3個人以上食都得😂不過韓國嘢，始終味道上都比較重間唔中食一次就夠🙈我哋2個人叫咗3樣嘢食，都已經飽到可以抱住個肚走🤣…查看更多

話說今日有時間，就諗住同家人去食個tea咁啦…叫咗佢個$20嘅鮮油咖映多士配熱飲另外就叫咗個「乾炒豬扒烏冬」…嘩！！！！！碟烏冬份量以下午茶嚟講呢 算係多嘅但個味道呢…真係好咸😵‍💫😵‍💫😵‍💫我唔敢食晒，怕生腎結石🤢加上啲豬扒，啲肥脂肪多過啲肉囉☹️真心搞唔掂…咁就$45🙄如果係老人家，可能就啱口味掛…但哩啲咁重味咁咸嘅嘢，真係唔好食咁多🫠…查看更多

話說今日見耐冇食佢，就去買嚟食返下。9點幾鐘嚟到，佢又冇話要排邊條隊，埋到去，個呀姐先叫我排去隔離嗰條排！OK! Fine. 咁我咪重新排過囉…我叫咗一份燒賣，一份魚蛋，同埋一份格仔餅燒賣魚蛋正常，但嗰份格仔餅真係震驚我三觀…凍都算，搽啲醬，搽咗好似冇搽嘅咁少，我都算！份格仔餅玩夾中夾，係咩玩法？？？🙂請大家睇埋我上載啲相就明呀姐!唔該你自己都睇下你到底整啲乜比客食🙂雙重夾餅，新嘢嚟㗎？🙂🙂🙂…查看更多

話說媽媽生日，我哋都會同佢去澳門行街食嘢今年通返關後亦都唔例外。剛好喺準備去媽祖廟前，見到哩間餐廳皆因門外並無詳細餐牌介紹所以我哋就入內打算搵職員拎嚟睇睇一樓見冇職員，就行樓梯上二樓有一男一女職員，我哋就問佢哋想拎個餐牌睇嗰位男職員嘅態度，真係唔多友善態度完全比人感覺係喺度趕客！當我哋睇見餐牌介紹，好似都唔錯嘅時候就落返樓下嗰層，因為覺得樓下嗰層嘅裝修比較靚同有啲特色。我哋叫咗招牌乳鴿，海鮮飯，雜菜同埋梳乎厘味道係唔錯嘅，但海鮮飯就有些少偏咸當我父母上網睇哩間餐廳介紹，見到好多人都話味道好係，食物質素係唔錯，但人嗰方面，有啲員工絕對需要再培訓！梳乎厘我哋叫咗個細嘅，但算係有意外驚喜因為有諗過細嘅，都幾大個😂整體嚟講，以評分準則嚟睇食物⭐️⭐️⭐️⭐️環境⭐️⭐️⭐️⭐️服務⭐️⭐️⭐️尤其當我見到佢哋櫃檯有個「2023星級服務」哩個稱號，而最後得到嘅服務，就真係唔多配有此稱號了…澳門葡國餐，選擇多，如果哩間餐廳繼續以哩個服務態度待客，應該都好快好似某餐廳一樣，唔再有多客特意前來用餐……查看更多

