Meow喵子的个人专页

下午兩點半左右到揀點心因為點心價錢都唔算平所以對質素有D期望最有驚喜係雪影杏汁包杏仁味唔算太濃 係淡香 即使平日拒絕杏仁既人都會接受蜂巢炸芋角 係幾精緻幾好食，推介👍咸水角 外脆內軟鮮蝦腸係即叫即做蓮藕餅唔好食 好咸好咸，唔推介😞七味豆腐係正常發揮其他點心係唔錯，係水準之上100%純牛肉 球好食服務就 麻麻地 當日佢地忙著執夜晚個場所以 茶水無咩主動加水叫極落點心都叫唔到但我都想嚟多次下試爵士湯可能兩個老人家價錢算係甘啦…查看更多

甘岩要去親戚屋企搜尋到 人氣米線舖一試難忘是日假期紅日 2點致電叫外賣 得到外賣號碼2點半左右到達舖頭俾錢俾左錢後，女店員忙於安排堂食入座根本根本無同我交代過外賣要等定已經有可以拎眼見等店員安排入左幾枱（5、6枱）客人趁佢有空檔，我先問佢關於個外賣行蹤點知已經放左係舖頭內中間既枱由一位男店員遞出嚟俾我（男店員既手指大部分都係灰甲）🫢🙈😱我只好第一下用張收據包著先好彩收據夠長之後狂噴消毒行左十分鐘 可以開餐開餐前都噴哂消毒首先講招牌魚腐米線 酸辣小辣唔計職員衛生，其實味道唔差口味好個人 係比連鎖店特別既通菜正常發揮我最期待既豆花米線記得十幾年前旺角好景附近都有一間豆花米線味道好難忘記 又香又滑至於而個豆花米線係好食既豆花既豆味同辣味好夾 口感幾滑既成碗米線包括哂花生既脆口，豆花同米線既滑 同肉燥既香口 其實係好食既但排大長籠就要睇吓值唔值得始終人手安排好差同埋衛生問題都要諗下…查看更多

係維園見到有小食亭過嚟八卦一下其實都唔只係小食亭基本小食亭有魚蛋燒賣飲品都幾多選擇，可能附近多工人姐姐休憩所以好多印尼菜 都同時提供下午茶小食雞髀西多薯條我叫左油髀加薯條 40蚊附近好多遊客 所有menu 中英圖片並茂唔係！係印尼菜式 有印尼文無英文食物副相影得清晰 方便遊客港人選擇落order 應該係自家製印尼蝦片油髀炸薯條等左十幾分鐘係collect here 拎著個籌服務員會中英大叫number 又有顯示數字實識拎薯條可能要趕快食先得，俾鼓油浸完另有一番風味炸薯條岩岩新鮮炸起 好味（我唔想講咩好油唷而d肺腑之言，「炸薯條唔油」可以拎去東華表演籌款架！）油髀正常發揮 其實算幾好味有鼓油入味唔太咸 唔太乾 肉算juicy 都正常size 大少少 下午茶嚟講一個中年婦人夠食覺得而道好舒服我住左石屎森林三十幾年有時都想望著綠色植物慢慢享用早餐午餐而道真係提供到回想返日本旅行，我經常都將「公園內園餐廳」、「神社餐廳」及「樹葉間隙漏下的陽光Cafe」放入計劃行程其實而道係枱櫈比較簡單而且隔離好多鴿仔四圍行佢哋唔搞我，我唔理佢地 架（不過唔係人人包容佢地 始終有衞生問題）維園禁煙👏香港幾難得搵到地方戶外食嘢但唔洗驚二手煙？唔係小食亭甘簡單但又好當佢係餐廳希望而道或者類似大型公園既快餐亭可以好好發揮🙏下次天氣再熱D我要試珍多冰 菠蘿冰店主店員好niceTerima kasih🙏…查看更多

