numberwhich的个人专页

餐牌的相好靚餐牌的相好靚廚窗美觀整潔門口好有日本設計CoCo壹番屋係日本係一間知名既咖喱屋，想來一試好耐，今日到觀塘APM就要會一會呢間係openrice有名氣的餐廳。 炸忌廉咖哩飯$55，好得意好好食。食炸忌廉感覺似炸薯餅:)，但就淋同滑小小好食:)，咖哩就欠缺特色(日本超市包裝咖哩)，麵豉湯好咸:(。 朋友叫了吉列豬扒咖哩飯$65，佢話豬扒超韌，需已切好但都超難咬開，有冇攪錯，點解可以整得咁難食（唔是味道，而是質地，想咬崩牙咩）。 店員需忙碌但有禮貌，有求必應，要暖水有暖水，要凍水有凍水，值得一讚:):):)。…查看更多

此店已有很多人認識，每次來到門口都比上一次多人，今次等了十五分鐘。希望唔會有一日要等一個鐘就好:(。每次來到我差不多一定會叫餐肉炒蛋厚多士，多士仍然好厚好香，焦香味的多士依然好好食，多士好鬆脆好軟熟，炒蛋好滑好香，餐肉是本人的起好(此店的餐肉好好食，應該是靚貨:))。薑絲牛通感覺好似上水石湖墟新成路10號的廣成冰室，通粉軟硬適中，牛肉鮮味香冧，湯底好有肉味:)。…查看更多

是日去到大埔工作及行街，聽朋友講呢間位於大埔廣場的沙隴餐廳的生妙排骨飯幾好食，所以特登來食吓。去到門口都有幾個人等位，但因我一個人，即時被阿姐叫我去搭人枱，所以唔使等。熱檸水的檸檬好香，好有檸檬味，我自己加少少糖，好好飲。生炒排骨飯好好食，外面炸得非常脆口，裡面好冧好滑，往有骨的地方咬下去(骨是脫口而出的，唔簡單)，飯就個人而言硬咗少少，整體感覺好好:)，有機會要再來食其他嘢。…查看更多

炸蝦配汁一起食令蝦味更鮮更出，炸神戶牛粒配汁味道會清些冇咁膩口。什菜湯是我每來次都一定叫的，好好味:)，就算加錢轉都是低。炸神戶牛粒 - 牛肉超級滑超級冧，我相信牛肉內裡有超過百份之五十是脂肪，牛味極濃:):)，神戶牛粒唔是成日有得食(有時會冇貨)，另外價錢比其他的炸物要貴一倍(不過咁好食是好低的:):))炸豬扒 - 豬肉處理得好好，都是好冧好味炸蝦 - 本人好鍾食呢度的炸蝦:):)，我每一次來都一定會叫炸蝦，今次都保持水準。食炸豬扒先点汁再点些芝麻，正到呢:)芝麻用木棍磨碎，芝麻的香味連隔離枱都感受得到:)…查看更多

多士好厚好香，好有多士的焦香味(有呢啲焦香味的多士先可以叫做正宗的烘多士)，多士外面好鬆脆，裡面好軟熟，幫客人預先搽上牛油，非常貼心。炒蛋好滑好香，內有不少蛋汁，炒蛋炒得相當出色，餐肉煎得香脆又唔多油，真是處理得好好。好久未食過咁好食的多士:)，有些令我想起細個媽咪用舊式多士爐烘給我食的多士，真是好香好食的多士。茄牛通的茄味十分天然，好似用了好多新鮮蕃茄煮成，又見到一舊二舊的蕃茄，正，十分足料，茄湯有微微的蕃茄酸味，好開胃好醒胃，牛肉味好夠好天然，唔似加入大量味精，真是好鮮牛:)。凍檸檬茶好飲，是令人飲完一啖，又令你想飲第二啖的檸檬茶，直到你飲完為止，茶及檸檬都好香，非常有茶及檸檬味，相當高水平之作。牆上貼了溫馨提示，叫你快啲食多士，各位食家，記得睇吓呢張溫馨提示。多士上枱的時候，你唔即刻食，簡直是浪費了廚師的心機，多士好食都變唔好食，食多士絕對可以講得分秒必爭，遲一秒食都會冇咁好食。埋單$32，物有所值，好鬼滿意。…查看更多