早排見到哩間，排名幾高，食評好似又唔錯咁就Book枱同男朋友一齊去試試佢。我哋叫咗3樣嘢食，逐一評分吧1: 蒜香蟹肉意粉🧄 份量嚟講，適合唔大食或者一個女仔嘅份量吧！ 蟹肉好多嘅，但蒜香…就得蒜片囉😐 唔知係咪要靠自己咬塊蒜片，先有蒜香呢🤣 但整體味道，都OK嘅，都算惹味嘅😗2: 竹炭朱古力梳乎厘🍫 見出面其他餐廳，好似冇哩款味道，就一於叫佢 梳乎厘嚟到嘅時候，都算擺得幾靚，幾特別咁 一口食落口，個空氣感都唔錯嘅 不過味道就屬於偏淡，要靠周邊嘅醬汁… 作為主打菜式，哩方面就唔夠其他出面嘅Cafe了3: 冧酒朱古力撻🥧 哩個嘅味道幾夠濃，冧酒味都幾足🍹 伴碟擺放都算OK. 算係幾樣裡面，算係比較滿意嘅一樣至於服務點解話一般呢…皆因我發現佢突然開到部冷氣好大亦開行咗個風，不停咁吹住個頭，真心有啲辛苦於是我就問職員可唔可以較細啲或者固定佢唔好上下吹得咁勁…或者可唔可以幫我調枱(因為我見近門口嗰個窿嗰邊有吉位)剛好連隔離枱嘅2位女士都一同出聲話真係好大風好凍…著晒外套都凍…如果係得我覺得太凍，就應該係我自己虧:(但同時有其他人都出聲，咁個問題就……然而我見有職員唔知係咪嘗試較個冷氣但唔成功總之就不了了之，亦冇意欲有心想幫你，換位之類反而個風好大好大，不停吹住你個人啲食物上枱，應該2-3分鐘內就可以吹到冰凍晒…吹到你覺得凍就快啲食完快啲走咁樣即使係較唔到個冷氣，其實同客人講返一聲都會比較好…其實，主打菜式都唔係全港最好最Top的話環境又唔係特別靚或者有特色嘅時候連服務都咁樣，真係有好多好好餐廳嘅選擇…只能說「可一，不可再」…查看更多

話話同朋友慶祝生日，所以揀咗哩間餐廳試試佢哋個個都好有禮貌，又會介紹唔同牛肉嘅質地口感加上會先教我哋點樣先飲個湯底，真係好好味😋由8點食到11點，真係有啲唔好意思阻住人哋收工🙈食物質素，真係唔錯。值得一試。雖然網上訂座有啲食品係有85折但原來叫叫下，4個人埋單都$1,879🙈…查看更多

預祝朋友生日，又見佢都幾多好評，所以就book咗哩間泰菜試下。我哋三個女仔，被安排坐喺窗邊嘅梳化位唔錯，好夠闊落🤣叫咗個二人套餐，三杯飲品份量其實都好夠，不過我哋叫嘅，差唔多樣樣都要額外加錢...雞湯，都幾香條烏頭魚，湯底偏咸咗🙄金邊粉就唔夠惹味...串燒味道唔錯至於碟炒雜菜呢...真係冇乜菜你食😂食物質素嚟講，叫OK吧😶張單滿$600或以上，就唔需要加$50嘅切餅費。最後我哋$660埋單。以香港泰菜嚟講，有好多間嘅選擇。哩間唔係唔好，但，食完一次，未必會再考慮再嚟食咁解啫...…查看更多

喺網上見到評價唔錯，於是book嚟同男朋友撐枱腳🥰上到去，只有戶外有一枱客，但因為佢哋過度親密嘅行為所以我哋選擇咗坐室內😅室內環境嘅feel都唔錯，靜靜哋☺️我哋叫咗手撕雞扎肉湯河，生熟牛肉湯河，小食拼盤，一客蒜蓉包，2杯鮮檸梳打...湯河比出面嘅份量多，而且味道又唔錯😋小食拼盤樣樣有，春卷好足料，大大條杯梳打亦好夠青檸味🤤整體因為好夠寧靜，可以好好咁傾計食飯，食物好食會介紹比朋友，或者再去過😎…查看更多