我位對味道有強烈要求既奶奶長期指定飲茶地點奶奶對點心既要求好簡單就係「唔可以太濃味」五個大人 七個點心一個麵炆南瓜麵正常發揮，係濕身有少少汁唔太乾有南瓜麵揀唔洗成日食伊麵咁單調芝麻芋絲脆夾睇外貌係焗到黃金色的確外層好脆口 內層芋絲包著左芋泥所以真係外脆內軟蒸既菜苗餃都係正正常常另外紅棗包就係奶奶既至愛🥰首先好香 未食聞到好香紅棗味之後口感煙韌既，唔係蒸到軟綿綿既包甘對甜味有好高要求既奶奶每次都必點紅米銀蘿腸粉都係奶奶鍾意既點心最外層係紅米腸粉包著蘿蔔絲就有d脆口既餡蛋散就老爺成日都叫都係炸到脆身加糖漿…查看更多

星期六過嚟食下午茶兩人座係餐廳門口附近四人位座位幾舒服餐廳內充滿聖誕裝飾 店員都帶埋聖誕帽氣氛超級好🎄❄️今日想食多啲菜首先叫左個牛奶炒豆苗好大碟同埋好入味每次都必食之後叫左個下午茶餐咸牛肉炒蛋三文治加蘋果粟米沙律除左蘋果同粟米重有青瓜粒同菠蘿係傳統餐廳既沙律 另外散叫左個焗牛肉飯好似好細 其實都夠飽環境好舒服 食物質素唔錯要多多支持下次下午茶再嚟 好想食牛油焗杏仁蜜糖多士另外附上早前晚餐既相片帶子雞意粉雞煎焗得好好味 香口又唔乾身封門牛好好食呀配碟又有唔少量既蔬菜跟封門牛既醬汁超級好味係wasabi 感覺加少甜味個人口味 封門牛點少少而個醬汁簡直令封門牛昇華✨咖啡燉蛋係誠意之作生果唔係普通罐頭生果餐廳三十週年👏👏👏好似停留左係90年代而沒有過氣感覺當然全部職員都好專業態度好好好似時光倒流 感受到爸媽拍拖去既餐廳畫面😂…查看更多

星期六日兩點鐘開賣熱香餅漢堡注意返星期一至五開賣時間唔同之前睇左好多片訪問老板又試過晏左嚟排唔到隊尾今次終於排到啦👏真金白銀💸🥰俾左64蚊 物超超超所值熱香餅漢堡15蚊乘2凍奶茶14蚊開心果燒餅10蚊乘2行近舖頭都見到人籠指示牌就細左d有個大大既「開心果燒餅」新產品既招牌令到當日有人排錯隊（意思係想買開心果燒餅唔洗排隊，係買熱香餅漢堡先要排隊😂）持續有人排隊老板出嚟安排排隊真心安排得好好 唔會亂唔洗同人嘈值得一讚由於現場即時製作排隊到我地啦老板指示同「馬尾個姐姐」講要幾多個睇著個包整好見之前衞詩雅😘讚過咖啡奶茶天氣太熱啦 叫左個凍奶茶（少冰）行左一陣十五分鐘先食個包個包都保持到溫暖（由於我對甜味接受能力幾高）我覺得好好食熱香餅好鬆軟 當然係甜有D好似沙律醬？都係甜既蛋同漢堡都煎得好好但朋友個個包既熱香餅有少少乾身同硬應該煎得耐左比較上無我個包甘軟朋友激讚個奶茶當然朋友同我都鐘意奶味重既奶茶少冰真係做到少冰放左一陣先飲仍然好飲好開心 好有幸福既感覺好有細個茶餐廳既溫度但明明係而家配搭既食物而燒餅，相信一付款後三十分鐘係最佳食用時間雖然過左，開心果既味都好濃在場見到有啲長者哥哥姐姐同舖面打卡睇嚟大家都食得好開心☺️會趁放假平日再嚟排隊…查看更多

