newhkboyz的个人专页

約咗朋友放工嚟試食，第一次幫襯，就唔會再幫襯，5:30pm嚟到叫咗杯冰咖啡，賣相唔靚仔，飲緊杯好稀嘅咖啡，性價比低，朋友遲咗嚟，6:15pm 入單叫嘢食，之後去吧枱斟水，服務員小姐就話6:30pm last order , 6:50pm 要離開，我話咁趕，不如取消張單，下次先嚟食，佢話落咗單冇得取消，啲嘢好快到，咁就算啦，唯有等，等嘅期間，服務員已經抹地抹枱趕人走，態度都唔係太好，點知啲嘢食6:40pm 先到齊，個碟一放低就叫人埋單，買單嘅時候就話6:50pm要走, 個服務員全程黑面，未講話可唔可以坐耐啲，得10分鐘食便可能得，最後服務員6:50pm行過來話收舖，唔該走人，明知咁趕，咁就唔好收人張單，下次先嚟食，咁樣印象可能仲好啲，而家真係冇下次，服務態度真係唔好，講返食物，叫咗個full breakfast, 雖然賣相好似幾好，正常，唔知是否趕住出餐，唔好食，香腸好韌，雞扒好嚡，個格仔餅over cook, $138 性價比一啲都唔高，最重要10分鐘之內要食完，最憎啲服務員一路食嘢一路喺你側邊抹地，喺隔籬枱噴消毒液抹枱，唔會再幫襯。…查看更多

去成業買嘢，地下見到呢間餐廳諗住入去幫襯吓，裝修望落OK，去到坐低問佢有冇午餐，職員話剛剛過2:30pm就話冇，只可以a-la-cart，要自己掃code order, 我問有冇餐牌，佢話自己掃code上網睇，但餐廳上唔到網絡，要連接他們Wi-Fi先得，價錢都唔係算平，觀塘區都要百四蚊一個意粉再加一，諗住好食就算啦，叫咗個虎蝦帶子意粉同麻辣虎蝦意粉，賣相正常，食落一般味道，最失敗係2碟細虎蝦，虎蝦係2碟主食，可惜2碟所謂虎蝦，吾大隻，肉質唔爽，蝦頭黑色，蝦肉有啲梅，已經唔想食蝦，有同職員反映，佢話會同大廚反映，食完意粉都口渴，叫職員斟水，啲職員掛住傾偈都唔望客，叫咗幾次先浸到水，咁嘅服務咁嘅食物質素咁嘅價錢，無服務仲加一，唔會再幫襯，埋單嘅時候先話下午茶有七五折，計埋+1都要百二蚊一碟咁概梅蝦意粉，好難再幫襯下一次…查看更多

雖然硬件裝修ok，服務就一般， 餐牌好似好多嘢， 但係其實冇乜特別泰國 款式菜式， 無燒大蝦，無乜海鮮， 拼盤炸雞翼 炸到乾曬，吾好食， 蝦餅冇乜蝦味 ，串燒啲肉完全冇肉汁，調味汁都無乜味， 豬頸肉沙律啲菜仲多個豬頸肉好多， 食完啲嘢好口渴 ，服務員 西面多， 叫咗三次斟水 ，都冇人嚟斟， 跟住就行過嚟執嘢清枱話夠鐘90分鐘， 仲未食完哂已經出手清枱， 跟住就畀張單你埋單話有人book咗枱等緊， 但係門口一個人都無， 最後都冇斟水。 以一個 晚餐 咁嘅服務咁嘅價錢 完全唔值得再嚟。…查看更多

經過新開，去幫襯下，但要等30分鐘以上先有位，條街咁熱， 等到有啲頂唔順 ， 入到去原來地方唔係好大 ， 冷氣唔夠 ， d位好迫，無卡位， 只係啲摺枱摺凳 ， 要同人背對背坐，迫到貼人背， 呢間話出名食沙爹牛肉麵， 中午去食話無牛肉，賣哂，唯有叫肉餅，但結果沙嗲同肉餅吾多夾，肉餅得2細塊，凍的，份量少，吾飽，收$78，包一罐汽水，底吾底，真係 no comment, 但個沙嗲醬係ok的，最想試牛肉，可惜無，但話可以加$50轉牛小排，即係變左78蚊齋沙嗲麵，咁就貴左d，另外叫左排骨煲仔飯，正常，OK 好食，另外仲有叫沙嗲什錦，好味，只係同實物相份量差一半，環境新鋪ok, 只係坐位吾得，坐得辛苦，食物嘗可，但未必再來。…查看更多

今晚去大本型， 想食台灣嘢，所以去咗墾丁茶房， 員工服務態度差， 好耐先叫到人寫嘢， 叫咗個紅燒 牛肉麵， 係我食咁多台灣牛肉麵之中最差最差嘅一碗， 啲麵係一早整好放落碗加湯， 啲湯唔夠熱， 啲面仲係黐住一嚿嚿， 湯底超味精超級鹹， 牛肉好靭， 完全唔好食， 完全唔似台灣牛肉麵， 仲有個賣相，超唔掂 以後唔會幫襯。…查看更多