剛好今日同男朋友慶祝紀念日，諗住搵間氣氛唔錯嘅餐廳食個飯上到去，同book嘅時候一樣，安排咗窗邊位，的確唔錯，皆因今日天氣都幾好。成餐飲其實都好滿意，服務有禮貌，上菜時間又啱啱好剛好食完一樣，就上第二樣但唯一最最最最最差嘅感覺，就係隔離枱嘅人講嘢好大聲，根本冇顧其他人感受嘅一樣由個人講到世界大事，乜都關佢事咁樣！講真，我哋唔係咁想知囉！嗰位女士嘅聲量其實都可以接受，係個男人嘅真係好唔得！你講嘢可唔可以細聲啲，顧下其他人嘅感受，比啲禮貌呢？真係要講到咁大聲嘅話，不如考慮去其他地方食啦...真係乜心情，乜浪漫都比佢破壞晒！刪下千萬字粗言穢語...。。。講返餐廳嘅食物先前菜煎帶子：好香 軟熟 可惜只得3粒 但粒粒都幾大粒主菜豬鞍2件：好稔 好香 可惜肥嘅位置偏多...另一主菜黑松露野菌意大利飯：叫咗要軟啲 係幾好食 但偏濃 而且菇多過飯🙈小食蜜糖雞：比想像中大隻 似韓式雞翼 但都幾好味甜品朱古力球：因為見幾多人推介 所以一試 但底部嘅酒偏多偏濃 整體都OK嘅...埋單$920，因為用咗Openrice Pay，所以埋單$84x.日後嘅紀念日或者生日，都會再考慮嚟哩間食但就唯有希望，唔好再遇到哩啲不顧他人感受嘅自私精啦😢…查看更多

同男朋友叫咗2個餐食職員好細心咁去講解配菜同特色亦係用紅米飯去煮感覺都好健康 好有心思不過個咖喱飯就比想像中嘅辣可能我真係唔太食到辣啦🙈但佢哋嘅石垣牛肉 無可否認真係好好食 值得一贊👍🏻整體嚟講 唔錯。…查看更多

話說因為見到有介紹，又見到介紹嗰個人嘅相影得幾靚，評語亦唔差。一心抱住開心期待嘅心情嚟食嘢，點知。。。。。叫咗食物要等，其實都唔係問題，我唔介意等我亦Order咗網上介紹嘅卡邦尼薯糰試試...剛好隔離枱叫咗同一款，我已經見到個賣相唔錯咁...點知到我嗰碟嚟到，先係個蛋黃穿咗，變咗成pat嘢咁！😡因為我唔想浪費，就冇叫佢換過碟。食嘅時候，嘩！我係咪食緊成擔嘅鹽😵咸到痴線囉！！！！！😵😵😵😵😵本身賣相已經差，扣晒分食物仲要咸到咁真係食唔落去😑食過咁多間Cafe，真係未試過食到咁嬲咁炆！個人意見：既然只係試業中，咁唔係應該出最好質素同形象比客人嘅咩？連哩點都做唔到，點捱落去😓環境係幾靚，但食物就...😓依家Cafe林立，希望可以著重一下食物質素同埋出餐前先睇清楚個賣相先交到客人面前...…查看更多

早早喺網上book咗枱，然後臨近到嗰日前一日先嚟話因為你哋餐廳滿座而取消我個booking！咁你哋不如唔好開網上booking比人啦！又要單方面cancel人哋嘅booking！食都未食，就已經唔會想再去你哋間餐廳！…查看更多

食物質素唔錯，同朋友叫咗2樣嘢食。分別係豬仔骨同天使麵😋不論係肉質定醬汁，味道都好好。天使麵亦幾香，份量以2個女仔嚟講，亦足夠。環境氣氛又唔錯，員工亦好有禮貌，值得一讚！…查看更多

上次同男朋友咁啱行過見到，見入面冇其他人，仲以為未開鋪。但原來係因為我哋早:)入到去坐低就開始叫嘢食(因為係靜靜雞同男朋友慶祝生日，所以喺落甜品嘅時候，問佢哋可唔可以幫我寫句Happy Birthday)嘢食水準好好，真係好好味每樣都少少咁，可以試好多款，仲有手工啤喺上甜品嘅時候，多謝佢哋嘅幫忙老闆同員工都好Nice，好有禮貌，Service好好無論係同家人、朋友、還是愛人，哩個地方都值得一食希望繼續保持水準I’ll be Back…查看更多