見到日本人朋友post 社交平台 食而間拉麵重keep 著食keep 著讚多謝介紹 👏超級正事前了解下「二郎系」拉麵先湯底濃同粗麵同大量蔬菜⋯⋯正喎 我哋鐘意食芽菜兔哥隔離既係豚骨醬油沾麵二倍芽菜小八後面係岡山一番拉麵中盛三倍芽菜拉麵店揀既芽菜唔係香港街市買到既幼芽菜好粗身湯底好濃好多蒜蓉麵身好粗麵隔離一大堆蒜蓉要睇大家既口味蒜蓉+濃湯 同粗麵無咩味既芽菜好完美組合（我個人口味係超級鐘意）雖然我唔肯定麵係邊度造但好有麥味 食得出好有誠意大家就返自己對芽菜既需要揀返食得哂既芽菜量我一定會再嚟 試埋其他拉麵🙏另外一提價錢好吸引唷 …查看更多

由係大角嘴好細間分店開始到而家開多左好多分店作為消費者係開心既以前係埃華街出面排隊又曬又落雨都覺得好值得因為以前堂食會令人有「幸福」既感覺咁外賣都俾人有「好味」既感覺另外舊時大角嘴店店員超級細心當時我ot 遲了半小時有多未打外賣竟然打嚟問我幾時拎外賣 重新做過一個新既俾我所以抵你地開甘多分店疫情時最開心就係食 那個😍臺南蝦卷便當蝦卷新鮮炸好蝦卷同其他街外既唔同，蝦肉厚實而且彈牙香烤排骨便當都係新鮮炸好（坦白係因為好想食香酥但睇落好大塊）都係甘好味那個吸引既地方就係配菜麻婆豆腐仍然好好味 （少少辣架）粉絲好似失色左少少 以前好似係幾惹味架唔同分店 唔同既環境今次無揀野飲下次再去其他分店再試…查看更多

一早OpenRice book位 好開心可以同屋企人開開心心食餐中秋飯早一日落訂八人餐平300蚊服務態度真係麻麻 服務員拎八罐汽水嚟之後我地要求要轉做無糖可樂服務員話：「要就早啲講，唔好要我行嚟行去。」中秋流流聽到你咁講都唔知點算好呀媽就叫我唔好話服務員呀姐我就覺得點都要俾消費者知道其他雞好老魚好un 魚翅唔好食 炸蟹波都好味既 炒飯好食 黑松蓉味濃最好味係個壽包大爐蒸得岩岩好係位置唔差本身諗著揀莫雲定而間食完感到追悔莫及俾多啲錢可以有基本服務 食物好D唉真係唔怪得人地個個衝返上大陸消費…查看更多

一直搭車經過門面都好想試自己俾錢真金白銀拎左222蚊食左而餐但物有超值😚💸六點半左右入座 本身已經有三枱客人我哋揀左最入面既bar枱 係面壁但坐得幾舒服Menu選擇很多我地兩人各揀左兩個撈麵原味東京撈麵 同 鹽味撈麵麵未到 店員已經送上介紹食法既牌當然我地都有跟著介紹食法進食原味東京撈麵係兔哥既右手面 有隻生蛋係面好豐富味道係好味而兔哥既左手面係鹽味撈麵叉燒好食 全碗麵味道好夾加多左隻溏心蛋（係兔哥後面）由於太好味 好快食晒向店員要求 迷你白飯撈埋餘下既醬汁晚餐份量嚟講好足夠食食下我另外order 多份竹筍(本人自己好鐘意食竹筍）：爽口入味😂超級推介而間麵店 我哋會再嚟試埋其他麵麵店內有洗手間 好乾淨係bar枱後面 真係好乾淨…查看更多