我本人好鍾意食拉麵，但味千的拉麵質數就滿足唔到我，但轉烏冬後就完全唔同(轉烏冬要加$5)，豬軟骨拉麵轉烏冬是本人最愛，因豬軟骨造得好好，豬軟骨好入味，煮得好淋，好味。而烏冬相當唔錯，幾彈牙，好食。牛軟筋拉麵轉烏冬好味，牛軟筋都煮得好淋，好味。烏冬都是幾彈牙，好食。相當唔錯的青蘋果汽水。值得一試。小番薯天婦羅一般，冇成意，因有五舊小番薯於炸的時候是纏在一起的:(，好難才分得開，而味道都幾香番薯味。埋單$163.9，唔貴。…查看更多

一定要推介呢間我心水的餐廳，一個月我會來兩三次，因再唔推介我拍佢會做唔住，唔知係唔係我次次都過咗食晚餐時間先去，次次去都唔駛等位，所以要係度強烈推介，免得我心中的美食好去處又小一個，唔係講笑，生薑燒豚肉飯真是好味(一定要試)，豚肉有汁又煎得好香，飯又一粒一粒，堅正。雞泡魚干勁好味(一定要試)，記得要點一點伴碟的醬，超夾。西京燒銀雪魚好滑(一定要試)，從來未食過咁滑的銀雪魚，都是記得要點一點伴碟的醬，超夾。水密桃乳酸好飲，好夠氣，飲到尾果一淡都有氣，正，內有少量水密桃果肉，正正。…查看更多

睇過openrice的食評後，專程去太子砵蘭街大記攦粉糕點專門店，我以前以為叫晒粉，點知叫食物晒粉時，店員話有邊讀邊，讀(麗粉)，原來我一直唔知點讀個名，真羞家。攦粉相當有咬口，質感相當好。另叫了煎蘿蔔糕，芋頭糕。本人覺得芋頭糕可以向各朋友推介一吓。到離開店舖時，門口放了很多款糕，於是我買了十五件不同的款式，回到家中足足吃了四天才吹得完。，整體唔錯，下次路經可再去。…查看更多

服務好好而食物質數相當高的一間餐廳，難怪一直在Open Rice內有這麼好的評價唔知點食小籠包是最好的朋友可看看這張，有教你落豉油、醋及點食方法，這餐廳真細心，我以前都唔知點食是最好:(，而家就知道:)。小籠包原本有六個，但朋友等不來即食了一個。蒜香粉皮肉，本人超欣賞。豬扒飯冇咩好講，好多人(包括我)都覺好好味，炒飯真真正正的炒得乾身一粒一粒，蛋味好香。再比多一個正字。鹵水牛肚好味，未試過的一定要試。杏仁豆腐，重點推介這個甜品，一定要撈一撈面的糖漿，杏仁味好濃厚，豆腐好滑。:):):)埋單成為$379.5，滿足。…查看更多

凍檸檬茶都可以啦，有檸檬及茶的香味，但可以更好。餐牌上寫著頂級餐肉滑蛋公仔面，午餐肉好似是三花牌的，認真足料。面好似是出前一丁的，點解我會話好似，因為我唔肯定佢的牌子，但肯定佢好味，要向各大食家推介吓這個頂級餐肉滑蛋公仔面，真是幾好味，值得一試。埋單呢餐成為$55，唔貴。…查看更多

近日因好多時要去旺角工作，所以去了旺角翠華，旺角這間都是第一次，之前我都食過銅鑼灣翠華十多次，去親次次我都會食咖哩牛腩飯:)，因為覺得相當好味，今次旺角翠華的咖哩牛腩都保持水準，所以要係度推介咖哩牛腩飯比各食家，今次同朋友吃了$149(有相片的收據為証)，次次光顧翠華都覺有少少貴，不過味道真是好味，少少貴都是無可口非，我會繼續支持翠華。…查看更多