因為有身分證10個零既2折promotionTiramisu coffee 同babyccino rose賣相一流兩杯都味道就有少少過甜Tiramisu coffee 既cream 係好味唔算太甜又滑，但下層咖啡係咪加左咩syrup定酒味（唔太岩我既口味）Rose babyccino 聞到好香 朋友都覺得奶係濃既而杯 strawberry soda 唔岩我朋友飲牛肉燉飯正常發揮carbonara 好味好rich 醬汁濃厚岩岩好意粉質地唔錯辣蕃茄蟹肉意粉真係幾辣既 正常蕃茄意粉梳乎厘Pancakes叫左兩個蜜瓜pancake有塊新鮮既蜜瓜伴碟好fresh 梳乎厘pancake 而份係soft 既 但蜜瓜醬同綠色cream 都幾一般發現好多枱order左都清唔到個綠色cream伯爵茶梳乎厘pancake 有warabi mochi 兩粒加個貝殼蛋糕仔伴碟而個白色cream 唔錯喎而份梳乎厘pancake硬身少少但都唔錯最後四人埋單$220值得一讚店員態度超！級！好！如果10月1號再有 身分證10個1字既promotion 甘就普天同慶👏…查看更多

帶左一大堆大小朋友仔嚟慶祝生日吉士焦糖梳乎厘pancake 味道口感唔錯 正常發揮賣相真係無令人失望值得一讚 店員服務只不過係OpenRice book位時 remark了朋友生日聚會店員自動自覺寫上 happy birthday 很細心朋友真的開心🙏多謝野飲嚟講而杯野好靚😍薯條好味 新鮮炸起 味道唔錯炸雞好味 可以熟多少少咖啡都係正常發揮另外焙茶latte 都好飲拉花幾靚座位好好坐 服務員唔趕客人只係可能位置近半open kitchen 都幾大陣油煙味希望改善到…查看更多

一行十二人上左一層去葉公館食餐中秋飯團團圓圓 幾開心有細佬仔又有老人家豬手 同避風塘豆腐好好食 隻雞幾有特色 係倒d酒落去再著火好有視角效果味道少少過咸如果要服務員出手分裝隻雞 要另外收費好彩大把家庭主婦拿手用✂️剪雞炒蜆都有一定水準都食得幾開心苦瓜煲唔錯 全部小菜方面味道都唔錯 真係隻雞咸左少少熱辣辣又加返分係人口左手邊最入既大枱會有滴水 有少少影響到環境方便就扣左少煙分服務員態度好好 有求必應👍價錢都公道所以都值得一試…查看更多

之前都食過外賣咪再嚟幫襯排隊咪等 點知到我地張飛個number只不過我去左洗手間我老公俾佢睇到我地張飛個number店員話要我返嚟先再等過咩規矩 嚟架唔緊要等大家知道佢有個甘既規矩啦我就以後唔會幫襯而間拉麵店係香港好食過佢既拉麵店認真大把我而好後悔去左個洗手間只不過係去左洗手間又唔係未到咩齊人先入得既規矩？放工趕頭趕命過嚟食餐拉麵都要全部人fall in先入到我就揀左隔離間日本野食唔錯喎以後都會見一個人同佢講而件事唉 你繼續做你既拉麵…查看更多

我都好少寫食評但都忍唔著因為其在太失望啦啦啦啦啦啦之前返工方便食開西環個間印象好好 所以嚟觀塘都想食返知道觀塘有芋圓食當然試下滷肉飯好味1如以往甘好味 都好滿意但個芋圓呢，就😭我揀左芋圓(溫)味道唔錯 係芋圓無咩本身味道如果對比平日其他小店 芋圓好有各自味道 即地瓜就充滿地瓜味芋頭就滿滿芋頭味另外落單前我用好普通既普通話問左侍應姐姐1次: 有沒有無珍珠?係佢答我無架甘最後個碗點解有珍珠架😭😭😭其實就我自己習慣食左珍珠會消化不良個胃好辛苦 我想走左珍珠去唉……查看更多